Romanos 14:1 - TÄ̧DO Ä̧CUÄ̧ I̧HUȨNȨ

¹ Adiu esehuätucui Ttu̧ru̧hua̧rö̧ esetö kä̧nö̧ ttamöcuädö juiyupätörö'inä, cuamönä cuamöcuädätucu cucuocuätucuoca'a.

Nuevo Testamento Uwotjüja

¹ Tta̧'kua̧ wȩnä̧rä̧kuä̧wä̧ jiyüpätürü dodetta we'ätukui jawätukumä̧ päkuä'chäkuäwätukuä.

Romanos 14:1 ပူးပေါင်းရင်းမြစ်များ

San Mateo 12:20

Koro nä̧yö̧na̧ su̧ro̧jä̧na̧'i̧nä̧ yoröiso 'te'ädocö jä̧cua̧. Tejähuore adiunä cuocore'inä, yoröiso na̧'ȩpo̧cö̧ jä̧cua̧. Ja̧u̧ hueome jubö päi'önä ja̧'hua̧nö̧ jȩpo̧cö̧ jä̧cua̧.

San Mateo 14:31

Yotäcu Jesús u̧mö̧nä̧ 'chu'ädö pä'inödo: —¡Yoröiso adiunämä esetocöjä! ¿Tta̧'a̧nö̧ pä'ö jarode'ö cuamöcuädäjättö?

San Mateo 18:10

“Suronä cuamöcuädätucuä' pitö ppo̧'ä̧tö̧rö̧. Ucuturu pä'ösä, pitörö tta̧'ä̧rä̧tö̧ ángelesmä, Chä'o mo̧ro̧jä̧nä̧ kö̧ ä'ca jo̧mȩ ka̧cuä̧tö̧ 'cuäopönä.

San Marcos 7:19

Rattädi'ömä ttami iso'quinä ȩqui̧po̧cö̧do. Ttö'cäbiyönätä ȩqui̧pö̧do. Ja̧u̧nu̧ o'ca'a kara'anätä rä'epö icuähuädo. Ja̧'hua̧nö̧ päomenä, o'ca juiyönä cuäcuähuämä adiu pä'inödo.

San Lucas 17:2

Ya̧tȩ ubo pa̧'a̧nö̧ ji̧'qui̧cha̧hua̧ ta'anö huotörö suronä jȩtta̧ pä'ö huȩ'ä̧rö̧, ja̧u̧ru̧ u̧ru̧pä̧'quȩnä̧ ido'qui ti̧'ä̧dö̧ aje täcuome päte'ö kä'ö tticu'a̧nö̧ hua̧.

San Juan 13:20

Iso päi'önä pä'ösä ucuturu, ya̧tȩ ttö huȩdä̧cua̧rö̧ ppä'ädömä, ttörö'inä ppä'ädö. Ja̧'hua̧ta̧nö̧ ya̧tȩ ttörö adiu ppä'ädömä, ttörö hue'inörö'inä ppä'ädö, —pä'inödo Jesús.

Hechos 28:2

Ju̧huȩnȩtä̧ ka̧cuä̧tö̧mä̧ adiu ppä'ädinätö ujuturu. Ajiya icha'attö diyahuina'a. Ocurä kuhuinätö töta pä'ö.

Romanos 11:15

Judíos ttö̧ja̧rö̧ ra̧huä̧ri̧pö̧ jaropi'inö'ca̧, pärocuotörö, pi̧jä̧ ttö̧ja̧rö̧ ȩmi̧nö̧ Diosmä ahuaruhuä päi'önä. Ja̧'hua̧ ja̧'a̧ttö̧ judíos ttö̧ja̧ pä'äji ta'anö ttesetomenä, ¿tta̧'a̧nö̧ jä̧cua̧'a̧jä̧ttö̧? Ja̧u̧nu̧mä̧ 'corupä'i'o'cotö ttö̧ja̧ ja̧ji̧'a̧nö̧ ttö̧ja̧cuä̧cuo̧tö̧.

Romanos 14:2

Ja̧'hua̧nö̧ ja̧'a̧ttö̧ yotöte esetätömä o'ca juiyönä jähuä cuätö. Korotö'inä tteseta'anä, ttamöcuädö juiyupätömä, ji̧nä̧ cuocotö o'ca juiyönä jähuä. Ji̧yȩä̧cuȩtä̧ u̧huä̧ju̧tä̧ cuätö.

Romanos 14:21

Ja̧'hua̧nö̧ ja̧'a̧ttö̧ idepä cucua'a'inä, vino cuahua'a'inä, koro jȩcu̧'a̧'a̧'i̧nä̧ cu̧jä̧hua̧ tomenä, suronä jȩpö̧, ijuiyuttumä, ja̧'hua̧nö̧ jȩcu̧'u̧ juiyö'a̧nö̧ ja̧'a̧, suronä jȩpö̧ ma̧ä̧cha̧'a̧cu̧.

Romanos 14:3

O'ca juiyönä jähuä cuätömä, cuju'cätucu jö̧ juiyönä cuamöcuädätucuä' koro juäi cuocotörö. Ja̧'hua̧ta̧nö̧ o'ca juiyönä jähuä cuocotö'inä, jarode'ö cucuocuätucuä' o'ca juiyönä jähuä cuätörömä. Dios ȩmi̧nö̧ jahuätörö.

Romanos 15:1

Ujutu tesetöttö juruhuätömä, ppätädö'a̧nö̧ ja̧'a̧ tö̧jä̧hua̧tö̧ juiyupätörö, ujutu tamönätä töjö'cönätämäcö̧.

Romanos 15:7

Ja̧'hua̧nö̧ ja̧'a̧ttö̧ eseunu jȩpä̧tu̧cui̧ korotö korotöcu, Cristo jȩi̧nö̧'a̧nö̧ ujuturu, korotö Diosrö ttucuota pä'ö.

Romanos 4:19

Abraham cien du'huo tö'cö jö̧nä̧ huinö. Ja̧'hua̧ta̧nö̧ chutä'inä, Sara'inä 'corujuoächäcuähuä tö'cö huinätö. Juiyo böäcuächinätö pi̧nä̧tö̧ tti̧tti̧mö̧rö̧ ku̧nä̧rä̧cuä̧huä̧nä̧mä̧. Ja̧'hua̧nö̧ ja̧'a̧nä̧ Abrahammä Diosrö esetö, jaropi'ocö pi̧nö̧.

1 Corintios 9:22

Ja̧'hua̧ta̧nö̧ korotö ji̧'qui̧cha̧nö̧ tteseta'attö juiyupätöcu cuedächomenä, ya̧tȩ jui̧yu̧pa̧ ö̧ja̧'a̧ jä̧'i̧nö̧'a̧nö̧ ki̧nö̧sä̧, jahuätö'inä adiu ttesetäcua'a̧nö̧ Diosrö. Ja̧'hua̧nö̧ pä'ösä ttömä o'ca toi'önäcu kä̧nö̧, jahuätö ttö̧jö̧'a̧nö̧ ki̧nö̧sä̧, yotöte Diosrö ttesetäcua'a̧nö̧.

Filipenses 2:29

Iso päi'önä Tu̧ru̧hua̧nä̧ tö̧jä̧hua̧rö̧ esehuätucui i̧rȩbȩhuo̧mȩnä̧. Chutä ö̧jö̧ ta'anö ka̧cuä̧tö̧rö̧ 'cuäopönä eseunu amöcuädätucui.

1 Tesalonicenses 5:14

Tö̧jä̧hua̧tö̧, ja̧'hua̧ta̧nö̧ pä'ätöjä ucuturu. Ötähuätörö adiu ucuocu ji'ähuätucui. Ye'ecuätörö ppä'ädätucui. Juiyupätörö'inä ppä'ädätucui. O'ca toi'önärö cuami 'qui'ächi'ö ka̧cuä̧tu̧cui̧.

Hebreos 5:14

Ja̧'hua̧nö̧ ja̧'a̧nä̧ adihuä juäi cuäcuähuämä, tä̧mö̧tä̧ ttucudo. Jahuätömä ja̧u̧ cuäcuähuä ttucuina'attö, adiunä'inä, surojö'inä huo̧juä̧tö̧do.

2 Juan 1:10

Ya̧tȩ ucuturu huo̧juȩtö̧ ichömä, Jesucristo u̧huo̧juȩti̧nö̧ttö̧'i̧nä̧ i̧mi̧cu̧nä̧ u̧huo̧juȩtö̧ttö̧mä̧, cuojusodera̧'a̧ doächö juiya pä'ätucuirö. Ja̧'hua̧ta̧nö̧ ja̧u̧ru̧ tecuhuähuätucuä'.