Romanos 13:7 - TÄ̧DO Ä̧CUÄ̧ I̧HUȨNȨ

⁷ O'ca toi'önärö mitätucui cuimippotä̧u̧ru̧mä̧ o'ca juiyönä. Ruhuotörö pärätä cuimippotö'inä mitätucui. Korotörö ucuotönö jȩpä̧tu̧cui̧.

Nuevo Testamento Uwotjüja

⁷ Yotukunä̧rü̧ kuiyätukua pä'ü jü̧ iyätukui: Tributo pättü kuiyätukua pä'ü jü̧ttü̧mä̧ iyätukui; impuesto pättü kuiyätukua pä'ü jü̧ttü̧mä̧, iyätukui; Kukuotätukua pä'ü jü̧ttü̧mä̧, ukuotätukui; eseu kukuotätukua pä'ü jü̧ttü̧mä̧, eseu ukuotätukuirü.

Romanos 13:7 ပူးပေါင်းရင်းမြစ်များ

San Mateo 17:25

Pedro ädätinödo: —A̧, iyö. Ja̧'hua̧ ja̧'a̧ Pedro isodenä doächomenä, Jesús ä'canä päinäcu: —¿Tta̧'a̧nö̧ cuamöcuädättö Simón? Pi̧jä̧ ttö̧ja̧ tturuhuotörö ¿dijä imitättö ttöäre pärätä? ¿Jitötä ttumöhuäyotö mitätö tä̧ji̧? ¿Korotömä, kara'attö ichäcuähuotö mitätö tä̧ji̧?

San Mateo 22:21

Jahuätö ädätinätödo: —Romanos ttö̧ja̧ ttu̧ru̧hua̧ a̧'cua̧juä̧'i̧nä̧, i̧mi̧'i̧nä̧ pa̧'a̧. Ja̧'hua̧ ja̧'a̧ttö̧ Jesús päinä̧u̧do: —Ja̧u̧ttu̧mä̧ chutä romanos ttö̧ja̧ ttu̧ru̧hua̧ öäre päömä, iyätucuirö. Ja̧'hua̧ta̧nö̧ chutä Dios öäre päömä, Diosrötä iyätucui, —pä'inödo Jesús.

San Marcos 12:17

Ja̧'hua̧ ja̧'a̧ttö̧ Jesús päinä̧u̧do: —Ja̧u̧ttu̧mä̧, chutä romanos ttö̧ja̧ ttu̧ru̧hua̧ öäre päömä, iyätucuirö. Ja̧'hua̧ta̧nö̧ chutä Dios öäre päömä, Diosrötä iyätucui, —pä'inödo Jesús. Ja̧'hua̧nö̧ ttä̧ju̧cuo̧mȩnä̧, to̧pä̧rö̧ ka̧cui̧nä̧tö̧do.

San Lucas 20:22

Ji'ähuitö, romanos ttö̧ja̧ ttu̧ru̧hua̧rö̧ pärätä timitomenä, ¿adihua'a tä̧ji̧?

San Lucas 20:25

Ja̧'hua̧ ja̧'a̧ttö̧ Jesús päinä̧u̧do: —Ja̧u̧ttu̧mä̧, chutä romanos ttö̧ja̧ ttu̧ru̧hua̧ öäre päömä, iyätucuirö. Ja̧'hua̧ta̧nö̧ chutä Dios öäre päömä, Diosrötä iyätucui, —pä'inödo Jesús.

San Lucas 23:2

Juhua'attö yapareu huȩnȩtä̧ ji'ähuinätödo ja̧u̧ru̧. Pä'inätödo: —Pidemä ujutu tahuaruhuä suronä jȩtta̧ pä'ö jiähua'a po̧cui̧pi̧nä̧tö̧jä̧. Ja̧u̧mä̧ romanos ttö̧ja̧ ttu̧ru̧hua̧rö̧ pärätä timitö juiyö'a̧nö̧ ja̧'a̧ pä'ödo. Ja̧'hua̧ta̧nö̧ “Ttötäsä Cristo” pä'ödo. Ja̧'hua̧nö̧ päomenä, “Ttötäsä ru̧hua̧mä̧,” pä'ödo, —pä'inätödo.

Romanos 12:10

Korotö korotönörö repe'ätucui cuamönä cu̧jä̧hua̧tö̧rö̧ repecuhuätucu ta'anö. Ucuotönö ka̧cuä̧tu̧cui̧ korotö korotöcu.

Romanos 13:6

Ja̧'hua̧nö̧ ja̧'a̧ttö̧ ucutu mitätöjä pärätä ruhuotörö. Jahuätö ruhuotö Dios hueähuä adicuä isotö päi'önä jȩpä̧tö̧ ttaditähuä.

Efesios 5:33

Ja̧'hua̧nö̧ ja̧'a̧nä̧'i̧nä̧ ucuturu'inä päa'a: cui̧rȩcua̧mö̧rö̧'i̧nä̧ eseunu repe'ätucui, ucutu cuamönätucu repecuhuähuätucu ta'anö. Ja̧'hua̧ta̧nö̧ päa'a: isaju'inä ucuotönö kö̧jä̧cua̧'a̧nö̧ kirecuorö.

Efesios 6:5

Korotö huettö aditätömä, Cristo i̧huȩnȩ päö ta'anö jȩcu̧'ä̧tu̧cu̧'a̧nö̧, adiu ucuotönö'inä, ye'ecunu'inä adiu jȩpä̧tu̧cui̧ o'ca juiyönä pi̧jä̧ttö̧ cu̧ru̧hua̧ hueömä.

1 Timoteo 5:13

Ja̧'hua̧nö̧ jȩpö̧ korode korodenö cuettächomenä, ji̧nä̧ isocu ttötähuächäcuotö. Ja̧'hua̧nö̧ ötähuächö kä̧nö̧, amönä yapareu huȩnȩtä̧ ttucuocuäcuotö, ttucuocu juiyö'a̧nö̧ jö̧ juäi.

1 Timoteo 5:17

Ancianos huotö adiu ji'äu huo̧juȩtä̧tö̧rö̧'i̧nä̧, iglesia ruhuärö adiu hue'ätörö'inä, ji̧nä̧ isocu adiu tucuotäcua'a̧nö̧.

1 Timoteo 6:1

Korotöcu aditätömä ttu̧ru̧hua̧rö̧ adiu ttucuotäcua'a̧nö̧. Ja̧'hua̧nö̧ ttucuotomenä, korotö Diosrö suronä ucuocuocotö. Ja̧'hua̧ta̧nö̧ ujutu tu̧huo̧juȩtö̧ huȩnȩ'i̧nä̧ suronä ucuocuocotö.

1 Pedro 3:7

Ucutu'inä u̧mä̧tö̧, cuirecuarö repe'ö ka̧cuä̧tu̧cui̧. Adiu ucuotönö amöcuädätucui jahuätörö, ucututtu'inä abonänö juiyupätörö. Diosrö pä̧huä̧ rö̧jo̧mȩnä̧, ucuturu iyinö ta'anö, jahuätörö'inä iyinö cunichi'ätucuoca'a ka̧cuä̧tu̧cui̧. Ja̧'hua̧nö̧ jȩpä̧tu̧cui̧, Diosrö cucuocuätucuomenä, surojö juiyäcua'a̧nö̧.