Romanos 3:30 - TÄ̧DO Ä̧CUÄ̧ I̧HUȨNȨ

³⁰ Toa'a ka̧ra̧ Diosmä. Yoröiso ya̧tȩä̧tä̧ kö̧. Ja̧u̧mä̧ Jesucristorö esetätörö jȩpö̧ ja̧u̧cu̧ ji̧nä̧ ji̧yȩtȩ huotö tta pä'ö judíos ttö̧ja̧rö̧'i̧nä̧, judíos huocotörö'inä.

Nuevo Testamento Uwotjüja

³⁰ Isopäi'ünä̧ Dio-mä̧ ya̧tȩtä̧ ja̧'a̧ttü̧, o'katoi'ünä̧ circuncisión pättü juei jȩpi̧nä̧tü̧rü̧'i̧nä̧, circuncisión jȩpo̧ko̧tü̧rü̧'i̧nä̧ tta̧'kua̧ ttu̧wȩnä̧rü̧nä̧tä̧ adiwä juei isotü päi'ünä̧ ȩmi̧nä̧u̧jä̧.

Romanos 3:30 ပူးပေါင်းရင်းမြစ်များ

Romanos 2:26

Ya̧tȩ circuncisión jȩo̧ca̧'a̧ra̧'a̧ Moisés hueähuä huȩnȩ hueö ta'anö jȩö̧ttö̧mä̧, Dios ä'ca jo̧mȩttö̧ circuncisión adicuä i̧sa̧ ö̧jö̧ ta'anö kö̧, circuncisión jȩo̧ca̧'a̧nä̧'i̧nä̧.

Romanos 2:27

Ucu Moisés hueähuä huȩnȩ cu̧ju̧nä̧ra̧'a̧nä̧'i̧nä̧, circuncisión jȩcu̧'a̧'a̧nä̧'i̧nä̧, Moisés hueähuä huȩnȩ hueö ta'anö jȩcu̧'u̧ juiyöttömä, ya̧tȩ circuncisión jȩpo̧cö̧mä̧, Moisés hueähuä huȩnȩ hueö ta'anö jȩpö̧mä̧, pä̧cua̧ ucuru: “Ucu suronä jȩpö̧jä̧.”

Romanos 3:22

Dios ttö̧ja̧rö̧ jȩpö̧ ja̧u̧cu̧ ji̧nä̧ ji̧yȩtȩ huotö tta pä'ö Jesucristorö esetäcuähuänä. Ja̧'hua̧nö̧ yoräteunä jȩpö̧ o'ca toi'önärö Jesucristorö esetätörö.

Romanos 3:28

Ja̧'hua̧nö̧ ja̧'a̧ttö̧ ä̧ju̧cu̧ huo̧juä̧tö̧jä̧ Dios jȩpö̧ ja̧u̧cu̧ ji̧nä̧ ji̧yȩtȩ huotö tta pä'ö churutä esetäcuähuänätä, hueähuä huȩnȩ hueö ta'anö jȩä̧cuä̧huä̧nä̧mä̧cö̧.

Romanos 4:16

Dios iya pä'ö amöcuädinömä, churutä esetäcuähuänätä iyö. Ja̧u̧ mippoönä iya pä'inö o'ca toi'önä Abraham i̧tti̧mö̧ isotörö, Moisés hueähuä huȩnȩ jȩpä̧tö̧rö̧'i̧nä̧, Abraham esetinö ta'anö esetätörö'inä. Ja̧'hua̧nö̧ ja̧'a̧ttö̧ ja̧u̧ Abraham ujutu tä'o ja̧'a̧, o'ca toi'önä esetätömä.

Romanos 4:9

Ja̧'hua̧ ja̧'a̧ttö̧ ¿circuncisión jȩpä̧tö̧tä̧ esehuätö tä̧ji̧? ¿Circuncisión jȩpo̧co̧tö̧, esehuocotö tä̧ji̧? Täcö ji'ähuätöjä Abraham esetomenä, Dios jȩi̧nä̧cu̧ ja̧u̧cu̧ ji̧nä̧ ji̧yȩtȩ ja̧ pä'ö.

Gálatas 3:20

Ja̧'hua̧nö̧ ja̧'a̧nä̧ yoröiso recuä rö̧jo̧co̧u̧jä̧ ya̧tȩrö̧tä̧ tucuocuomenä. Iso päi'önä Diosmä ya̧tȩtä̧do.

Gálatas 3:28

Yoröiso yorätehuätöjä Cristo Jesúsru cuesetätucuomenä, judíos ttö̧ja̧'i̧nä̧, griegos ttö̧ja̧'i̧nä̧, ttu̧mö̧huä̧ya̧'i̧nä̧, ttu̧mö̧huä̧ya̧cö̧'i̧nä̧, ubo'inä, isaju'inä.

Gálatas 3:8

Judíos huocotöttö Diosrö esetätömä ttesetäcua'a ä'canä amöcuädö Dios jahuätörö ȩma̧ päinö huȩnȩ päina'a Huȩyu̧cuä̧ Huȩnȩ Abrahamrö. Ja̧u̧ adihuä huȩnȩ päina'a: “Ucu adiu cueseta'attö, o'ca toi'önä ttö̧ja̧mä̧ ppädädäcuotö.”

Gálatas 5:6

Ujutu Cristo Jesúsru tesetomenä, circuncisión jȩä̧cuä̧huä̧'i̧nä̧, circuncisión jȩä̧cuä̧huo̧cö̧'i̧nä̧ yoröiso micuähuocö ujuturu. Ujutumä Cristorö tesetötä adiu micuähua'a. Ja̧'hua̧ta̧nö̧ ja̧u̧ru̧ tesetomenä, tahuaruhuärö repetäu'a̧nö̧ ja̧'a̧.

Gálatas 6:15

Ja̧'hua̧ta̧nö̧ Cristo Jesúsru tesetomenä, circuncisión jȩä̧cuä̧huä̧'i̧nä̧, circuncisión jȩä̧cuä̧huo̧cö̧'i̧nä̧, yoröiso micuähuocö. Cristorö esetö jareönä ttö̧ja̧ päti'omenätä micuähua'a.

Filipenses 3:3

Iso päi'önä ujutumä adiunä circuncidados huotöjä. Ujutumä Cristo Jesúsru esetö Espíritu Santonä eseunu amöcuädö ucuocuätöjä Diosrö. Ujutumä tidepä jähuämä ta̧'cua̧ huȩnä̧ro̧co̧tö̧jä̧.

1 Timoteo 2:5

Ya̧tȩtä̧ kö̧ Dios. Ja̧'hua̧ta̧nö̧ ya̧tȩtä̧ Dios ä'ca jo̧mȩttö̧ pi̧jä̧ ttö̧ja̧ ttucuocuomenä ji'äu. Ja̧u̧ ubomä Jesucristo.