Romanos 3:20 - TÄ̧DO Ä̧CUÄ̧ I̧HUȨNȨ

²⁰ Ja̧'hua̧nö̧ ja̧'a̧ttö̧ hueähuä huȩnȩ hueö ta'anö jȩä̧cuä̧huä̧nä̧, Dios jȩpo̧cö̧ ja̧u̧cu̧ ji̧nä̧ ji̧yȩtȩ huotö tta pä'ö. Hueähuä huȩnȩ pi̧jä̧ ttö̧ja̧ suronä jȩpä̧tö̧jä̧ pä'ö ttu̧huo̧jua̧ pä'ö huea'a.

Nuevo Testamento Uwotjüja

²⁰ Ja̧'wa̧nü̧ ja̧'a̧ttü̧ Dio ä'kattümä̧, ya̧tȩ'i̧nä̧ weäwä wȩnȩ ukuotü jȩa̧'a̧tä̧mä̧, adiwä jueikumä̧ juo'ächokü jä̧kua̧; jua̧u̧, weäwä wȩnȩmä̧ surojü jȩtü̧tä̧ ttu̧wo̧jui̧pü̧nä̧ ji̧na̧'a̧ttü̧.

Romanos 3:20 ပူးပေါင်းရင်းမြစ်များ

Hechos 13:39

O'ca toi'önä Jesucristorötä esetätömä, Dios o'ca juiyönä suronä jȩttö̧ jȩpö̧ icu. Moisés hueähuä huȩnȩ päö ta'anö jȩcu̧'ä̧tu̧cua̧'a̧nä̧, suronä jȩcu̧'ä̧tu̧cu̧mä̧ jȩpö̧ icuoco̧u̧jä̧.

Romanos 2:13

Moisés hueähuä huȩnȩ ä̧ju̧cu̧tä̧ ä̧ju̧cuä̧tö̧mä̧, Diosttömä adihuä isotöcö̧. Moisés hueähuä huȩnȩ jȩpä̧tö̧tä̧, Diosttömä adihuä isotö.

Romanos 3:28

Ja̧'hua̧nö̧ ja̧'a̧ttö̧ ä̧ju̧cu̧ huo̧juä̧tö̧jä̧ Dios jȩpö̧ ja̧u̧cu̧ ji̧nä̧ ji̧yȩtȩ huotö tta pä'ö churutä esetäcuähuänätä, hueähuä huȩnȩ hueö ta'anö jȩä̧cuä̧huä̧nä̧mä̧cö̧.

Romanos 4:13

Pi̧jä̧ o'ca juiyönä Dios iya pä'inö Abrahamrö, i̧tti̧mö̧rö̧'i̧nä̧, chutä isotörö. Ja̧'hua̧nö̧ ja̧'a̧nä̧ Abrahammä Moisés hueähuä huȩnȩ hueö ta'anö jȩa̧'a̧ttö̧, iya pä'ocö pi̧nö̧ Dios. Abraham churutä Diosrötä eseta'attö, Dios jȩi̧nä̧cu̧ chutäcu ji̧nä̧ ji̧yȩtȩ ja̧ pä'ö.

Romanos 4:15

Moisés hueähuä huȩnȩ ttu̧ju̧nä̧ro̧mȩnä̧, tä̧bo̧cuä̧ ka̧'a̧. Hueähuä huȩnȩ juiyomenä, tä̧bo̧cuä̧'i̧nä̧ juiya'a.

Romanos 5:13

Moisés hueähuä huȩnȩ ji̧nä̧ juiyäi, ki̧na̧'a̧ suronä jȩä̧cuä̧huä̧ pi̧jä̧nä̧. Suronä jȩtti̧nö̧ huȩyu̧tu̧ ku̧no̧cö̧ pi̧nö̧, hueähuä huȩnȩ ji̧nä̧ juiyäi ja̧'a̧ttö̧.

Romanos 5:20

Moisés hueähuä huȩnȩ ichina'a, suronä jȩä̧cuä̧huä̧ rö̧ä̧cha̧ pä'ö. Ja̧'hua̧nö̧ ja̧'a̧nä̧ suronä jȩä̧cuä̧huä̧ rö̧ä̧cha̧'a̧nä̧, Dios ppädäcuähuä suronä jȩä̧cuä̧huä̧ttö̧'i̧nä̧ abonänö rö̧ä̧chi̧na̧'a̧.

Romanos 7:11

Surojö ja̧u̧ hueähuä huȩnȩnä̧ yapareu ucuocuina'a ttörö. Ja̧'hua̧ta̧nö̧ hua'are ichina'a ttörö.

Romanos 9:32

¿Dä̧bö̧ ttö̧'o̧cui̧'o̧ca̧'a̧ ji̧nä̧ttö̧? Jitötä ttamönä jȩttö̧nä̧tä̧ usinätö. Diosrö esetö usocotö pi̧nä̧tö̧ Dios jȩa̧tö̧ pä'ö chutäcu ji̧nä̧ ji̧yȩtȩ huotö tta pä'ö. Ja̧'hua̧nö̧ ja̧'a̧ttö̧ ido'quinä 'tö̧ȩcuo'quinä 'tö̧'ȩpä̧'chi̧nä̧tö̧.

1 Corintios 15:56

Suronä jȩä̧cuä̧huä̧mä̧ ppäda'a 'corupäi'äcuähuä ujuturu suronä 'cuäopa pä'ö. Ja̧'hua̧ta̧nö̧ täbocö hueähuä huȩnȩ ppäda'a suronä jȩä̧cuä̧huä̧.

Gálatas 2:16

Iso päi'önä huo̧juä̧tö̧jä̧ päcuäitä Moisés hueähuä huȩnȩ hueinötä jȩtö̧ttö̧mä̧, Dios jȩpo̧cö̧ ja̧u̧cu̧ ji̧nä̧ ji̧yȩtȩ huotö ta pä'ö. Ya̧tȩrö̧tä̧ Jesucristorö esetötä Dios jȩpö̧ ja̧u̧cu̧ ji̧nä̧ ji̧yȩtȩ huotö ta pä'ö. Ja̧'hua̧ ji̧yä̧u̧ ujutumä esetinätöjä Jesucristorö, Dios jȩä̧cua̧'a̧nö̧ ja̧u̧cu̧ ji̧nä̧ ji̧yȩtȩ huotö ta pä'ö, Moisés hueähuänämäcö̧. Yoröiso ya̧tȩrö̧'i̧nä̧ Dios jȩpo̧cö̧ ja̧u̧cu̧ ji̧nä̧ ji̧yȩtȩ hua̧ ö̧ja̧ pä'ö päcuäi Moisés hueähuä huȩnȩtä̧ jȩo̧mȩnä̧mä̧.

Gálatas 2:19

Moisés hueähuä huȩnȩmä̧ jȩcho̧mȩnä̧, 'corujuo'ächätö jä̧'i̧nö̧'a̧nö̧ jä̧cu̧sä̧ ttömä. Ja̧u̧tä̧ Moisés hueähuä huȩnȩ 'corupädi'önä jȩä̧cu̧sä̧ Dioscu chö̧ja̧ pä'ömä.

Gálatas 5:4

Ucutumä Dios ȩmä̧tu̧cua̧cu̧ pä'ö hueähuä huȩnȩ jȩpä̧tö̧mä̧, Cristorö jaropi'inätöjä. Ucutumä Dios adiu ppädäcuähuättö'inä i̧mi̧cu̧nä̧ cue'ächätöjä.

Hebreos 7:19

Moisés hueähuä huȩnȩ yoröiso aditö icuoca'a ji̧na̧'a̧do ttö̧ja̧rö̧. Jitämä ja̧u̧ huȩnȩ jaropi'ö, koro adihuä juäi tta̧'ä̧rä̧tö̧jä̧. Ja̧u̧ juäi jareönä tta̧tä̧ro̧mȩnä̧, Diosrö tö'cöpächätöjä.