Romanos 2:15 - TÄ̧DO Ä̧CUÄ̧ I̧HUȨNȨ

¹⁵ Ja̧'hua̧nö̧ jȩtto̧mȩnä̧, hueähuä huȩnȩ ttami iso'quinä ttu̧ju̧nä̧ra̧'a̧ jä̧'i̧nö̧'a̧nö̧ jȩpä̧tö̧. Jitötä ttamönä amöcuädö jȩttö̧mä̧ ji̧yȩtä̧ i̧jȩpa̧'a̧. Ja̧'hua̧ta̧nö̧ ttamönä ttamöcuädö ucuocua'a: “Ucu adiu jȩpö̧jä̧”, “Ucu suronä jȩpö̧jä̧” pä'ö.

Nuevo Testamento Uwotjüja

¹⁵ Ja̧'wa̧nü̧ jȩtto̧mȩnä̧ tta̧mi̧'iso'kinä̧ wȩyu̧kuä̧, kkü̧ weäwä wȩnȩmä̧ i̧jȩkuä̧cha̧'a̧. Ja̧'wa̧nü̧ ja̧'a̧ tta̧mi̧'iso'kinä̧ tta̧mü̧kuädümä̧ jiäwä̧u̧, adiu jȩtta̧ja̧ pä'ü'i̧nä̧, suronä̧ jȩtta̧ja̧ pä'ü'i̧nä̧, jü̧nä̧.

Romanos 2:15 ပူးပေါင်းရင်းမြစ်များ

2 Corintios 5:11

Ja̧'hua̧nö̧ ja̧'a̧ttö̧ ujutu Tu̧ru̧hua̧rö̧ yecuäcuähuä tu̧huo̧jua̧'a̧ttö̧, pi̧jä̧ ttö̧ja̧ tteseta pä'ö ji'ähuätöjä. Ja̧'hua̧nö̧ ja̧'a̧nä̧ Dios ujuturu huo̧jua̧. Ja̧'hua̧ta̧nö̧ ucutu'inä ujuturu huo̧juä̧tö̧jä̧ a̧'cua̧ra̧'a̧.

Tito 1:15

Iso päi'önä adiu amöcuädätörömä, o'ca juiyönä adihua'ado. Ja̧'hua̧nö̧ ja̧'a̧nä̧ suronä amöcuädö esetocotörömä, o'ca juiyönä suroja'ado. Jitötä ttamönä ttamöcuädömä surojödo.

2 Corintios 1:12

Pi̧yȩ amöcuädö esehuätöjä. Ujutu tami iso'quinä tamöcuädomenä, huo̧juä̧tö̧jä̧ iso päi'önä adiunä ta̧'cua̧ pö̧nö̧ cue'ächätöjä pi̧jä̧nä̧ ucutu cuä'catucu jo̧mȩttö̧. Diostä ujuturu repe'ö ppä'ädinö ja̧'hua̧nö̧ cuetächa pä'ö. Ujutu tamönä tamöcuädönä ja̧'hua̧nö̧mä̧ cue'ächocotöjä.

1 Timoteo 4:2

Korotörö, yapareu ji'ähuätö ttamöcuädömä cuo̧rä̧u̧jä̧ cuo'ö icua'a jä̧'i̧nö̧'a̧nö̧ huotörö, ttesetäcuotö.

Romanos 9:1

Cristorö chesetomettö, iso päi'önä huȩnȩ ji'äusä. Yapareu ji'ähuocösä. Espíritu Santo huo̧juȩtö̧ chami iso'quinä iso päi'önä huȩnȩ ji'äusä.

Hechos 24:16

Adiu jȩpö̧sä̧ Dios ä'ca jo̧mȩttö̧'i̧nä̧, ttö̧ja̧ ttä'ca jo̧mȩttö̧'i̧nä̧ cha̧'cua̧ eseu chö̧ja̧ pä'ö 'cuäopönä, suronä amöcuädäcuähuä juiyönä.

Hechos 23:1

Pablomä judíos ttö̧ja̧ ji̧nä̧ iso ruhuotörö topö pä'inödo: —Chahuaruhuä, Dios ä'ca jo̧mȩttö̧ adiu chö̧jä̧'i̧jö̧mä̧ jitä pi̧yȩ mo̧ro̧ päi'önä adiu kö̧sä̧.

San Juan 8:9

Ja̧'hua̧nö̧ ja̧'a̧nä̧ ja̧u̧ juäi ä̧ju̧cu̧, jitötä ttamönä suronä ttamöcuädäja'attö, rä'opinätödo. Äcuomenä böäcuächätö rättopö o'ca'a, möäyotö'inä rä'opinätödo. Jahuätö o'ca toi'önä rättopäji o'ca'a, Jesús jahuäju isajucutä ki̧nö̧do.

Romanos 2:14

Ja̧'hua̧nö̧ ja̧'a̧nä̧ judíos huocotö Moisés hueähuä huȩnȩ ttieruhua'anä, ttamönä amöcuädö jȩtto̧mȩnä̧, hueähuä huȩnȩ huea'a jä̧'i̧nö̧'a̧nö̧ jȩpä̧tö̧. Ja̧'hua̧nö̧ jȩtto̧mȩnä̧, ttamönä hueähuä huȩnȩ päi'önä jȩpä̧tö̧.

Romanos 2:27

Ucu Moisés hueähuä huȩnȩ cu̧ju̧nä̧ra̧'a̧nä̧'i̧nä̧, circuncisión jȩcu̧'a̧'a̧nä̧'i̧nä̧, Moisés hueähuä huȩnȩ hueö ta'anö jȩcu̧'u̧ juiyöttömä, ya̧tȩ circuncisión jȩpo̧cö̧mä̧, Moisés hueähuä huȩnȩ hueö ta'anö jȩpö̧mä̧, pä̧cua̧ ucuru: “Ucu suronä jȩpö̧jä̧.”