Romanos 2:7 - TÄ̧DO Ä̧CUÄ̧ I̧HUȨNȨ

⁷ Korotö, adihuä juäi jȩpä̧tö̧rö̧, eseäcuähuä usätörö, ucuotäcuähuä usätörö, tta̧'cua̧rö̧ yoröiso beipächocö usätörö, jahuätörö Dios i̧yä̧cua̧ kä̧cuä̧huä̧ i'co.

Nuevo Testamento Uwotjüja

⁷ Tturuwo, wa'ü ikuäwokü, ukuo jäwä Dio iyatü pä'ü tta̧'ä̧rü̧nü̧ adiwä juei jȩpü̧ kki̧nä̧tü̧rü̧mä̧, Dio-mä̧ kkä̧kuä̧wä̧ i̧yä̧kuä̧u̧.

Romanos 2:7 ပူးပေါင်းရင်းမြစ်များ

San Mateo 25:46

Ja̧u̧nu̧ o'ca'a jahuätömä ocurära̧'a̧ beipocarära̧'a̧ tä̧bo̧cuä̧ päi'önä tti̧'chä̧cuo̧tö̧. Korotötä, Diosrö pä̧huä̧ rö̧jo̧mȩnä̧ jȩpä̧tö̧tä̧, kä̧cuä̧huä̧ i'co ttu̧ju̧nä̧rä̧cuo̧tö̧, —pä'inödo Jesús.

San Lucas 21:19

Cuami 'qui'ächi'ö cu̧ja̧cuä̧tu̧cu̧ttu̧mä̧, kä̧cuä̧huä̧ i'co cu̧ju̧nä̧rä̧cuo̧tö̧jä̧.

San Lucas 8:15

Ja̧'hua̧nö̧ ja̧'a̧nä̧ jacuä jähuä rȩjȩ adihuome ma̧ä̧chi̧nö̧mä̧, korotö Dios i̧huȩnȩ ttami iso'quinä adiu ä̧ju̧cu̧, Dios i̧huȩnȩ päö ta'anö jȩpä̧tö̧ jä̧'i̧nö̧'a̧nö̧ huotö. Ja̧'hua̧ta̧nö̧ adihuä juäinätä cue'ächö, u̧huä̧ju̧ adiu huȩjä̧u̧.

San Juan 4:36

Ya̧tȩ se'ömä, seäji micuä ȩmö̧. Ja̧u̧ se'ömä, kä̧cuä̧huä̧ i'co ȩmö̧nö̧ se'ö. Ja̧'hua̧nö̧ ja̧'a̧ttö̧ ku̧ni̧nö̧'i̧nä̧, se'inö'inä ji̧nä̧ yo̧mȩtȩnä̧ ttesehuäcuotö.

San Juan 5:44

Ucutu pi̧jä̧ ttö̧ja̧ ttucuocutä usu, Dios chu ä̧cua̧tä̧ i̧huȩnȩ cusätucuoca'anä, ¿tta̧'a̧nö̧ pä'ö cuesetätucua'ajä̧ttö̧?

Romanos 2:10

Ja̧'hua̧nö̧ ja̧'a̧nä̧ Dios i̧yä̧cua̧ eseäcuähuä'inä, ucuotäcuähuä'inä, adiu kä̧cuä̧huä̧'i̧nä̧ o'ca toi'önä adiu jȩpä̧tö̧rö̧, judíos ttö̧ja̧rö̧'i̧nä̧, judíos huocotörö'inä.

Romanos 6:23

Surojö micuämä, hua'aretä jö̧. Ja̧'hua̧nö̧ ja̧'a̧nä̧ Dios mippoönä iyö kä̧cuä̧huä̧ i'co, Tu̧ru̧hua̧ Cristo Jesúsru tesetomenä.

Romanos 8:18

Ttö pä'ösä, jitä pi̧jä̧nä̧ tö̧jä̧i̧mä̧, ubara ttutumä a̧'u̧cu̧nä̧tä̧ ja̧'a̧. Yodoji eseäcuähuä tȩmä̧cuȩmä̧, rö̧ȩnä̧ jä̧cua̧'a̧.

Romanos 9:23

Ja̧'hua̧ta̧nö̧ ja̧u̧ adihuä i̧sa̧ pä'ö tu̧huo̧jua̧rö̧ pä'inö. Ja̧'hua̧nö̧ ja̧'a̧ttö̧ re rö̧jö̧nä̧ topinö ujuturu. Ä'canätä jȩpi̧nö̧ ujuturu, chutäcu tö̧ja̧cua̧ pä'ö.

1 Corintios 15:42

Ja̧'hua̧nö̧ jä̧cua̧'a̧ 'corupä'i'ö'cotö ttottächomenä. 'Corupä'i'äjirö, hua'ö icuru 'turätö. Juhuorö'inä ttottächomenä, yoröiso 'corupä'i'ocötä tto̧ä̧chä̧cua̧.

1 Corintios 15:50

Adihuä chö̧jä̧hua̧tö̧, ucuturu ji'äusä, pi̧jä̧ttö̧, ttidepäcu'inä, ttucuojacu'inä yoröiso doächäcuähuoca'a Dios ö̧jo̧mȩ. Koro beipächä̧cuȩ'i̧nä̧, koro beipächocö jä̧cuȩ'i̧nä̧ huihuacuoca'a jä̧cua̧'a̧.

1 Corintios 15:58

Ja̧'hua̧nö̧ ja̧'a̧ttö̧ adihuä chö̧jä̧hua̧tö̧, cuami 'qui'ächi'ö ka̧cuä̧tu̧cui̧ 'cuäopönä. Juhua'a yabonötä aditätucui Tu̧ru̧hua̧ aditähuä. Ucutu täcö huo̧juä̧tö̧jä̧, Tu̧ru̧hua̧cu̧ ji̧nä̧ yo̧mȩtȩ adicuämä adiunätä micuähua'a pä'ö.

Gálatas 6:9

Ja̧'hua̧nö̧ ja̧'a̧ttö̧ adiu jȩpö̧mä̧ 'cuätächi'ö juiyö'a̧nö̧ ja̧'a̧. Ja̧'hua̧nö̧ 'cuätächi'ö juiyöttömä, churutä pä̧huä̧ rö̧jo̧mȩnä̧ tȩmä̧cuo̧tö̧jä̧.

Efesios 6:24

Ja̧'hua̧ta̧nö̧ o'ca toi'önä Tu̧ru̧hua̧ Jesucristorö jarotti'oca'a repe'ätörö, Dios ppädäcua'a̧nö̧. Amén.

Colosenses 1:27

Dios judíos huocotörö ja̧u̧ ttieru huȩnȩ, adiu eseäcuähuä huȩnȩ, jiähua pä'inö. Pa̧'a̧nö̧ päa'a ja̧u̧ huȩnȩ: “Cristomä cuami iso'quinä kö̧. Ja̧u̧ru̧ tta̧'ä̧rö̧ ja̧u̧tä̧cu̧ cuesehuäcuähuäcuotöjä pä'ö.”

1 Timoteo 1:17

Ja̧'hua̧nö̧ ja̧'a̧ttö̧ ya̧tȩä̧tä̧ Diosrö, o'ca juiyönä huo̧jua̧rö̧, yoröiso hua'ö icuocörö, uhuäpocörö, 'cuäopönä Tu̧ru̧hua̧ päi'önä kö̧rö̧ eseunu tucuotäcua'a̧nö̧. Amén.

2 Timoteo 1:10

Ja̧'hua̧nö̧ ja̧'a̧nä̧ Tu̧ru̧hua̧ Jesucristo ichomenä, Dios ucuturu repeömä i̧jȩpi̧nö̧. Chutä Jesucristo hua'are ujuru be'epö icuinö. Ttö̧ja̧ suronä jȩttö̧ jȩpö̧ icu huȩnȩ i'cächö, kä̧cuä̧huä̧ i'co beipocömä i̧jȩpi̧nö̧.

Hebreos 2:7

A̧'u̧cua̧'a̧tä̧ Dios jȩcu̧'o̧mȩnä̧, ángelesttö'inä abonänö juiyupinö. Ja̧'hua̧nö̧ ja̧'a̧nä̧'i̧nä̧ eseunu hue'inöjä ttucuotarö pä'ö o'ca toi'önä. O'ca juiyönä cuaditinö ujuruhua pä'ö hue'inöjä.

Hebreos 6:12

Kö'cocotöjä cutähuätucuttumä. Dios adihuä juäi iya päinö Diosrö esetö ttami 'qui'ächi'önö ȩmö̧ jȩttö̧'a̧nö̧, ucutu'inä jȩcu̧'ä̧tu̧cua̧ pä'ätöjä.

Hebreos 6:15

Abraham ami 'qui'ächi'ö tta̧'ä̧ri̧nö̧do. Ja̧'hua̧nö̧ tta̧huä̧ro̧mȩnä̧, Dios iya päinömä ȩmi̧nö̧do.

1 Juan 2:25

Jesucristo ujuturu iya pä'inö kä̧cuä̧huä̧ i'co.