Romanos 16:4 - TÄ̧DO Ä̧CUÄ̧ I̧HUȨNȨ

⁴ Ttörö ra̧huȩpi̧jö̧ttö̧'i̧nä̧, 'corupätti'ö'a̧nö̧ jö̧ttö̧'i̧nä̧ ppä'ädinätö. Ja̧'hua̧nö̧ ja̧'a̧ttö̧ jahuätörö eseunu amöcuädösä. Ttötä katä chihueyemäcö̧, o'ca toi'önä chö̧jä̧hua̧tö̧ judíos huocotö'inä esehuätö jahuätörö.

Nuevo Testamento Uwotjüja

⁴ Ttü jäwänä̧ ra̧wä̧pi̧ja̧'a̧nä̧'i̧nä̧ tta̧'kua̧rü̧ iyäwinä̧tü̧rü̧ eseu kkä̧nü̧, judío pokotü igresia isotü o'katoi'ünä̧rü̧ eseusä.

Romanos 16:4 ပူးပေါင်းရင်းမြစ်များ

San Juan 15:13

Ya̧tȩ a̧hua̧ru̧hua̧rö̧ repe'ö a̧hua̧ru̧hua̧ toei'ö juiya pä'ö 'corupäi'öttömä, korotö ttahuaruhuärö repettöttö'inä abonänö repe'ö a̧hua̧ru̧hua̧rö̧.

Hechos 15:26

Jahuätömä Bernabécu, Pablocu ra̧huȩpi̧jö̧nä̧ ka̧cui̧nä̧tö̧do, Tu̧ru̧hua̧ Jesucristo aditähuä ttaditomenä.

Hechos 15:41

Pablo, Siria rȩjȩ'i̧nä̧, Cilicia rȩjȩ'i̧nä̧ 'cuä'opö 'chi̧nö̧do Silascu. Iglesia ruhuärö ppä'ädö huo̧juȩti̧nö̧do Pablo.

Hechos 16:5

Ja̧'hua̧nö̧ ja̧'a̧ iglesia ruhuämä juhua'a yabonö rö̧ä̧chö̧nä̧ esetinätödo. Mo̧ro̧ji̧nö̧ a̧'u̧cuä̧ korotö'inä Tu̧ru̧hua̧rö̧ esetö recuächinätödo.

Hechos 9:31

Ja̧'hua̧nö̧ ja̧'a̧ Jesucristorö esetätömä Judea rȩjȩnä̧'i̧nä̧, Galilea rȩjȩnä̧'i̧nä̧, Samaria rȩjȩnä̧'i̧nä̧ o'ca juiyönä eseunu kä̧nö̧, juhua'a yabonö rö̧ä̧chö̧nä̧ esetinätödo. Diosrö ye'ecunänö ucuotönö amöcuädö kä̧nö̧, Espíritu Santo ppädomenä recuächinätödo.

Romanos 16:3

Te'ähuätucui Priscilarö'inä, Aquilarö'inä. Cristo Jesús aditähuänä ttöcu ppä'ädätö jahuätö.

Romanos 16:5

Te'ähuätucui ji̧nä̧ yo̧mȩtȩ Diosrö ttucuocua pä'ö ca̧ca̧cui̧pä̧tö̧rö̧ Priscilacu, Aquilacu ttojusodenä. Ja̧'hua̧ta̧nö̧ te'ähuätucui adihuä cha̧hua̧ru̧hua̧ Epenetorö, äcuomenä Cristorö esetinörö Acaya rȩjȩttö̧.

Romanos 5:7

Ka̧ra̧mä̧ ka̧ra̧rö̧, adihuä i̧sa̧rö̧ ppä'ädö 'corupä'i'ocö paji. Ja̧'hua̧nö̧ ja̧'a̧nä̧ ya̧tȩ iso päi'önä re rö̧jö̧nä̧ jȩpö̧rö̧ ppä'ädö 'corupä'i'aji ka̧ra̧mä̧.

1 Corintios 16:1

Pärätä cu̧ca̧ca̧tä̧tu̧cuo̧mȩnä̧, Diosrö esetätörö cuiyätucua pä'ö, Galacia rȩjȩ ttö̧ja̧ iglesia ruhuärö jidähuinö ta'anö jȩpä̧tu̧cui̧.

1 Corintios 7:17

Dios ucuturu huomenä, cu̧ji̧nä̧tu̧cu̧ ta'anö, adiu ka̧cuä̧tu̧cui̧. Ja̧'hua̧ta̧nö̧ Tu̧ru̧hua̧ ucuturu iyinö ta'anö, ka̧cuä̧tu̧cui̧. Pa̧'a̧nö̧ hue'ösä o'ca toi'önä iglesia ruhuärö̧.

Filipenses 2:30

Ja̧u̧mä̧ Cristo hueinö jȩpö̧, 'corupäi'ö'a̧nö̧ päi'inäcudo. Ucutu oto kä̧nö̧ ppäcuhuädätucuoca'attömä, ra̧huȩpi̧jö̧nä̧ ki̧nö̧ ttörö ppädomenä.

1 Tesalonicenses 2:14

Tö̧jä̧hua̧tö̧, ucutu cuahuaruhuä ucuturu suronä jȩpö̧ ubara ttucuhuätucuomenä, Judea rȩjȩnä̧ Cristo Jesúsru esetätö iglesia ruhuärö 'cuäopinö ta'anö, 'cuäopina'a ucuturu. Jahuätö'inä ttamönä ttahuaruhuä judíos ttö̧ja̧ suronä jȩtta̧'a̧ttö̧, ubara ttu'inätö.

1 Juan 3:16

Jesucristo ujuturu 'corupäi'ina'attö, huo̧juä̧tö̧jä̧ iso päi'önä repe'ö pä'ö. Ja̧'hua̧nö̧ ja̧'a̧ttö̧ ujutu ubara ttuta'anä'inä, 'corujuotächome jubö cä'ädö ppätädö'a̧nö̧ ja̧'a̧ tö̧jä̧hua̧tö̧rö̧.

Apocalipsis 1:4

Ttö, Juan, ko̧ro̧mö̧ttö̧nö̧ todäre iglesias ruhuärö, Asia rȩjȩnä̧ ka̧cuä̧tö̧rö̧ huȩyu̧tu̧sä̧. Dios ucuturu ppädäcua'a̧nö̧. Ja̧'hua̧ta̧nö̧ adiu kä̧cuä̧huä̧'i̧nä̧ iyäcua'a̧nö̧. Chutä jitä'inä kö̧. Täbocö'inä ki̧nö̧. Yodoji'inä ö̧jä̧cua̧. Ja̧'hua̧ta̧nö̧ ko̧ro̧mö̧ttö̧nö̧ ta̧ju̧nu̧ espíritus chutä ö̧'o̧mȩ ä'ca ka̧cuä̧tö̧'i̧nä̧, ucuturu ppättädäcua'a̧nö̧.