Romanos 12:5 - TÄ̧DO Ä̧CUÄ̧ I̧HUȨNȨ

⁵ Ja̧'hua̧ta̧nö̧ ujutu recuätö ta'anä, ji̧nä̧ ji̧yȩtȩ huotöjä Cristonä. Ja̧'hua̧nö̧mä̧ i̧mi̧cu̧nä̧ amöcuädocotöjä.

Nuevo Testamento Uwotjüja

⁵ Ja̧'wa̧nü̧ jü̧ta̧'a̧nü̧, rekuätü ta'anä̧ ujutu'i̧nä̧ Crito-nä̧mä̧ ji̧nä̧ya̧tȩtä̧ wotüjä̧ ja̧'wa̧ta̧nü̧ kkorotükumä̧ todepätüjä̧.

Romanos 12:5 ပူးပေါင်းရင်းမြစ်များ

San Juan 17:11

“Jitä ttömä pi̧jä̧nä̧ ko̧cö̧sä̧. Jahuätötä pi̧jä̧nä̧ ttö̧ja̧cuä̧cuo̧tö̧. Ttömä ucucu chö̧ja̧ pä'ö chi̧chä̧cua̧sä̧. Adihuä Chä'o, ucutä cujurunä tta̧'ä̧ri̧tö̧ pitörö, ttörö cuiyinä̧u̧ru̧, ji̧nä̧ yo̧mȩtȩ adiunä ucucu, ttöcu ttö̧ja̧cuä̧cua̧'a̧nö̧.

Romanos 12:4

Ujutumä ya̧tȩtä̧ ja̧'a̧nä̧, tidepämä rö̧ȩnä̧ jähuä ja̧'a̧. Tidepä jö̧ a̧'u̧cuä̧ adita'a.

1 Corintios 10:17

Ujutumä tirecua'anä, o'ca toi'önä ji̧nä̧ ji̧si̧tȩttö̧ cuätöjä. Ja̧'hua̧nö̧ ja̧'a̧ttö̧ ujutumä o'ca toi'önä ji̧nä̧ ji̧yȩtȩ huotö pä'i'ätöjä.

1 Corintios 10:33

Ttömä 'cuäopönä jȩcha̧ pä'ösä o'ca toi'önä ttesehuäcua'anö̧. Ttötä chamönämä amöcuädäcuähuocösä. Korotörö amöcuädösä, jahuätö'inä ttesetäcuä'a̧nö̧.

1 Corintios 12:20

Ja̧'hua̧nö̧ ja̧'a̧ rö̧ȩnä̧ ja̧'a̧nä̧, ji̧nä̧ ji̧yȩtȩtä̧ ja̧'a̧do.

1 Corintios 6:15

¿Ucutu jerupätöjä tä̧ji̧? Ucutu jättäpäyotö Cristo jä̧ttä̧pä̧ya̧ pä'i'ätöjä. Ja̧'hua̧nö̧ ja̧'a̧ttö̧ Cristorö cheseta'attö, ja̧'a̧tä̧ra̧'a̧ huajuru jȩchä̧'cho̧mȩnä̧ ¿adihua'a tä̧ji̧? Isocö̧. Ja̧u̧mä̧ yoröiso surojödo.

Efesios 1:23

Iso päi'önä Diosrö esetätömä, Cristo jä̧ttä̧pä̧ya̧ päi'önä ka̧cuä̧tö̧jä̧. Chutä, Cristomä, suhuädi'önä kö̧ ujutu tami iso'quinä. Ja̧'hua̧ta̧nö̧ Cristomä o'ca juiyönä pi̧jä̧nä̧ suhuädi'önä kö̧.

Efesios 4:12

Ja̧'hua̧nö̧ iyinödo, i̧tti̧mö̧ aditö ppättäda pä'ö korotörö, Dios i̧huȩnȩ rö̧ä̧cha̧ pä'ö.

Efesios 4:25

Ja̧'hua̧nö̧ ja̧'a̧ttö̧ yapareu huȩnȩmä̧ jicuhuähuätucuä'. O'ca toi'önärö ucuocuätucui iso päi'önä huȩnȩ. Ujutu o'ca toi'önä ji̧nä̧ yotöte huotöjä.

Efesios 5:23

Ubomä irecua ku̧ru̧hua̧ päi'önä kö̧, Cristo Diosrö esetätörö Ttu̧ru̧hua̧ päi'önä ö̧jö̧ ta'anö. Ja̧u̧tä̧ Cristo, chutä jä̧ttä̧pä̧ya̧ huotö, Diosrö esetätö, suronä jȩttö̧ jȩpö̧ icu.

Efesios 5:30

Iso päi'önä Diosrö esetätömä Cristo jä̧ttä̧pä̧ya̧ huotö. Ujutu'inä idepä'inä ka̧'a̧nä̧, ihue'quiyu'inä ka̧cua̧'a̧nä̧, ja̧u̧ jä̧ttä̧pä̧ya̧ huotöjä ucutumä.

Colosenses 1:24

Jitä ucuturu ppä'ädö, eseunu ubara ttu'usä. Ttömä ja̧'hua̧nö̧ ubara ttudomenä, Cristo jä̧ttä̧pä̧ya̧ huotörö, churutä esetätörö, ppä'ädö ubara ttuhuinö ta'anö, ttö'inä ppä'ädö ubara ttu'usä.

Colosenses 2:19

Jahuätömä Cristorö esetocotö. Ja̧u̧ Cristo ujutu, chutä jä̧ttä̧pä̧ya̧ huotö, Tu̧ru̧hua̧ päi'önä kö̧. Ja̧u̧ tujuru iyö. Ja̧'hua̧ta̧nö̧ ji̧nä̧ yo̧mȩtȩ tö̧ja̧ pä'ö tta̧'ä̧rö̧, recuätö juotächa pä'ö. Ja̧'hua̧nö̧ jȩpö̧ Diosrö pä̧huä̧ rö̧jo̧mȩnä̧.