Romanos 12:8 - TÄ̧DO Ä̧CUÄ̧ I̧HUȨNȨ

⁸ Korotörö ttesehuächi'önä jittähua pä'ö iyinöttömä, adiu jittäu'a̧nö̧ ja̧'a̧. Ya̧tȩ korotörö iyömä, repeäcuähuä juiyönä iyö'a̧nö̧ ja̧'a̧. Ya̧tȩ hue'ömä, o'ca juiyönä ttu̧ȩcuä̧nä̧ hueö'a̧nö̧ ja̧'a̧. Jui'ätörö ppä'ädömä, eseunu ppädö'a̧nö̧ ja̧'a̧.

Nuevo Testamento Uwotjüja

⁸ kkorotürü ro̧kuȩpa̧ pä'ü, ro̧ȩkuä̧ iyinü̧ttü̧mä̧, ro̧'ȩpi̧. Iyü ppäda pä'ü iyinä̧ku̧mä̧, repekuoka'a ppä'ädi; kkorotürü oikuä iyinä̧ku̧mä̧, eseunu̧ o'ipi; rekuä rü̧jä̧u̧ru̧ ppädäkuäwä iyinä̧ku̧mä̧, eseunü̧tä̧ ppä'ädi.

Romanos 12:8 ပူးပေါင်းရင်းမြစ်များ

San Mateo 25:40

Ja̧'hua̧nö̧ pättomenä, Ru̧hua̧mä̧ ä̧dä̧tä̧cua̧: “Iso päi'önä pä'ösä ucuturu, ya̧tȩ ttörö esetörö, usurä i̧sa̧rö̧'i̧nä̧, ttörö esetörö ppäcuhuädätucuomenä, ttörötä ppä'ädö jȩpi̧nä̧tö̧jä̧.”

Hechos 11:23

Bernabé juhua'a i̧'chi̧'o̧mȩnä̧, Diosmä ttö̧ja̧rö̧ adiu ppädina'a topö, esehuinödo. O'ca toi'önärö adiu ppä'ädö ucuocuinödo. Ji'ähuinödo Tu̧ru̧hua̧rö̧ adiu esetö ttö̧ja̧cua̧ pä'ö jarotti'ö juiyönä.

Hechos 13:12

Ja̧'hua̧nö̧ 'cuäopa'a topö, Chipre kä'co i̧sä̧sa̧ ru̧hua̧ Jesucristorö esetinödo, Tu̧ru̧hua̧ i̧huȩnȩ ä̧ju̧cuo̧cö̧ jä̧'i̧jö̧ ä̧ju̧cu̧'i̧nä̧, tocö jä̧'i̧jö̧ topö'inä.

Hechos 13:15

Ya̧tȩ Dios i̧huȩnȩttö̧ hueähuä huȩnȩ'i̧nä̧, Dios i̧huȩnȩ jiäcuähuä isotö tti̧huȩyu̧ti̧nö̧'i̧nä̧ ucuocuinödo. Ucuocuäji o'ca'a judíos ttö̧ja̧ ttu̧huo̧jui̧'i̧node ruhuotö pättinä̧u̧do: —Chö̧jä̧hua̧tö̧, ttö̧ja̧rö̧ adiu ppädäcuähuä huȩnȩ cu̧ju̧nä̧rä̧tu̧cu̧ttu̧mä̧, ji'ähuätucui.

Hechos 15:32

Ja̧'hua̧ ja̧'a̧ Judas'inä, Silas'inä Dios i̧huȩnȩ jiäcuähuä isotö ja̧'a̧ttö̧, ttö̧jä̧hua̧tö̧rö̧ ttami 'qui'ächi'ö ttö̧ja̧cua̧ pä'ö rö̧ȩnä̧ ppä'ädö ji'äu huo̧juȩti̧nä̧tö̧do.

Hechos 20:2

Juhuorö Jesucristorö esetätörö adiu ppä'ädö ucuocu ji'ähuä̧ya̧ 'cuä'opö 'chi̧nö̧do, Grecia rȩjȩra̧'a̧ i̧rȩbȩhua̧'a̧ jubö päi'önä.

Hechos 20:28

Cuamönätucutä tta̧'ä̧rä̧cuä̧huä̧tu̧cui̧. O'ca toi'önä Tu̧ru̧hua̧rö̧ esetätörö'inä tta̧'ä̧rä̧tu̧cui̧. Espíritu Santo ucuturu hue'inö jahuätörö tta̧huä̧rä̧cuä̧huä̧ isotö päi'önä cu̧ja̧cuä̧tu̧cua̧ pä'ö. Tu̧ru̧hua̧mä̧ churutä esetätörö ȩmi̧nö̧ ucuojanä 'corupäi'omenä.

Hechos 4:36

Ja̧'hua̧nö̧ ja̧'a̧ ya̧tȩ levita i̧sa̧ pi̧nö̧do, José pä'ö mi̧cua̧. Ja̧u̧ Chipre kä'co i̧sa̧sa̧ttö̧ uhuäpächinödo. Jesús hue'ähuotö i̧mi̧ päjure Bernabé ottinäcudo. Jahuätö tti̧huȩnȩnä̧ päa'a Bernabé, ujutu ti̧huȩnȩnä̧ päa'a ahuaruhuärö adiu ucuocu ppädäcuähuä i̧sa̧.

Romanos 12:13

Ppä'ädätucui Jesucristorö esetätörö recuä rö̧jä̧u̧ru̧. Ucuturu do'ächätörö, adiu ppä'ädätucui.

Romanos 13:6

Ja̧'hua̧nö̧ ja̧'a̧ttö̧ ucutu mitätöjä pärätä ruhuotörö. Jahuätö ruhuotö Dios hueähuä adicuä isotö päi'önä jȩpä̧tö̧ ttaditähuä.

1 Corintios 12:28

Ja̧'hua̧nö̧ ja̧'a̧ttö̧ Dios pa̧'a̧nö̧ hue'inödo iglesia ruhuärö. Äcuomenä Jesús hue'ähuotörö hue'inödo. Ja̧u̧nu̧ o'ca'a, Dios i̧huȩnȩ Diosttö ȩmä̧huä̧ ji'ähuätörö hue'inödo. Ja̧u̧nu̧ o'ca'a, Dios i̧huȩnȩ huo̧juȩtä̧tö̧rö̧'i̧nä̧, ttö̧ja̧ ttieru juäi jȩpä̧tö̧rö̧'i̧nä̧, na̧'ä̧chä̧tö̧rö̧ aditö icuätörö'inä, korotörö ppä'ädätörö'inä, korotö ä'canä amöcuädö, jȩpö̧ ppä'ädätörö'inä, korotö ttieru huȩnȩ ucuocuätörö'inä hue'inödo Dios.

1 Corintios 14:3

Juhuorö'inä ya̧tȩ Dios iyähuä huȩnȩ jiähuomenä, korotörö ppä'ädö ji'äu. Ja̧'hua̧ta̧nö̧ adiu ttesetäcua'a̧nö̧ ji'äu. Ja̧'hua̧ta̧nö̧ tta̧'cua̧ tta̧ttȩcu̧ juiya pä'ö ji'äu.

2 Corintios 1:12

Pi̧yȩ amöcuädö esehuätöjä. Ujutu tami iso'quinä tamöcuädomenä, huo̧juä̧tö̧jä̧ iso päi'önä adiunä ta̧'cua̧ pö̧nö̧ cue'ächätöjä pi̧jä̧nä̧ ucutu cuä'catucu jo̧mȩttö̧. Diostä ujuturu repe'ö ppä'ädinö ja̧'hua̧nö̧ cuetächa pä'ö. Ujutu tamönä tamöcuädönä ja̧'hua̧nö̧mä̧ cue'ächocotöjä.

2 Corintios 11:3

Ä̧ca̧mä̧ yapareu jiähuomenä, Eva kesetinö ta'anö, ucutu'inä yapareu cuesetätucuäcuotöjäcö̧ pä'ö yȩ'ȩcua̧sä̧, cuamöcuädätucunä ji̧yȩä̧cuȩtä̧ adihuä huȩnȩ eseunu ucuocuäcuähuä jaropi'ö.

2 Corintios 8:12

Ya̧tȩ ami iso'quinä esetö, iya päöttömä, Dios ȩmä̧cua̧ u̧ju̧nä̧rö̧ttö̧ iyomenä. Ja̧u̧mä̧, Diosmä, juitomenä jä'epocö.

2 Corintios 9:11

Ja̧'hua̧nö̧ cuȩmä̧tu̧cuo̧mȩnä̧, ucutumä o'ca juiyönä adihuä juäi cu̧ju̧nä̧rä̧cuo̧tö̧jä̧, korotörö'inä repeähuä juiyönä cuiyätucua pä'ö. Ja̧'hua̧ta̧nö̧ ujuturu iyö huecuhuätucuomenä, korotö tö̧jä̧hua̧tö̧'i̧nä̧ topö ttesehuäcuotö Diosrö, ucuturu amöcuädö.

2 Corintios 9:13

Jahuätö ttesehuäcuähuäcuotö Diosrö. Ja̧u̧ ppä'ädö huecuhuätucuomenä, topö ttu̧huo̧juä̧cuo̧tö̧ iso päi'önä ucutumä Cristo i̧huȩnȩ päö ta'anö jȩpä̧tö̧jä̧. Ja̧'hua̧ta̧nö̧ jahuätörö'inä, o'ca toi'önärö'inä eseunu ppä'ädö cuiyätucuomenä topö, Diosrö adiu ttucuotäcuotö.

2 Corintios 9:7

Ka̧ra̧'i̧nä̧, ka̧ra̧'i̧nä̧ chutä ami iso'quinä iya pä'ö amöcuädö iyö'a̧nö̧ ja̧'a̧. Juhuorö'inä churutä pä̧huä̧ rö̧jo̧mȩnä̧ eseunu i̧yä̧cua̧, korotö huettoca'anä. Eseunu iyätörö repe'ö Dios.

Efesios 6:5

Korotö huettö aditätömä, Cristo i̧huȩnȩ päö ta'anö jȩcu̧'ä̧tu̧cu̧'a̧nö̧, adiu ucuotönö'inä, ye'ecunu'inä adiu jȩpä̧tu̧cui̧ o'ca juiyönä pi̧jä̧ttö̧ cu̧ru̧hua̧ hueömä.

Colosenses 3:22

Korotöcu aditätömä, pi̧jä̧nä̧ cu̧ru̧hua̧ hueömä, o'ca juiyönä jȩpä̧tu̧cui̧. Chutä tomenätä jȩcu̧'ä̧tu̧cuä̧', adiu amöcuädäcua'a̧nö̧ ucuturu. 'Cuäopönä cuami iso'quitucunä eseunu Diosrö ye'ecu jȩpä̧tu̧cui̧.

1 Tesalonicenses 2:3

Ujutu tieru huȩnȩmä̧ ji'ähuocotöjä. Ja̧'hua̧ta̧nö̧ suronä amöcuädö ji'ähuocotöjä. Ucuturu yapareu ucuocu ji'ähuocotöjä.

1 Tesalonicenses 2:8

Ucuturu rö̧ȩnä̧ repeta'attö, Dios i̧huȩnȩ ji'äu 'corupä'i'ätöjä ucuturu ppä'ädö. Iso päi'önä rö̧ȩnä̧ repe'ätöjä ucuturu.

1 Timoteo 4:13

Ttö chichome jubö päi'önä Dios i̧huȩnȩ ttä̧ju̧cu̧nä̧ ucuocui. Ja̧'hua̧ta̧nö̧ tö̧jä̧hua̧tö̧rö̧ ji'äu huo̧juȩti̧.

1 Timoteo 5:17

Ancianos huotö adiu ji'äu huo̧juȩtä̧tö̧rö̧'i̧nä̧, iglesia ruhuärö adiu hue'ätörö'inä, ji̧nä̧ isocu adiu tucuotäcua'a̧nö̧.

1 Timoteo 6:18

Ya̧tȩ järe ru̧hua̧ rö̧ȩnä̧ u̧ju̧nä̧ra̧'a̧ jä̧'i̧nö̧'a̧nö̧, rö̧ȩnä̧ adihuä juäi ttu̧ju̧nä̧rä̧cua̧'a̧nö̧, adiunätä jȩtta̧ pä'ö ji'ähuitö. Ttöäre'inä korotö jui'ätörö ttiya pä'ö ji'ähuitö.

Hebreos 10:25

Korotö cultora̧'a̧, Diosrö ttucuocuomecu 'cho̧co̧tö̧ jȩttö̧'a̧nö̧mä̧, jȩtö̧ juiyö'a̧nö̧ ja̧'a̧ ujutumä. Ujutumä, korotö korotönörö juhua'a yabonö adiu ppätädö'a̧nö̧ ja̧'a̧. Iso päi'önä Tu̧ru̧hua̧ ichä̧cuȩ mo̧ro̧ ötö'cöhuächa'a topö, ja̧'hua̧nö̧ jȩtö̧'a̧nö̧ ja̧'a̧.

Hebreos 13:17

Ucuturu huo̧juȩtä̧tö̧ pättö ta'anö, adiu jȩpä̧tu̧cui̧. Jahuätörö ucuotätucui. Jahuätö ucutu cua̧'cua̧ru̧hua̧tu̧cu̧ tta̧'ä̧rä̧tö̧do. Jahuätömä ucuturu tta̧ttä̧ro̧mȩnä̧, Dios to̧pä̧rö̧ jahuätörö. Jahuätö ttaditähuä, tta̧'cua̧ tta̧'ȩcu̧ juiyönä, adiunätä räopa pä'ö ppä'ädätucui. Tta̧'cua̧ tta̧'ȩcu̧nu̧ jȩttö̧ttö̧mä̧, ucuturu'inä adihuoca'ado.

Hebreos 13:22

Chö̧jä̧hua̧tö̧, pi̧yȩ ppädäcuähuä huȩnȩ topö, cuami 'quicuhuächi'ätucua pä'ösä. Pi̧yȩ ji̧'qui̧cha̧nö̧tä̧ huȩyu̧tä̧ji̧sä̧.

Hebreos 13:24

Ucuturu huo̧juȩtä̧tö̧rö̧ o'ca toi'önärö'inä, o'ca toi'önä esetätörö'inä te'ähuätucui. Italia rȩjȩnä̧ ka̧cuä̧tö̧ ucuturu te'ähuätödo.

Hebreos 13:7

Ucuturu huo̧juȩtö̧ ppä'ädinätörö'inä, Dios i̧huȩnȩ ucuturu ji'ähuinätörö'inä cunichi'ätucuä'. Jahuätö ttö̧ji̧nö̧'a̧nö̧ amöcuädätucui. Ja̧'hua̧ta̧nö̧ jahuätö ttesetinö'a̧nö̧ esetö ka̧cuä̧tu̧cui̧.