Romanos 12:18 - TÄ̧DO Ä̧CUÄ̧ I̧HUȨNȨ

¹⁸ O'ca juiyönä jȩcu̧'ä̧tu̧cu̧mä̧ jȩpä̧tu̧cui̧, korotöcu eseunu cu̧ja̧cuä̧tu̧cuä̧cua̧'a̧nö̧.

Nuevo Testamento Uwotjüja

¹⁸ Ukutu jȩ'kuä̧tu̧ku̧'a̧nü̧ jü̧mä̧, jȩpä̧tu̧kui̧, ttü̧ja̧ o'katoi'ünä̧ku̧ wȩnȩ juiyomȩnä̧.

Romanos 12:18 ပူးပေါင်းရင်းမြစ်များ

Hebreos 12:14

O'ca toi'önärö adiunä kä̧nö̧, eseunu cu̧ja̧cuä̧tu̧cua̧ja̧. Adiunä ttö̧ja̧cu̧ juiyöttömä, yoröiso topocotö ttäcuotödo Tu̧ru̧hua̧rö̧.

Romanos 14:19

Ja̧'hua̧nö̧ ja̧'a̧ttö̧ eseunu tusu'a̧nö̧ ja̧'a̧ adiu kä̧cuä̧huä̧, tesetö rö̧ä̧cha̧ pä'ö juhua'a yabocutä korotö korotönörö.

San Mateo 5:9

“Korotöcu eseunu ttö̧ja̧cua̧ pä'ö jȩpä̧tö̧mä̧, eseunu ttö̧ja̧cuä̧cuo̧tö̧. Dios pä̧cua̧ jahuätörötä “Chi̧tti̧mö̧jä̧.”

2 Corintios 13:11

Jitämä chö̧jä̧hua̧tö̧, Diosrö pä̧huä̧ rö̧jo̧mȩnä̧, adiu cu̧ja̧cuä̧tu̧cua̧ja̧. Esehuätucui. Ji̧nä̧ ji̧yȩtȩ amöcuädö ka̧cuä̧tu̧cui̧. Ja̧'hua̧nö̧ jȩpö̧ Dios, eseäcuähuä'inä, repeähuä'inä iyömä, ucutucu ö̧jä̧cua̧.

Gálatas 5:22

Ja̧'hua̧nö̧ ja̧'a̧nä̧ Espíritu Santo ujuturu iyömä repeäcuähuä, eseäcuähuä, tami iso'quinä eseäcuähuä, ta̧'cua̧ pö̧nö̧ jö̧, korotörö adiu ppädäcuähuä, ucuotäcuähuä, o'ca juiyönä yaparehuäcuähuä juiyönä jȩä̧cuä̧huä̧.

San Marcos 9:50

'Cäruäbö adiudo. Ja̧'hua̧nö̧ ja̧'a̧nä̧ 'cäruäbö ö̧nö̧ä̧ juiyöttömä, ¿tta̧'a̧nö̧ jä̧cua̧'a̧jä̧ttö̧? 'Cäruäbö ttu̧ju̧nä̧ra̧'a̧ jä̧'i̧nö̧'a̧nö̧ ku̧nä̧rä̧tu̧cui̧. Eseunu ka̧cuä̧tu̧cui̧ korotö korotönö, —pä'inödo Jesús.

1 Pedro 3:11

Surojöttö'inä rä'opächö, adiutä jȩpö̧. Ja̧'hua̧ta̧nö̧ adihuä juäi eseäcuähuä usäji'ca̧, eseunu kö̧.

2 Timoteo 2:22

Ucu, möäyotö ttamöcuädömä jaropi'i. Adiutä jȩpö̧ kä̧hui̧. Adiu esetö cuahuaruhuärö repe'i. Korotöcu adiu kä̧hui̧. Ja̧'hua̧nö̧ jȩpö̧ kä̧hui̧ o'ca toi'önä ttami iso'quinä adiu amöcuädö, Tu̧ru̧hua̧ i̧mi̧nä̧ esetö ucuocuätöcu.

Romanos 14:17

Dios hueömä ttu̧cuȩnä̧tä̧mä̧cö̧, ttaunätämäcö̧. Dios hueömä adiu jȩä̧cuä̧huä̧, tta̧'cua̧ adiu, tta̧'cua̧rö̧ eseu, Espíritu Santonä ttö̧jo̧mȩnä̧.

1 Tesalonicenses 5:13

Jahuätö ttaditähuä topö, ucuotönö repe'ätucui jahuätörö. Cua̧'cua̧ adiunä ka̧cuä̧tu̧cui̧ korotöcu.

Efesios 4:3

Ja̧'hua̧ta̧nö̧ Dios ucuturu eseäcuähuä iyinömä amöcuädö ji̧nä̧ yo̧mȩtȩ eseunu ka̧cuä̧tu̧cui̧, Espíritu Santo ppädomenä.

San Mateo 5:5

“Korotöttö'inä abonänö adihuä i̧sa̧sä̧ pä'ocotömä, eseunu ttö̧ja̧cuä̧cuo̧tö̧. Jahuätötä tti̧rȩjä̧, Dios iya päina'a ttȩmä̧cuo̧tö̧.

1 Corintios 7:15

Ja̧'hua̧nö̧ ja̧'a̧nä̧ ya̧tȩ Diosrö esetocömä, irecuarö jaroi'a päöttömä, huäinä jaropi'ö. Ja̧'hua̧ta̧nö̧ yajute Diosrö esetocojumä, kirecuorö jaroji'a päjöttömä, huäinä jaropi'äju. Ja̧u̧nu̧ Diosrö esetäjimä adiunä ö̧jä̧cua̧. Isaju'inä Diosrö esetäjäjumä adiunä kö̧jä̧cua̧ju̧. Iso päi'önä Dios huoinä̧u̧jä̧ ujutu adiu eseunu tö̧ja̧cua̧ pä'ö.

Romanos 1:15

Ja̧'hua̧nö̧ ja̧'a̧ttö̧ ttömä jo̧mȩ päi'önä kö̧sä̧ Dios adihuä i̧huȩnȩ jidähua pä'ö ucuturu'inä, Roma ötahuiyä ttö̧ja̧rö̧.