Romanos 16:7 - TÄ̧DO Ä̧CUÄ̧ I̧HUȨNȨ

⁷ Te'ähuätucui ttötä chahuaruhuä isotö Andrónicorö'inä, Juniasrö'inä. Jahuätö ttöcu cärenä pi̧nä̧tö̧. Jahuätömä Jesús hue'ähuotö'inä ttu̧huo̧juä̧u̧. Jahuätömä ttöttö'inä ä'coji esetinätö Cristorö.

Nuevo Testamento Uwotjüja

⁷ Te'äwiyätukuittü chukuojattü chawaruwärü Andrónico-rü'i̧nä̧, Junia-rü̧'i̧nä̧, juätümä̧ ttütäku kärenä̧ pȩji̧nä̧tü̧rü̧. Juätü apótore-mä̧ jo̧mȩnü̧ ttu̧wo̧juä̧u̧, ttü chesetäkua'a ä'kanä̧ Crito-rü esetinä̧tü̧.

Romanos 16:7 ပူးပေါင်းရင်းမြစ်များ

San Juan 14:20

Ja̧u̧nu̧ mo̧ro̧ päi'omenä ttöcu, Chä'ocu ji̧nä̧ ya̧tȩtä̧ ja̧'a̧ pä'ö cu̧huo̧jui̧'ä̧cuo̧tö̧jä̧. Ja̧'hua̧ta̧nö̧ ucutucu, ttöcu ji̧nä̧ yotöte ja̧'a̧ pä'ö cu̧huo̧jui̧'ä̧cuo̧tö̧jä̧.

San Juan 15:2

Koro ttöttö ä̧na̧juä̧ u̧huä̧ju̧ juiyömä 'cui'opö icu. Koro u̧huä̧ju̧ ka̧cu̧mä̧ adiunätä aditö tta̧'ä̧rö̧, juhua'a yabonö rö̧ȩnä̧ u̧huä̧ju̧ huȩja̧ pä'ö.

San Juan 6:56

Ttötä chidepättö'inä cumä, chucuojattö'inä aumä, ttöcu eseunu kö. Ttö'inä ja̧u̧cu̧ eseunu kö̧sä̧.

Romanos 16:10

Te'ähuätucui Apelesrö, Cristo ka̧cuä̧mö̧ toinäcuru. Ja̧'hua̧ta̧nö̧ Aristóbulo ahuaruhuärö'inä te'ähuätucui.

Romanos 16:11

Te'ähuätucui ttötä cha̧hua̧ru̧hua̧ i̧sa̧ Herodiónrö. Narciso ahuaruhuä, Tu̧ru̧hua̧rö̧ esetätörö'inä te'ähuätucui.

Romanos 16:21

Ttöcu ppä'ädömä Timoteo, ucuturu te'äu. Ja̧'hua̧ta̧nö̧ ttötä chahuaruhuä isotö Lucio'inä, Jasón'inä, Sosípater'inä ucuturu te'ähuätö.

Romanos 16:3

Te'ähuätucui Priscilarö'inä, Aquilarö'inä. Cristo Jesús aditähuänä ttöcu ppä'ädätö jahuätö.

Romanos 16:6

Te'ähuätucui Maríarö, ucuturu rö̧ȩnä̧ aditinäjuru.

Romanos 16:8

Te'ähuätucui Ampliasrö'inä, adihuä cha̧hua̧ru̧hua̧rö̧ Tu̧ru̧hua̧nä̧.

Romanos 16:9

Te'ähuätucui Urbanorö, Cristo Jesús aditähuänä ttöcu ppä'ädörö. Ja̧'hua̧ta̧nö̧ adihuä cha̧hua̧ru̧hua̧ Estaquisrö'inä te'ähuätucui.

Romanos 8:1

Ja̧'hua̧nö̧ ja̧'a̧ttö̧ Dios chuttutä 'quȩ'ȩcu̧ icuocö Jesucristocu ji̧nä̧ ji̧yȩtȩ huotörö, ttidepä pä̧huä̧ rö̧jo̧mȩnä̧ ko̧co̧tö̧rö, Espíritu Santorö pä̧huä̧ rö̧jo̧mȩnä̧ ka̧cuä̧tö̧rö̧.

Romanos 8:11

Dios tto'ädinö Cristo Jesúsru hua'arettö. Ja̧'hua̧ta̧nö̧ Espíritu Santo ucutucu ö̧jö̧ttö̧mä̧, ja̧u̧tä̧ Dios, Cristo Jesúsru ttoädinömä, i̧yä̧cua̧ cua̧'cua̧rä̧tu̧cu̧ jareö ucuturu, hua'ä ttö̧ja̧rö̧, Espíritu Santo ucutucu ö̧ja̧'a̧ttö̧.

1 Corintios 1:30

Ja̧'hua̧nö̧ ja̧'a̧nä̧ chutä Dios, Cristo Jesúscu ji̧nä̧ yo̧mȩtȩ cu̧ja̧cuä̧tu̧cua̧ pä'ö hue'inödo. Ja̧'hua̧ta̧nö̧ chutä Cristo iyinödo ujutu tu̧huo̧ju̧nä̧. Ja̧'hua̧ta̧nö̧ Cristorö teseta'attö, Dios jȩi̧nä̧u̧jä̧ ja̧u̧cu̧ ji̧nä̧ ji̧yȩtȩ huotö ta pä'ö. Ja̧'hua̧ta̧nö̧ ujuturu ȩmö̧ suronä jȩtö̧ jȩpö̧ icuinödo.

2 Corintios 11:23

Jahuätömä, ¿Cristo umöhuäyotö tä̧ji̧? Ttö'inä jahuätöttö'inä abonänö Cristo u̧mö̧huä̧ya̧sä̧. Juhuorö'inä ja̧'hua̧nö̧ ucuocu, suripächätö ttucuocu'a̧nö̧ ucuocusä. Jahuätöttö'inä abonänö rö̧ȩnä̧ aditinösä. Ja̧'hua̧ta̧nö̧ jahuätöttö'inä abonänö rö̧ȩnä̧ cuäcuättinäcusä. Ja̧'hua̧ta̧nö̧ jahuätöttö'inä abonänö rö̧ȩnä̧ cärenä pi̧nö̧sä̧. Ja̧'hua̧ta̧nö̧ cuedächomenä, rö̧o̧ mo̧ro̧ cuä'ö tticua pä'inätö ttörö.

2 Corintios 12:2

Ttö ya̧tȩ uborö, Cristorö esetörö, huo̧jua̧sä̧. Ja̧u̧mä̧ ttö̧jä̧pö̧ttö̧nö̧ pa̧ja̧cuä̧nö̧ a̧'ȩ ji̧nö̧ o'ca'a, mo̧ro̧jä̧ra̧'a̧, Dios ö̧jo̧mȩ ttȩpi̧nä̧cu̧do. Juhuorö'inä iso päi'önä ttȩpi̧nö̧mä̧ jȩru̧pa̧sä̧. 'Cuo̧ti̧cu̧tä̧ 'cuo̧ti̧cui̧nö̧cö̧. Diostä ja̧'hua̧nö̧ huo̧jua̧.

2 Corintios 5:17

Ja̧'hua̧nö̧ ja̧'a̧ttö̧ ya̧tȩ Cristorö esetomenä, ja̧u̧ ja̧rȩpa̧ ttö̧ja̧ i̧sa̧ pä'i'ö. Pä'äji jȩi̧nö̧ jaropi'ö, o'ca juiyönä jareönätä amöcuädö jȩpö̧.

2 Corintios 5:21

Cristomä yoröiso suronä jȩpo̧cö̧ pi̧nö̧. Juhuorö'inä ujuturu repe'ö, ya̧tȩ suronä jȩpö̧rö̧ jȩtta̧'a̧ jä̧'i̧nö̧'a̧nö̧ jȩpi̧nö̧do Dios Cristorö, ujutu tesetiyarö pä'ö. Ja̧'hua̧ta̧nö̧ ja̧u̧ru̧ esetö, Diosrö pä̧huä̧ rö̧jo̧mȩnä̧ adiunä tö̧ja̧cua̧ pä'ö jȩpi̧nö̧do.

Gálatas 1:22

Chö̧jä̧hua̧tö̧ Cristorö esetinätö, Judea rȩjȩ ttö̧ja̧ yoröiso ttieruhuinäcusä.

Gálatas 2:2

Dios cha̧'cua̧nä̧ hueinäcusä juhua'a chi̧'cha̧ pä'ö. Ju̧huȩnȩ Jerusalén ötahuiyänä Dios i̧huȩnȩttö̧ ruhuotö pättä̧u̧tä̧ ttuppäsähuäjomettö ji'ähuinösä suronä jȩttö̧ jȩpö̧ icu huȩnȩ, judíos huocotörö jidäu huȩnȩmä̧. Ja̧u̧ ji'ähuinösä ttö jȩchi̧nö̧'i̧nä̧, jȩchö̧'i̧nä̧ micuähuocö jö̧ a̧'cua̧ri̧yä̧cu̧.

Gálatas 2:6

Dios i̧huȩnȩttö̧ ruhuotö pättä̧u̧mä̧ yoröiso jareönä hueähuä huȩnȩ pättömä ttu̧huo̧juȩto̧co̧cu̧ pi̧nö̧sä̧. Jahuätömä ruhuotö tta'anä adiumä chu̧huo̧juo̧co̧u̧ pi̧nä̧tö̧. Diosmä pi̧jä̧ ttö̧ja̧ ttöadihuä topö, ka̧cuä̧mö̧mä̧ topocö.

Gálatas 5:6

Ujutu Cristo Jesúsru tesetomenä, circuncisión jȩä̧cuä̧huä̧'i̧nä̧, circuncisión jȩä̧cuä̧huo̧cö̧'i̧nä̧ yoröiso micuähuocö ujuturu. Ujutumä Cristorö tesetötä adiu micuähua'a. Ja̧'hua̧ta̧nö̧ ja̧u̧ru̧ tesetomenä, tahuaruhuärö repetäu'a̧nö̧ ja̧'a̧.

Gálatas 6:15

Ja̧'hua̧ta̧nö̧ Cristo Jesúsru tesetomenä, circuncisión jȩä̧cuä̧huä̧'i̧nä̧, circuncisión jȩä̧cuä̧huo̧cö̧'i̧nä̧, yoröiso micuähuocö. Cristorö esetö jareönä ttö̧ja̧ päti'omenätä micuähua'a.

Efesios 2:10

Diostä ujuturu aditinä̧u̧jä̧. Cristo Jesúsnä aditinä̧u̧jä̧, adihuä juäi jȩpö̧ tö̧ja̧cua̧ pä'ö, chutä täbocö pi̧jä̧ juiyäi amöcuädinö ta'anö.

Colosenses 4:10

Pottömä Aristarco, ttöcu cärenä pö̧mä̧, te'äu ucuturu. Ja̧'hua̧ta̧nö̧ Bernabé ö̧jä̧hua̧ Marcos te'äu ucuturu. Ucutu täcö huedinömä ä̧ju̧cui̧nä̧tö̧jä̧ ja̧u̧ru̧. Cuidepiyura̧'a̧ ichöttömä, adiu ppä'ädätucuirö.

Filemón 1:23

Epafras, Cristorö eseta'attö ttöcu cärenä pä̧nö̧ te'äu ucuru.

1 Juan 4:13

Dios Espíritu Santorö ujutucu ö̧ja̧ pä'ö hueina'attö, huo̧juä̧tö̧jä̧ Dioscu ka̧cuä̧tö̧jä̧ pä'ömä, ja̧'hua̧ta̧nö̧ Dios ujutucu kö̧.

1 Juan 5:20

Ujutu huo̧juä̧tö̧jä̧ Dios I̧tti̧ ichinö. Huo̧juä̧tö̧jä̧ ujuturu huo̧juȩti̧nö̧ Dios iso päi'önä kö̧rö̧ tu̧huo̧juä̧chi̧'ö̧nä̧. Iso päi'önä kö̧cu̧ ka̧cuä̧tö̧jä̧ ujutumä, I̧tti̧ Jesucristocu tö̧ja̧'a̧ttö̧. Ja̧'hua̧nö̧ ja̧'a̧ iso päi'önä Dios ja̧u̧tä̧ ja̧'a̧do. Ja̧u̧tä̧ kä̧cuä̧huä̧ i'co ja̧'a̧do.

Apocalipsis 1:9

Ttö Juan, ucutu cu̧jä̧hua̧sä̧. Ucutucu ubara ttu'usä. Ucutucu pä̧di̧'ä̧cua̧sä̧ Dios hueomettö'inä. Ja̧'hua̧ta̧nö̧ tami 'qui'ächi'ö Jesucristo iyomenä, ucutucu iyäcusä. Dios i̧huȩnȩ, Jesucristo päinö huȩnȩ jidähuomenä, cärenä pi̧nö̧sä̧ Patmos kä'co i̧sä̧sa̧ttö̧.