Romanos 3:4 - TÄ̧DO Ä̧CUÄ̧ I̧HUȨNȨ

⁴ Isocö̧. Diosmä yoröiso jaropi'ocö. O'ca toi'önä ttö̧ja̧ yapareu huȩnȩ ttucuocua'anä, yapareu ucuocuocö Diosmä. Huȩyu̧cuä̧ Huȩnȩ päa'a: O'ca toi'önä ttö̧ja̧ topö pättäcuotö: “Ucu iso päi'önä päcumä pä'öjä.” O'ca toi'önä ttö̧ja̧ ttu̧huo̧juä̧cuo̧tö̧ ucu adiu jȩcu̧'u̧.

Nuevo Testamento Uwotjüja

⁴ ¡Ja̧'wa̧nü̧mä̧kü̧ ja̧'a̧! ttü̧ja̧mä̧ o'katoi'ünä̧ yapareäkuäwä isotü ja̧'a̧nä̧, Dio-mä̧ jueü wȩnȩ i̧sa̧ ja̧'a̧; wȩyu̧kuä̧ wȩnȩmä̧ pä'a: «Kukuoku ji̧yȩnä̧tä̧, ttü̧ja̧mä̧ jueü wȩnȩ kukuokua'a tottäkuotü, ja̧'wa̧nü̧ jo̧mȩnä̧ abo 'kuäkuo'äkua̧jä̧, suronä̧ pättü'i̧nä̧.»

Romanos 3:4 ပူးပေါင်းရင်းမြစ်များ

San Mateo 11:19

Ja̧u̧nu̧ o'ca'a ttö, Ubo I̧tti̧, chichomenä chu̧cuȩ'i̧nä̧ cusä. Au'inä ausä. Ja̧'hua̧nö̧ ja̧'a̧ ucutu pä'ätöjä ttörö: “Ja̧u̧mä̧ rö̧ȩnä̧ cu. Ja̧'hua̧ta̧nö̧ rö̧ȩnä̧ au. Ja̧'hua̧ta̧nö̧ ja̧u̧mä̧, suronä jȩpä̧tö̧'i̧nä̧ ru̧hua̧ öäre pärätä ȩmä̧'i̧jä̧tö̧'i̧nä̧ tta̧hua̧ru̧hua̧do”, pä'ätöjä ttörö. Iso päi'önä Dios u̧huo̧ju̧ jȩä̧cuä̧huä̧mä̧ topö huo̧juä̧tö̧jä̧ adihua'a pä'ö, —pä'inödo Jesús.

San Lucas 20:16

Ichi'ö cuä'ö i̧cuä̧cua̧ jahuätö adicuä ttö̧ja̧rö̧. Pättamä korotörötä huȩä̧cua̧. Jesús ja̧'hua̧nö̧ jiähua'a ä̧ju̧cui̧nä̧tö̧mä̧ pä'inätödo: —Dios ja̧'hua̧nö̧ amöcuädö juiyöto pä'ätöjä, —pä'inätödo.

San Juan 3:33

Ja̧'hua̧nö̧ ja̧'a̧nä̧ ya̧tȩ esetöttömä, “Dios iso päi'önä päa'a” pä'ödo.

Romanos 11:1

Jitä jä'epösä: ¿Dios jaropi'inö tä̧ji̧ umöhuäyotö Israel ttö̧ja̧rö̧? ¡Yoröiso ja̧'hua̧nö̧ jaropi'ocö pi̧nö̧! Ttötäsä Israel ttö̧ja̧ i̧sa̧mä̧. Abraham isotö i̧sa̧sä̧. Benjamín isotö i̧sa̧sä̧.

Romanos 11:11

Jitä pä'ösä: ¿'Tö̧'ȩpö̧ ma̧tto̧mȩnä̧, Israel ttö̧ja̧ päcua'a päi'önä to'e'inätö tä̧ji̧? Tta̧'a̧huä̧jä̧. Päcua'a päi'önämäcö̧. Judíos ttö̧ja̧ ttöarodä'chomenä, judíos huocotörö Dios ȩmi̧nö̧, judíos ttö̧ja̧ topö tteseta pä'ö.

Romanos 3:31

Ja̧hua̧ ja̧'a̧ Dios jȩpö̧ ja̧u̧cu̧ ji̧nä̧ ji̧yȩtȩ huotö tta pä'ö tesetomenä, ¿hueähuä huȩnȩ jȩpö̧ icuätöjä tä̧ji̧? Isocö̧. Ja̧'hua̧nö̧ esetö: “Hueähuä huȩnȩ adiu jȩä̧cuä̧huä̧” pä'atöjä.

Romanos 6:15

Ja̧'hua̧ ja̧'a̧ ¿tta̧'a̧nö̧ jȩta̧'a̧huä̧jä̧ttö̧? ¿Suronä jȩpä̧tö̧jä̧ tä̧ji̧, hueähuä huȩnȩ jȩto̧ca̧'a̧nä̧, Dios ppädäcuähuänä tö̧ja̧'a̧nä̧? Ja̧'hua̧nö̧mä̧cö̧.

Romanos 6:2

Tta̧'a̧huä̧jä̧. Suronä jȩti̧nö̧ttö̧mä̧, huä'ö icuätö jä̧'i̧nö̧'a̧nö̧ ka̧cuä̧tö̧jä̧. Ja̧'hua̧nö̧ ja̧'a̧ttö̧ ¿tta̧'a̧nö̧ suronä jȩpö̧ tö̧ja̧cuä̧ttö̧?

Romanos 7:13

Ja̧'hua̧nö̧ ja̧'a̧nä̧ ¿ja̧u̧ adihuä juäimä chesetomenä, hua'are ttörö ichina'a tä̧ji̧? Ja̧'hua̧nö̧mä̧cö̧. Ttörö adiunämä surojötä 'corupä'i'ätö jä̧'i̧nö̧'a̧nö̧ chö̧jö̧nä̧ hueina'a ttörö, o'ca toi'önä surojö ttu̧huo̧jua̧ pä'ö. Ja̧'hua̧ta̧nö̧ hueähuä huȩnȩ surojö jȩtö̧ juiya pä'ö päa'anä, surojötä ji̧nä̧ isocu rö̧ä̧cha̧'a̧.

Romanos 7:7

Ja̧'hua̧ ja̧'a̧ttö̧ ¿tta̧'a̧nö̧ pätäcua'ajä̧ttö̧ hueähuä huȩnȩmä̧? ¿Hueähuä huȩnȩ surojö tä̧ji̧? Tta̧'a̧huä̧jä̧. Hueähuä huȩnȩmä̧ surojöcö̧. Ttö'inä surojö jerupajisä, hueähuä huȩnȩ hueö juiyinöttömä. Ja̧'hua̧ta̧nö̧ hueähuä huȩnȩ päa'a: “Korotö ttöäre pä̧huä̧ rö̧jö̧ tocu'ä'.” Hueähuä huȩnȩ ja̧'hua̧nö̧ päa'attö, korotö ttöäre pä̧huä̧ rö̧jö̧ toäcuähuämä surojö pä'ö huo̧jua̧sä̧.

Romanos 9:14

¿Tta̧'a̧nö̧ pätäcua'ajä̧ttö̧ ja̧u̧ttu̧mä̧? ¿Diosmä yoräteunä jȩpo̧cö̧ pätäcua'a tä̧ji̧? Ja̧'hua̧nö̧mä̧cö̧.

1 Corintios 6:15

¿Ucutu jerupätöjä tä̧ji̧? Ucutu jättäpäyotö Cristo jä̧ttä̧pä̧ya̧ pä'i'ätöjä. Ja̧'hua̧nö̧ ja̧'a̧ttö̧ Cristorö cheseta'attö, ja̧'a̧tä̧ra̧'a̧ huajuru jȩchä̧'cho̧mȩnä̧ ¿adihua'a tä̧ji̧? Isocö̧. Ja̧u̧mä̧ yoröiso surojödo.

2 Corintios 1:18

Diosmä ujuturu huo̧jua̧. Ja̧'hua̧nö̧mä̧ todärenä pä'ocotöjä ucuturu.

Gálatas 2:17

Ja̧'hua̧nö̧ ja̧'a̧ Diosmä Cristonä ȩma̧tö̧ pätöttömä, “Ujutu'inä suronä jȩpä̧tö̧jä̧” pätäu'a̧nö̧ ja̧'a̧. Ja̧'hua̧nö̧ jȩpö̧ ¿Cristorö esetömä suronä jȩta̧ pä̧u̧jä̧ tä̧ji̧? Yoröiso juhua'acumäcö̧.

Gálatas 2:21

Ja̧'hua̧nö̧ ja̧'a̧ttö̧ ttömä chä̧ppö̧tä̧ra̧ pä'ocösä Dios adihuä juäi iyömä. Ya̧tȩ Moisés hueähuä huȩnȩ jȩo̧mȩnä̧, Dios ȩma̧rö̧ pä'ö jö̧ttö̧mä̧, Cristo 'corujuoächinömä yoröiso micuähuocö ja̧ji̧.

Gálatas 6:14

Ttömä ucuturu chu̧huo̧juȩti̧nö̧mä̧ adiu huo̧juȩti̧nö̧sä̧ päda pä'ocösä. Ji̧yȩä̧cuȩtä̧ Chu̧ru̧hua̧ Jesucristo dau isodänä 'corupäi'inötä, ja̧u̧tä̧, adiu chucuocua pä'ösä. Ja̧u̧ Cristorö chesetomenä, pi̧jä̧ jähuä 'corupäi'ina'a jä̧cu̧sä̧ ttömä. Ja̧'hua̧ta̧nö̧ pi̧jä̧ jähuä pä̧huä̧ juida'anä 'corupädi'ina'a ja̧'a̧.

1 Timoteo 3:16

Iso päi'önä ujutu huo̧juä̧tö̧jä̧ Dios i̧huȩnȩ, pä'äji ttieruhuinö huȩnȩ, iso päi'önä adihuä huȩnȩ ja̧'a̧. Dios pi̧jä̧ra̧'a̧ ichinödo ujutu jö̧ ta'anö hua̧. Espíritu Santo i̧jȩcui̧nä̧cu̧do adihuä i̧sa̧ ja̧'a̧ttö̧. Angeles topinätödo ja̧u̧ru̧. O'ca toi'önä pa̧ja̧cuä̧chö̧nä̧ ä̧ju̧cui̧nä̧tö̧do ja̧u̧ru̧. Pi̧jä̧ pa̧ja̧cu̧nä̧ esetinätödo ja̧u̧ru̧. Mo̧ro̧jä̧ra̧'a̧ cä'ecuächinödo.

Tito 1:2

Ja̧'hua̧ta̧nö̧ kä̧cuä̧huä̧ i'co, Dios iya päinömä, tta̧ttä̧ra̧ pä'ö ji'äusä. Dios yoröiso yaparehuocö. Pi̧jä̧ juiyäi'inä, ja̧u̧ kä̧cuä̧huä̧ i'co iya pä'ö amöcuädinödo.

Hebreos 6:18

Ja̧'hua̧nö̧ ja̧'a̧ttö̧ koro juäi todäre jo̧mȩnä̧mä̧, yoröiso pärohuocö ja̧'a̧. Ja̧u̧ juäimä, Diosmä yoröiso yapareu pä'ocö. Ja̧u̧ juäi amöcuädö, Diosrö esetö kä̧nö̧, ujuturu ppä'ädö eseunu tö̧ja̧cua̧ pä'ö Dios iya päinö tta̧tä̧ro̧mȩnä̧.

1 Juan 5:10

Dios I̧tti̧rö̧ esetätömä ttami iso'quinä hua'adö ku̧nä̧tö̧ ja̧u̧ Dios jiähuinömä. Diosrö esetocotömä “Dios yaparehua̧” pä'ätö, Diosmä I̧tti̧rö̧ tteseta pä'ö jiähuinömä ttesetoca'attö.

1 Juan 5:20

Ujutu huo̧juä̧tö̧jä̧ Dios I̧tti̧ ichinö. Huo̧juä̧tö̧jä̧ ujuturu huo̧juȩti̧nö̧ Dios iso päi'önä kö̧rö̧ tu̧huo̧juä̧chi̧'ö̧nä̧. Iso päi'önä kö̧cu̧ ka̧cuä̧tö̧jä̧ ujutumä, I̧tti̧ Jesucristocu tö̧ja̧'a̧ttö̧. Ja̧'hua̧nö̧ ja̧'a̧ iso päi'önä Dios ja̧u̧tä̧ ja̧'a̧do. Ja̧u̧tä̧ kä̧cuä̧huä̧ i'co ja̧'a̧do.

Apocalipsis 3:7

“Ja̧'hua̧ta̧nö̧ Filadelfia ötahuiyättö iglesia ruhuärö tta̧huä̧rä̧cuä̧huä̧ i̧sa̧rö̧ huȩyu̧tu̧ hue'i: “Yoröiso adihuä i̧sa̧'i̧nä̧, iso päi'önä pä'ö'inä, Ru̧hua̧ David öäre llave ku̧nä̧rö̧mä̧ äpate bahuepomenä, ka̧ra̧mä̧ yoröiso mö̧'ȩpo̧cö̧. Ja̧'hua̧ta̧nö̧ äpate mö̧ȩpo̧mȩnä̧, ka̧ra̧mä̧ yoröiso ba'epocö.