Romanos 14:8 - TÄ̧DO Ä̧CUÄ̧ I̧HUȨNȨ

⁸ Tö̧jö̧'i̧nä̧, Tu̧ru̧hua̧nä̧ ka̧cuä̧tö̧jä̧. Hua'ö icu'inä, Tu̧ru̧hua̧nä̧ hua'ö icuätöjä. Ja̧'hua̧ ja̧'a̧ttö̧ ji̧nä̧ tö̧jä̧i̧'i̧nä̧, hua'ö ticuomenä'inä Tu̧ru̧hua̧ umöhuäyotöjä.

Nuevo Testamento Uwotjüja

⁸ Ja̧'wa̧nü̧ ja̧'a̧ttü̧, ta̧'kua̧ro̧mȩnä̧'i̧nä̧, Tu̧ru̧wa̧rü̧ pä̧wä̧rü̧jo̧mȩnä̧tä̧ a̧'kua̧rä̧tü̧jä̧; ja̧'wa̧ta̧nü̧ 'korujuotächomȩnä̧'i̧nä̧, Tu̧ru̧wa̧rü̧ pä̧wä̧rü̧jo̧mȩnä̧tä̧ 'korujuo'ächätüjä̧. Ja̧'wa̧nü̧ ja̧'a̧ttü̧, ta̧'kua̧ra̧ja̧ pä'ü'i̧nä̧, 'korujuotächaja pä'ü'i̧nä̧, Tu̧ru̧wa̧ttü̧tä̧ todepätüjä̧.

Romanos 14:8 ပူးပေါင်းရင်းမြစ်များ

San Lucas 20:38

Dios 'corupä'i'ätö Ttä̧do̧ ä̧cua̧ Diosmäcö̧. A̧'cua̧rä̧tö̧tä̧ Ttä̧do̧ ä̧cua̧ Dios päi'önä kö̧. Chutä ä'ca jo̧mȩttö̧ o'ca toi'önä a̧'cua̧rä̧tö̧do.

San Juan 21:19

Ja̧'hua̧nö̧ päomenä, Jesús ji'ähuinödo jahuätörö Pedro 'corupäi'ä̧cuȩ huȩnȩ. Ja̧'hua̧ta̧nö̧ ja̧'hua̧nö̧ 'corujuoächomenä, korotö Dios öadihuä tottäcua'a pä'ö ji'ähuinödo Jesús. Ja̧u̧nu̧ o'ca'a pä'inödo Pedrorö: —¡Ttöcu cue'ächi!

Hechos 13:36

David pi̧jä̧nä̧ ö̧jo̧mȩnä̧, Diosrö pä̧huä̧ rö̧jö̧mä̧ jȩpi̧nö̧do. Ja̧u̧nu̧ o'ca'a 'corupä'i'inö. Ja̧'hua̧nö̧ ja̧'a̧ ahuaruhuä 'turu tticuinäcudo jä̧do̧tö̧ mi̧nä̧ ttippeyä. Idepä'inä 'cuäipächina'ado.

Hechos 20:24

Ja̧'hua̧nö̧ ja̧'a̧nä̧'i̧nä̧ 'corupädi'öttömä, huäinä ja̧'a̧. Pi̧yȩtä̧ pä̧huä̧ rö̧jä̧cu̧sä̧. Eseunu jo̧mȩ päi'önä cädäda pä'ösä chaditähuä, Tu̧ru̧hua̧ Jesús chadita pä'ö hueinömä. Tu̧ru̧hua̧ Jesús hueinäcusä adihuä huȩnȩ, Dios ppädäcuähuä huȩnȩ, jidähua pä'ö.

Hechos 21:13

Ja̧'hua̧nö̧ ja̧'a̧ Pablo ädätinö: —¿Dä̧bö̧ cuajuähuätucuättö? ¿Dä̧bö̧ cha̧'cua̧ tta̧dȩcu̧nä̧ jȩcu̧'ä̧tu̧cuä̧ttö̧? Jerusalén ötahuiyättö Tu̧ru̧hua̧ Jesús i̧huȩnȩ jidähua'attö ttörö ttönö'ca pä'ö'inä 'corupädi'a pä'ömä täcö jo̧mȩ päi'önä kö̧sä̧.

1 Corintios 15:23

Churutä pä̧huä̧ rö̧jo̧mȩnä̧ ttotächäcuotöjä. Äcuomenä ä'canä Cristo tto'ächinödo. Ja̧u̧nu̧ o'ca'a Cristo ichomenä, ja̧u̧ru̧ esetätö ttottächäcuotödo.

Filipenses 1:20

Ttömä yoröiso dä'ä juiyönä chö̧ja̧ pä'ösä. Jitämä suronä 'cuädopa'anä, 'cuäopönä yecuäcuähuä juiyönä jidähua pä'ösä Cristo i̧huȩnȩ, jidähuinö ta'anö. Ja̧'hua̧ta̧nö̧ chö̧jö̧ttö̧'i̧nä̧, 'corupädi'öttö'inä, korotömä ttörö topö, Cristorö ttesehuäcuähua pä'ösä.

Filipenses 2:17

Ucutu Diosrö cuesetätucuomenä, sacrificio jȩtti̧nö̧'a̧nö̧ ttö chucuoja erönä cuä'ö tticuttu'inä, adihuajacusä. Ja̧'hua̧nö̧ ja̧'a̧nä̧ ucutucu'inä o'ca toi'önä chȩsȩhuä̧cua̧sä̧.

Filipenses 2:30

Ja̧u̧mä̧ Cristo hueinö jȩpö̧, 'corupäi'ö'a̧nö̧ päi'inäcudo. Ucutu oto kä̧nö̧ ppäcuhuädätucuoca'attömä, ra̧huȩpi̧jö̧nä̧ ki̧nö̧ ttörö ppädomenä.

1 Tesalonicenses 5:10

Jesucristo 'corupä'i'inö chutäcu tö̧ja̧cua̧ pä'ö ta̧'cua̧ro̧mȩnä̧'i̧nä̧, 'corupäti'omenä'inä.

Apocalipsis 14:13

Ja̧'hua̧ ja̧'a̧ ya̧tȩ i̧huȩnȩ mo̧ro̧jä̧ra̧'a̧ttö̧ ttörö ucuocua'a ä̧ju̧cui̧nö̧sä̧. Ttörö päina'a: —Pi̧yȩ huȩyu̧ti̧. “Jitä mo̧ro̧ kä̧mä̧dö̧, o'ca toi'önä Tu̧ru̧hua̧rö̧ esetö kä̧nö̧ 'corupätti'omenä, ttesehuäcuotö”. “Ja̧u̧mä̧ iso päi'önä ja̧'a̧,” päa'a Espíritumä. Ttaditähuättö 'cuättächi'äcuotö. Ttaditinö'inä jahuätöcu ttȩpä̧cuo̧tö̧.