Romanos 16:2 - TÄ̧DO Ä̧CUÄ̧ I̧HUȨNȨ

² Jahuäjuru adiu jȩpä̧tu̧cui̧ Tu̧ru̧hua̧ i̧mi̧nä̧ Jesucristorö esetätö jȩttö̧'a̧nö̧. Ja̧'hua̧ta̧nö̧ ppä'ädätucui koro juäi yajuru recua rö̧jö̧mä̧. Jahuäju recuätörö'inä, ttörö'inä ppä'ädinäju.

Nuevo Testamento Uwotjüja

² Tu̧ru̧wa̧ i̧mi̧nä̧ adiu ppä'ädätukuiju, Crito-rü esetätü jȩä̧kuä̧mä̧ ja̧'wa̧ta̧nü̧ juäjurumä̧ rekuä rü̧jü̧'i̧nä̧ ppä'ädätukuiju; juäjumä̧ rekuätürü ppä'ädä'ijäju ja̧'wa̧ta̧nü̧ ttürü'i̧nä̧ ppä'ädä'ijäju ja̧'a̧.

Romanos 16:2 ပူးပေါင်းရင်းမြစ်များ

San Mateo 25:40

Ja̧'hua̧nö̧ pättomenä, Ru̧hua̧mä̧ ä̧dä̧tä̧cua̧: “Iso päi'önä pä'ösä ucuturu, ya̧tȩ ttörö esetörö, usurä i̧sa̧rö̧'i̧nä̧, ttörö esetörö ppäcuhuädätucuomenä, ttörötä ppä'ädö jȩpi̧nä̧tö̧jä̧.”

Hechos 9:13

Ja̧'hua̧nö̧ ä̧ju̧cu̧ Ananías ädätinödo: —Chu̧ru̧hua̧, pide juiyo suronä jȩpi̧nö̧ pä'ö jittähua'a ä̧ju̧cuä̧ji̧sä̧, Jerusalén ötahuiyänä ucuru esetätörö.

Hechos 9:15

Ja̧'hua̧nö̧ ja̧'a̧ Tu̧ru̧hua̧ pä'inödo Ananíasrö: —Täi. Ja̧u̧ru̧ ȩmä̧ji̧sä̧ adicuä i̧sa̧ päi'önä judíos huocotörö'inä, tturuhuotörö'inä, Israel ttö̧ja̧rö̧'i̧nä̧ chi̧huȩnȩ jiähua pä'ö.

Hechos 9:36

Ja̧'hua̧nö̧ ja̧'a̧ Jope ötahuiyänä ki̧nä̧ju̧do yajute Jesucristorö esetäju, Tabita pä'ö micuaju. Jahuätö tti̧huȩnȩ päa'a Tabita, griegos ttö̧ja̧ tti̧huȩnȩ päa'a Dorcas. Jahuäju adiu jȩpö̧, usurä isotörö ppä'ädö ki̧nä̧ju̧do.

Hechos 9:39

Ja̧'hua̧nö̧ ä̧ju̧cu̧ Pedro jahuätöcu ichinödo. Ichi'omenä ju'toju i̧so̧ca̧ra̧'a̧ ottipinäcudo. Rȩcua̧mö̧ o'ca toi'önä Pedrorö sobötö ajuäu kä̧nö̧ i̧jȩpi̧nä̧tö̧do ttö̧'ca̧tä̧huä̧ti̧yu̧'i̧nä̧, huäme o̧ta̧'i̧nä̧, Dorcas jahuätöcu kä̧nö̧, 'tö̧ji̧nö̧ o̧ta̧.

Hechos 9:41

Pedro Tabita ku̧mö̧nä̧ 'chu'ädö cä'epinödo kä̧rä̧mi̧'a̧ pä'ö. Ja̧'hua̧ ja̧'a̧ Jesucristorö esetätörö'inä, rȩcua̧mö̧rö̧'i̧nä̧ huopö, jahuätörö a̧dȩcua̧ju̧ru̧tä̧ iyinödo.

Romanos 15:7

Ja̧'hua̧nö̧ ja̧'a̧ttö̧ eseunu jȩpä̧tu̧cui̧ korotö korotöcu, Cristo jȩi̧nö̧'a̧nö̧ ujuturu, korotö Diosrö ttucuota pä'ö.

Romanos 16:15

Te'ähuätucui Filólogorö'inä, Juliarö'inä, Nereorö'inä, Nereo öjähuajuru'inä, Olimpasrö'inä, Jesucristorö esetätö jahuätöcu ka̧cuä̧tö̧rö̧'i̧nä̧.

Romanos 16:23

Gayo'inä ucuturu te'äu. Ttö ja̧u̧ ojusodenä kö̧sä̧. Ja̧u̧ ojusodettö o'ca toi'önä iglesia ruhuä ra̧'ä̧tö̧. Erasto'inä, ötahuiyättö pärätä tta̧'ä̧rö̧mä̧ ucuturu te'äu. Tö̧jä̧hua̧ Cuarto'inä te'äu ucuturu.

Romanos 16:6

Te'ähuätucui Maríarö, ucuturu rö̧ȩnä̧ aditinäjuru.

Romanos 16:9

Te'ähuätucui Urbanorö, Cristo Jesús aditähuänä ttöcu ppä'ädörö. Ja̧'hua̧ta̧nö̧ adihuä cha̧hua̧ru̧hua̧ Estaquisrö'inä te'ähuätucui.

Efesios 5:3

Dios i̧tti̧mö̧ cu'ätucuttumä, suronä nä̧tö̧rö̧ jȩä̧cuä̧huä̧ cucuocuätucu juiyö'a̧nö̧ huotöjä. Ja̧'hua̧ta̧nö̧ koro juäi suräjuä huȩnȩ'i̧nä̧ cucuocuätucu juiyö'a̧nö̧ huotöjä. Ja̧'hua̧ta̧nö̧ korotö ttu̧ju̧nä̧rö̧ ta'anö, chu̧ju̧nä̧ra̧ päcuhuätucu juiyö'a̧nö̧ huotöjä.

Filipenses 1:27

Ucutumä adiu ka̧cuä̧tu̧cui̧ 'cuäopönä, Cristo i̧huȩnȩ päö ta'anö. Ja̧'hua̧nö̧ cu̧ja̧cuä̧tu̧cuo̧mȩnä̧, ucuturu pä'äji ta'anö tochöttö'inä, tochö juiyöttö'inä, jittähua'a chä̧ju̧cua̧ pä'ösä ucuturu, adiu ji̧nä̧ yo̧mȩtȩ ttami 'qui'ächi'ö Dios i̧huȩnȩ esetö, adiu surojöcu rohuäu, ji'ähuätö pä'ö.

Filipenses 2:29

Iso päi'önä Tu̧ru̧hua̧nä̧ tö̧jä̧hua̧rö̧ esehuätucui i̧rȩbȩhuo̧mȩnä̧. Chutä ö̧jö̧ ta'anö ka̧cuä̧tö̧rö̧ 'cuäopönä eseunu amöcuädätucui.

Colosenses 4:10

Pottömä Aristarco, ttöcu cärenä pö̧mä̧, te'äu ucuturu. Ja̧'hua̧ta̧nö̧ Bernabé ö̧jä̧hua̧ Marcos te'äu ucuturu. Ucutu täcö huedinömä ä̧ju̧cui̧nä̧tö̧jä̧ ja̧u̧ru̧. Cuidepiyura̧'a̧ ichöttömä, adiu ppä'ädätucuirö.

1 Timoteo 2:10

Pärocua'acu nä̧tö̧'i̧nä̧ Diosrö esetätö jȩttö̧'a̧nö̧ adiunätä jȩttä̧cua̧'a̧nö̧.

2 Timoteo 1:18

Tu̧ru̧hua̧rö̧ ttucuotarö pä'ö ichö mo̧ro̧ päi'omenä, Tu̧ru̧hua̧ ja̧u̧ru̧ re rö̧jö̧nä̧ toö'a̧nö̧ ja̧'a̧. Ucu huo̧jua̧jä̧, ujuturu adiu ppä'ädinö Efesos ötahuiyänä kä̧nö̧.

Tito 2:3

Ja̧'hua̧ta̧nö̧ nä̧tö̧ böäcuächätörö'inä huo̧juȩti̧. Dios ä'ca jo̧mȩ adiu ttö̧jä̧cua̧'a̧nö̧. Ttahuaruhuärö yapareu huȩnȩ jittähuä'chö juiyäcua'a̧nö̧. Ja̧'hua̧ta̧nö̧ tä̧ttä̧mö̧ juiyäcua'a̧nö̧. Korotö ttä'ca jo̧mȩ adiu huo̧juȩtö̧ jȩttä̧cua̧'a̧nö̧.

Filemón 1:12

Pä'äji ta'anö ja̧u̧ru̧ hue'ösä ucuru. Ttötä chamönä chichöttömä, ttörö adiu jȩcu̧'a̧ji̧'a̧nö̧ jȩpi̧rö̧.

Filemón 1:17

Iso päi'önä ji̧nä̧ yo̧mȩtȩ tadita'a cuamöcuädöttömä, ttörö cueseu'a̧nö̧ esehui ja̧u̧ru̧'i̧nä̧.

2 Juan 1:10

Ya̧tȩ ucuturu huo̧juȩtö̧ ichömä, Jesucristo u̧huo̧juȩti̧nö̧ttö̧'i̧nä̧ i̧mi̧cu̧nä̧ u̧huo̧juȩtö̧ttö̧mä̧, cuojusodera̧'a̧ doächö juiya pä'ätucuirö. Ja̧'hua̧ta̧nö̧ ja̧u̧ru̧ tecuhuähuätucuä'.