Romanos 2:8 - TÄ̧DO Ä̧CUÄ̧ I̧HUȨNȨ

⁸ Ja̧'hua̧ta̧nö̧ korotö ttamönä jähuä amöcuädätörö, iso päi'önä huȩnȩ esetocotörö, surojö kö'cätörö, jahuätörö Dios ra̧huä̧rö̧ ro̧ȩpä̧cua̧.

Nuevo Testamento Uwotjüja

⁸ Ja̧'wa̧nü̧ ja̧'a̧nä̧ jarodi'ü, tturuwonä̧ ukuo te'äkuäu, jueü wȩnȩ ukuotü jui'ü, suronä̧ jȩä̧kuä̧wä̧tä̧ ukuotätürümä̧ Dio-mä̧ rü̧ȩnä̧ ra̧wä̧rü̧ ro̧ȩpä̧kuä̧u̧.

Romanos 2:8 ပူးပေါင်းရင်းမြစ်များ

Romanos 1:18

Dios mo̧ro̧jä̧ra̧'a̧ kä̧nö̧ ro̧'ȩpö̧ jarode'ätörö'inä, suronä jȩpä̧tö̧rö̧'i̧nä̧. Jahuätömä, suronä jȩtta̧'a̧ttö̧, korotö iso päi'önä huȩnȩ ttesetö juiya pä'ö jȩpä̧tö̧.

Romanos 10:16

Ja̧'hua̧nö̧ ja̧'a̧nä̧ adihuä huȩnȩ ttä̧ju̧cua̧'a̧nä̧, o'ca toi'önämä ä̧ju̧cu̧ esetocotö. Isaías pa̧'a̧nö̧ pä'inö: “Chu̧ru̧hua̧, ujutu jitähuomenä, ¿dijä̧ttö̧ esetäjimä?”

Romanos 15:18

Yecuäcuähuä juiyönä ji'äusä Cristo ppäda'anä jȩchi̧nö̧mä̧, judíos huocotö Diosrö tteseta pä'ö. Ja̧'hua̧nö̧ jȩpi̧nö̧sä̧ ucuocuäcuähuänä'inä, jȩä̧cuä̧huä̧nä̧'i̧nä̧.

Romanos 6:17

Diosrö eseusä ucuturu amöcuädö. Ä'coji surojö hueö jȩä̧cuä̧huä̧ isotö cu'inätucua'anä, jitä eseunu jȩpä̧tö̧jä̧ cuami iso'quitucunä huo̧juȩcuä̧ huȩnȩ cuȩmi̧nä̧tu̧cu̧mä̧.

Romanos 9:22

Ja̧'hua̧ta̧nö̧ jȩpi̧nö̧ Dios churutä pä̧huä̧ rö̧jo̧mȩnä̧. Ro̧ȩcuä̧'i̧nä̧ i̧jȩpa̧ pä'inö. Ujuru'inä i̧jȩpa̧ pä'inö. Ja̧'hua̧nö̧ ja̧'a̧ttö̧ ami 'qui'ächi'ö topinö jitö ro̧ȩcuä̧nä̧ jo̧mȩ huotörö'inä, be'epö icuähuänä jo̧mȩ huotörö'inä.

1 Corintios 11:16

Ya̧tȩ pi̧yȩ huȩnȩ jä'epö ä̧ju̧cua̧ päöttömä, pa̧'a̧nö̧tä̧ pä'ösä ttömä. Ujutu'inä, iglesias ruhuä'inä pädäji ta'anö jȩpä̧tö̧jä̧. Koromä jȩpo̧co̧tö̧jä̧.

2 Corintios 12:20

Ucuturu topö chi̧'chö̧ttö̧mä̧, ttö chamöcuädöttö'inä i̧mi̧cu̧nä̧ ka̧cuä̧tö̧jä̧cö̧ amöcuädö yȩ'ȩcua̧sä̧. Ja̧'hua̧ta̧nö̧ ucutu cuamöcuädätucuttu'inä i̧mi̧cu̧nä̧ kö̧sä̧cö̧ amöcuädösä. Ja̧'hua̧ta̧nö̧ rohuäcuähuä'inä, korotö ttu̧ju̧nä̧rö̧ pä̧huä̧ rö̧jö̧nä̧ toäcuähuä'inä, ra̧huä̧rä̧cuä̧huä̧'i̧nä̧, korotörö huȩnȩtö̧ jiäcuähuä'inä, amönä yapareu ucuocuäcuähuä'inä, korotörö a'cuoyäunu toäcuähuä'inä, ja̧'a̧tä̧ amöcuädö jȩä̧cuä̧huä̧'i̧nä̧ ka̧'a̧ a̧'cua̧ra̧'a̧ ucutu cu̧'quȩtȩtu̧cu̧ pä'ö amöcuädösä ttömä.

Gálatas 5:20

Ttö̧ja̧ a̧'u̧cuä̧ adicuä esetätö. Ja̧'hua̧ta̧nö̧ yuhuähuä mä̧ri̧mö̧rö̧ esetö jȩpä̧tö̧. Ja̧'hua̧ta̧nö̧ a'cuoyäunu sȩ'ȩpä̧rö̧ rohuähuätö. O'ca päi'önä ra̧huä̧ri̧pä̧tö̧. Jitörötä adihuomenätä jȩpä̧tö̧. Jitötä jö̧ ta'anö amöcuädätörö ca̧ca̧cuä̧rä̧tö̧.

Filipenses 1:17

Korotömä ttörö repe'ö ji'ähuätö. Jahuätö huo̧juä̧tö̧ Dios i̧huȩnȩ rohuäu jidäu o'ca'a, cärenä chö̧'a̧'a̧mä̧.

Filipenses 2:3

Yoröiso ucutu cuamönätucunä a'cuoyäu amöcuädö jȩcu̧'ä̧tu̧cuä̧'. Usurä i̧sa̧ jö̧'a̧nö̧ amöcuädö cu̧ja̧cuä̧tu̧cua̧ja̧. Korotörö, ttöttö'inä abonänö adihuä isotö pä'ö, amöcuädätucui.

2 Tesalonicenses 1:8

Ja̧u̧mä̧ Diosrö esetocotörö'inä, Tu̧ru̧hua̧ Jesucristo i̧huȩnȩ esetocotörö'inä ö̧tä̧bo̧ta̧ pä'ö i̧chä̧cua̧.

Tito 3:9

Ja̧'hua̧nö̧ ja̧'a̧nä̧ ttö̧ja̧ amönä ttucuocu huȩnȩ'i̧nä̧, tä̧do̧tö̧ mi̧nä̧ ttö̧ji̧nö̧ ttucuocu huȩnȩ'i̧nä̧ cucuocuä'. Ja̧'hua̧ta̧nö̧ ttahuaruhuärö ra̧huä̧rö̧ ttucuocu huȩnȩ'i̧nä̧, Moisés hueähuä huȩnȩ ttucuocu huȩnȩ'i̧nä̧ cucuocuä' Tito. Ja̧u̧mä̧ yoröiso micuähuocö huȩnȩ ja̧'a̧.

Hebreos 10:27

Ja̧'hua̧nö̧ jȩtö̧ttö̧mä̧ rö̧ȩnä̧ suronä ro̧ȩcuä̧cu̧, ocurä rö̧arä cuoaräcu, o'ca toi'önä Dios aboiyotörö be'epäjipö icuähuä, tta̧huä̧ra̧'a̧ ujuturu.

Hebreos 11:8

Diosrö esetö, Dios huomenä, Dios päinö ta'anö jȩpi̧nö̧do Abrahammä. Korome, Dios ja̧u̧ru̧ iya päinome i̧'cha̧ pä'ö rä'opinödo. Chutä adihuä i̧rȩjä̧ttö̧ rä'opinödo i̧'chä̧cuo̧mȩ ieruhua'ara̧'a̧.

Hebreos 5:9

Ja̧'hua̧nö̧ huo̧jui̧pö̧, yoröiso adihuä i̧sa̧ pä'i'inödo. Jitämä chutä kä̧cuä̧huä̧ i'co iyödo, o'ca toi'önä ja̧u̧ru̧ esetätörö.

Santiago 3:14

Ja̧'hua̧nö̧ ja̧'a̧ttö̧ ucutu cua̧'cua̧ ko̧mȩnä̧, cuami iso'quitucunä amöcuädö jȩcu̧'ä̧tu̧cu̧ttu̧mä̧, surojö jä̧'i̧nö̧'a̧nö̧ huotöjä. Ja̧'hua̧nö̧ jȩcu̧'ä̧tu̧cuo̧mȩnä̧: “Ujutu yoröiso huo̧juä̧tö̧jä̧” päcuhuätucuä'. Ja̧'hua̧nö̧ päcuhuätucuomenä, yapareu huȩnȩ ucuocuätöjä. Iso päi'önä huȩnȩ ä̧ppö̧tä̧rä̧tö̧jä̧.

Santiago 3:16

Tta̧'cua̧ ko̧mȩnä̧ ttamöcuädomenä, jitötä jähuä jȩtto̧mȩnä̧, adiu ji̧nä̧ yo̧mȩtȩ amöcuädö jȩpo̧co̧tö̧. O'ca juiyönä surojö jȩä̧cuä̧huä̧tä̧ jȩpä̧tö̧.

1 Pedro 3:1

Ucutu'inä nä̧tö̧, cuirecuorö adiu jȩpö̧ ka̧cuä̧tu̧cui̧, ya̧tȩ Dios i̧huȩnȩ esetoca'anä, irecua adiu cuejächa'a topö, esetäcua'a̧nö̧ yajutä kucuocuoca'anä'inä. Adiu kö̧ja̧'a̧ topö, esetäcua'a̧nö̧.

1 Pedro 4:17

Dios ttö̧ja̧rö̧ pojocuä mo̧ro̧ täcö ichäja'a. Dios i̧tti̧mö̧rö̧ ä'canä pä̧cua̧. Ja̧'hua̧nö̧ ja̧'a̧nä̧ ujuturu ja̧'hua̧nö̧ ä'canä päa'attö, ¿tta̧'a̧nö̧ päcua'ajä̧ttö̧ Dios i̧huȩnȩ esetocotörömä?

Apocalipsis 16:19

Ötahuiyä rö̧ome, huäbodäcuä ötahuiyä jo̧mȩnä̧ päi'ina'a. Pi̧jä̧ttö̧ ötahuiyä'inä päcua'acu ma̧ä̧chi̧na̧'a̧. Ja̧'hua̧ ja̧'a̧nä̧ Dios amöcuädinö ötahuiyä rö̧ome, Babilonia ötahuiyä. Chutä ö̧ra̧huä̧ra̧'a̧ttö̧, ro̧ȩcuä̧ vino ttahua pä'ö hue'inö juhua'a ötahuiyänä ka̧cuä̧tö̧rö̧.