Romanos 14:2 - TÄ̧DO Ä̧CUÄ̧ I̧HUȨNȨ

² Ja̧'hua̧nö̧ ja̧'a̧ttö̧ yotöte esetätömä o'ca juiyönä jähuä cuätö. Korotö'inä tteseta'anä, ttamöcuädö juiyupätömä, ji̧nä̧ cuocotö o'ca juiyönä jähuä. Ji̧yȩä̧cuȩtä̧ u̧huä̧ju̧tä̧ cuätö.

Nuevo Testamento Uwotjüja

² Isopäi'ünä̧ kkorotümä̧ o'kajuiyünä̧ ttukuomȩnä̧mä̧ tujuru kka̧'a̧ pä'ätü ja̧'wa̧nü̧ ja̧'a̧nä̧, tta̧'kua̧ wȩnä̧rä̧kuä̧wä̧ juiyupätümä̧ pä'atü, pättiyu kuäwä o̧'tȩtä̧ kuätü, jü̧nä̧.

Romanos 14:2 ပူးပေါင်းရင်းမြစ်များ

Romanos 14:1

Adiu esehuätucui Ttu̧ru̧hua̧rö̧ esetö kä̧nö̧ ttamöcuädö juiyupätörö'inä, cuamönä cuamöcuädätucu cucuocuätucuoca'a.

Romanos 14:14

Ttö huo̧jua̧sä̧ koro juäi yoröiso juiya'a iditö icumä. Ttö Chu̧ru̧hua̧ Jesucristorö cheseta'attö, ja̧'hua̧nö̧ huo̧jua̧sä̧. Ja̧'hua̧nö̧ ja̧'a̧nä̧ korotömä pi̧yȩmä̧ iditö icudo pä'ö ttamöcuädöttömä, jahuätörö surojö ja̧'a̧.

Romanos 14:20

Surojuocuhue'ätucuä' Dios aditähuämä cu̧cuȩtu̧cu̧nä̧. Iso päi'önä cuäcuähuämä o'ca juiyönä adihua'a. Ja̧'hua̧nö̧ ja̧'a̧nä̧ koro juäi tucuomenä, korotö ujuturu topö surojuottepöttömä suroja'a.

Romanos 15:1

Ujutu tesetöttö juruhuätömä, ppätädö'a̧nö̧ ja̧'a̧ tö̧jä̧hua̧tö̧ juiyupätörö, ujutu tamönätä töjö'cönätämäcö̧.

1 Corintios 10:25

O'ca juiyönä idepä ttiyomettö, ȩmö̧ cuätucui, koro amöcuädö jäcuhue'ätucuoca'a.

1 Corintios 8:9

Juhuorö'inä ttu̧ȩcuä̧nä̧ ka̧cuä̧tu̧cui̧, korotö Diosrö a̧'u̧cu̧nä̧tä̧ esetätö suronä jȩttö̧ juiya pä'ö, ucuturu topö o'ca juiyönä cucuätucuomenä.

1 Corintios 9:22

Ja̧'hua̧ta̧nö̧ korotö ji̧'qui̧cha̧nö̧ tteseta'attö juiyupätöcu cuedächomenä, ya̧tȩ jui̧yu̧pa̧ ö̧ja̧'a̧ jä̧'i̧nö̧'a̧nö̧ ki̧nö̧sä̧, jahuätö'inä adiu ttesetäcua'a̧nö̧ Diosrö. Ja̧'hua̧nö̧ pä'ösä ttömä o'ca toi'önäcu kä̧nö̧, jahuätö ttö̧jö̧'a̧nö̧ ki̧nö̧sä̧, yotöte Diosrö ttesetäcua'a̧nö̧.

Gálatas 2:12

Jacobo umöhuäyotö ttichö juiyäimä, judíos huocotöcu u̧cuȩ cuä̧nö̧ ki̧nö̧ Pedro. Jacobo umöhuäyotö tti̧rȩbȩhuä̧ji̧ o'ca'a, täcö cuocö pi̧nö̧ judíos huocotöcu, circuncisión jȩä̧cuä̧huä̧ jȩpä̧tö̧rö̧ ye'ecu.

1 Timoteo 4:4

O'ca juiyönä Dios aditinö adiu. Ujutumä koro juo̧'a̧rö̧ “Su̧ro̧pa̧rö̧mä̧ cuocösä” pätö juiyö'a̧nö̧ ja̧'a̧. Diosrö eseunu ucuocu ȩmö̧ tucu'a̧nö̧ ja̧'a̧.

Tito 1:15

Iso päi'önä adiu amöcuädätörömä, o'ca juiyönä adihua'ado. Ja̧'hua̧nö̧ ja̧'a̧nä̧ suronä amöcuädö esetocotörömä, o'ca juiyönä suroja'ado. Jitötä ttamönä ttamöcuädömä surojödo.

Hebreos 13:9

Koro huȩnȩ, jareö huȩnȩ, i̧mi̧cu̧nä̧ jittähuä'chomenä cuesetätucuä'. Iso päi'önä tami iso'quinä Dios ppäda'attö tujuruhuomenä, pi̧jä̧ jähuä cuäcuähuä huȩnȩttö̧'i̧nä̧ abonänö adihua'ado. Ja̧u̧ juäi pi̧jä̧ huȩnȩ esetätörö yoröiso ppädoca'a ji̧na̧'a̧do.

Hebreos 9:10

Ja̧u̧ juäimä, cuäcuähuättö'inä, ahuähuättö'inä, koro juäi jȩpö̧ töcö icuähuättö'inä, yoröiso huämenätä jȩä̧cuä̧hua̧'a̧do, Dios o'ca juiyönä pärou icuome jubö päi'önä.