Romanos 2:17 - TÄ̧DO Ä̧CUÄ̧ I̧HUȨNȨ

¹⁷ Ucu pä'öjä: “Ttömä judíos ttö̧ja̧ i̧sa̧sä̧.” Ja̧'hua̧nö̧ päcuhuomenä, cua̧'cua̧ huȩnä̧rö̧jä̧ Moisés hueähuä huȩnȩnä̧. Ja̧'hua̧ta̧nö̧ pä'öjä: “Iso päi'önä Diosrö huo̧jua̧sä̧.”

Nuevo Testamento Uwotjüja

¹⁷ Ukumä̧ judío i̧sa̧sä̧ pä'äkuäu, Moisé weinü̧ wȩnȩnä̧ kua̧'kua̧ wȩnä̧rü̧ ukuo te'äujä̧ ku̧ä̧nä̧wa̧ Dio-rü.

Romanos 2:17 ပူးပေါင်းရင်းမြစ်များ

San Mateo 3:9

Cuamönätucunä cuamöcuädätucuä': “Ujutumä Abraham ahuaruhuä o'cotöjä.” Ttö pä'ösä ucuturu, pidu inäduttu Diosmä Abraham ahuaruhuä o'cotörö aditö'a̧nö̧ ja̧'a̧.

San Lucas 10:28

Ja̧'hua̧nö̧ ja̧'a̧ Jesús ädätinödo: —Adiu ädätäjijä. Ja̧'hua̧nö̧ jȩcu̧'u̧ttu̧mä̧, kä̧cuä̧huä̧ i'co cu̧ju̧nä̧rä̧cua̧jä̧.

San Juan 5:39

Ucutumä ttu̧ȩcuä̧nä̧ ucuocuätöjä Huȩyu̧cuä̧ Huȩnȩ. Ja̧'hua̧nö̧ ucuocu, kä̧cuä̧huä̧ i'co cu̧'o̧cui̧'ä̧tu̧cua̧ pä'ätöjä. Ja̧'hua̧nö̧ ja̧'a̧nä̧ Huȩyu̧cuä̧ Huȩnȩ ttörötä päa'a.

San Juan 5:45

Ja̧u̧mä̧ Jä'o ä'ca jo̧mȩttö̧ ujuturu suronä ji̧ä̧huä̧cua̧ pä'ö cuamöcuädätucuättö. Moiséstä, ucutu cuesetätucutä, ucuturu suronä ji̧ä̧huä̧cua̧.

San Juan 7:19

“¿Moisés ucuturu hueähuä huȩnȩ iyinödi̧? Ja̧'hua̧nö̧ ja̧'a̧nä̧ ja̧u̧ hueähuä huȩnȩ päö'a̧nö̧ jȩpo̧co̧tö̧jä̧ ucutumä. Ttörö, ¿dä̧bö̧ cuä'ö cuicuätucua päcuhuätucua'ajä̧ttö̧?

San Juan 8:33

Ja̧'hua̧ ja̧'a̧ttö̧ jahuätö ädätinätödo: —Ujutumä Abraham ahuaruhuä o'cotöjä. Korotö ttumöhuäyotö päi'önä ka̧cuo̧co̧tö̧ pi̧nä̧tö̧jä̧. ¿Tta̧'a̧nö̧ pä'ö päcuhuäjättö, surojöttö tejächi'a pä'ö?

San Juan 8:41

Ucutu cuä'otucu jȩö̧'a̧nö̧ jȩpä̧tö̧jä̧. Ja̧'hua̧ ja̧'a̧ Jesúsru pä'inätödo: —Ujutu ka̧ra̧ i̧tti̧mö̧ huocotöjä. Ujutu ya̧tȩtä̧ tä'o ku̧nä̧rä̧tö̧jä̧. Ja̧u̧mä̧ Dios.

Romanos 2:23

Ucu pä'ä'chö huopäcuäujä: “Ttö ku̧nä̧rö̧sä̧ hueähuä huȩnȩ.” Ja̧'hua̧nö̧ ja̧'a̧nä̧ hueähuä huȩnȩ hueö ta'anö jȩcu̧'o̧ca̧'a̧ra̧'a̧, Diosrö ucuotocöjä.

Romanos 3:27

Ja̧'hua̧ ja̧'a̧ttö̧, ¿tta̧'a̧nö̧ pä'ö tamönä huotäcuähua'ajä̧ttö̧ ujutumä? Juiya'a. ¿Dä̧bö̧ juiya'attö? Hueähuä huȩnȩ hueö ta'anö jȩta̧'a̧ttö̧ ¿juiya'a tä̧ji̧? Isocö̧. Tamönä huoäcuähuämä jui'ätöjä Jesucristorö teseta'attö.

Romanos 9:32

¿Dä̧bö̧ ttö̧'o̧cui̧'o̧ca̧'a̧ ji̧nä̧ttö̧? Jitötä ttamönä jȩttö̧nä̧tä̧ usinätö. Diosrö esetö usocotö pi̧nä̧tö̧ Dios jȩa̧tö̧ pä'ö chutäcu ji̧nä̧ ji̧yȩtȩ huotö tta pä'ö. Ja̧'hua̧nö̧ ja̧'a̧ttö̧ ido'quinä 'tö̧ȩcuo'quinä 'tö̧'ȩpä̧'chi̧nä̧tö̧.

2 Corintios 11:22

Jahuätömä, ¿hebreos ttö̧ja̧ tä̧ji̧? Ttö'inä hebreos ttö̧ja̧ i̧sa̧sä̧. Jahuätömä, ¿Israel ttö̧ja̧ tä̧ji̧? Ttö'inä Israel ttö̧ja̧ i̧sa̧sä̧. Jahuätömä ¿Abraham mi̧nä̧ ahuaruhuä o'cotö tä̧ji̧? Ttö'inä Abraham mi̧nä̧ a̧hua̧ru̧hua̧ o̧'ca̧sä̧.

Gálatas 2:15

Ujutumä judíos ttö̧ja̧ päi'önä uhuäpächinätöjä, korotö ttö̧ja̧ suronä jȩttö̧'a̧nö̧ jȩta̧ pä'ömäcö̧.

Efesios 2:11

Ja̧'hua̧nö̧ ja̧'a̧ttö̧ pä'äji cu̧ja̧cui̧nä̧tu̧cu̧ ta'anö amöcuädätucui. Ucutu judíos huocotö pi̧nä̧tö̧jä̧. Judíos huotö u̧mä̧tö̧mä̧, circuncisión jȩpä̧tö̧ ttöäre jättäpäyotö. Ja̧'hua̧nö̧ ja̧'a̧ttö̧ jahuätö: “Circuncidados huotöjä ujutumä” pä'ätö. Ucuturu: “Circuncidados huocotöjä” pä'ätö.

Apocalipsis 2:9

O'ca juiyönä jȩcu̧'u̧ huo̧jua̧sä̧. Ubara ttucuhuinömä huo̧jua̧sä̧. Järe ru̧hua̧ cu'a'anä, usurä isotö ttö̧ja̧'a̧ jä̧'i̧nö̧'a̧nö̧, cu̧ji̧nö̧'i̧nä̧ huo̧jua̧sä̧. Korotömä, “Ujutumä judíos huotöjä” pä'ätömä, ucuru suronä ttucuocua'a huo̧jua̧sä̧. Jahuätömä iso päi'önä judíos huocotö. Jahuätömä Satanás umöhuäyotö.

Apocalipsis 3:1

“Ja̧'hua̧ta̧nö̧ Sardis ötahuiyättö iglesia ruhuärö tta̧huä̧rä̧cuä̧huä̧ i̧sa̧rö̧ huȩyu̧tu̧ hue'i: “Dios jähuä ko̧ro̧mö̧ttö̧nö̧ ta̧ju̧ru̧ espíritus'inä, ko̧ro̧mö̧ttö̧nö̧ ta̧ju̧ru̧ si̧ri̧'cö̧rö̧'i̧nä̧ ku̧nä̧rö̧mä̧ pa̧'a̧nö̧ pä'ö: O'ca juiyönä jȩcu̧'u̧mä̧ huo̧jua̧sä̧. Iso päi'önä korotömä “a̧'cua̧rö̧” pätta'anä, yoröiso 'corupä'i'ätö jä̧'i̧nö̧'a̧nö̧ hua̧jä̧.

Apocalipsis 3:9

Ja̧'hua̧nö̧ ja̧'a̧ttö̧, Satanás umöhuäyotömä, “judíos huotöjä” yapareu ji'ähuätömä, ucutä cuä'ca jo̧mȩttö̧ ttihue'quiyunä ttö̧jä̧mä̧da̧ pä'ö jȩchä̧cuo̧tö̧, ttuhuo̧jua̧ pä'ö ucuru repeda'a.