Romanos 12:12 - TÄ̧DO Ä̧CUÄ̧ I̧HUȨNȨ

¹² Eseunu ka̧cuä̧tu̧cui̧, esetönö tta̧cu̧huä̧rä̧tu̧cua̧. Ubara ttucuhuätucuomenä, cuami 'qui'ächi'ö ka̧cuä̧tu̧cui̧. Diosrö ucuocu ka̧cuä̧tu̧cui̧ 'cuäopönä.

Nuevo Testamento Uwotjüja

¹² Tta̧'a̧rü̧ kkä̧kuä̧wä̧nä̧ kkä̧nü̧ eseäkuäwätukui; usurä ȩmä̧wä̧kuä̧wä̧ yekuekuätukuä; yaboku 'kuäopünä̧ Dio-rü ukuokutä tätukui.

Romanos 12:12 ပူးပေါင်းရင်းမြစ်များ

San Mateo 5:12

Eseunu ka̧cuä̧tu̧cui̧. Dios mo̧ro̧jä̧ra̧'a̧ttö̧ i̧yä̧cuȩmä̧, cuȩmä̧cuo̧tö̧jä̧. Ja̧'hua̧ta̧nö̧ ucutu cuä'catucunä ka̧cui̧nä̧tö̧rö̧, Dios i̧huȩnȩ jiäcuähuä isotörö, suronä jȩpi̧nä̧tö̧do, —pä'ö huo̧juȩti̧nö̧do Jesús.

San Lucas 10:20

Ja̧'hua̧nö̧ ja̧'a̧nä̧ espíritus suropätörö huecuhuätucuomenä, ttesetöttö'inä cuesehuätucuä'. Esehuätucui cui̧mi̧tu̧cu̧mä̧ mo̧ro̧jä̧ra̧'a̧ huȩyu̧cua̧'a̧ ka̧'a̧ttö̧.

San Lucas 21:19

Cuami 'qui'ächi'ö cu̧ja̧cuä̧tu̧cu̧ttu̧mä̧, kä̧cuä̧huä̧ i'co cu̧ju̧nä̧rä̧cuo̧tö̧jä̧.

San Lucas 8:15

Ja̧'hua̧nö̧ ja̧'a̧nä̧ jacuä jähuä rȩjȩ adihuome ma̧ä̧chi̧nö̧mä̧, korotö Dios i̧huȩnȩ ttami iso'quinä adiu ä̧ju̧cu̧, Dios i̧huȩnȩ päö ta'anö jȩpä̧tö̧ jä̧'i̧nö̧'a̧nö̧ huotö. Ja̧'hua̧ta̧nö̧ adihuä juäinätä cue'ächö, u̧huä̧ju̧ adiu huȩjä̧u̧.

Hechos 1:14

Jahuätö Jesús hue'ähuotö o'ca toi'önä ca̧ca̧cuä̧rö̧ Diosrö ucuocuinätödo nä̧tö̧cu̧, Jesús ja̧ju̧ Maríacu, Jesús ö̧jä̧hua̧tö̧cu̧.

Hechos 12:5

Ja̧'hua̧ ja̧'a̧ Pedrorö cärenä päcuähuodenä tta̧ttä̧ra̧'a̧nä̧, iglesia ruhuämä Diosrö 'cuäopönä juruhuächi'ö ucuocuinätödo.

Hechos 2:42

Jesús hue'ähuotö ttu̧huo̧juȩti̧nö̧mä̧ ttä̧ju̧cua̧ pä'ö, korotö Jesucristorö esetätöcu ji̧nä̧ yo̧mȩtȩ ca̧ca̧cui̧pä̧'i̧jä̧tö̧. Ji̧nä̧ yo̧mȩtȩ ca̧ca̧cu̧, ttu̧cuȩ cuä'ijätö. Ji̧nä̧ yo̧mȩtȩ Diosrö ucuocuä'ijätö.

Hechos 6:4

Ujutu 'cuäopönä Diosrö tucuocuäcuotöjä. I̧huȩnȩ'i̧nä̧ huo̧juȩtö̧ jitähuäcuotöjä, —pä'inätödo Jesús hue'ähuotö.

Romanos 15:13

Dios, ta̧'cua̧ tu̧huȩnä̧ra̧ pä'ö iyömä, ucuturu suhuädi'önä iyäcua'a̧nö̧ eseäcuähuä'inä, cua̧'cua̧ adiu kä̧cuä̧huä̧'i̧nä̧, ja̧u̧ru̧ cuesetätucuomenä. Ja̧'hua̧ta̧nö̧ Espíritu Santo ujurunä cua̧'cua̧ cu̧huȩnä̧rä̧cuä̧huä̧ rö̧ȩnä̧ juoächö'a̧nö̧ ucuturu.

Romanos 15:4

O'ca juiyönä täbocö Huȩyu̧cuä̧ Huȩnȩ jiäumä, ujuturu huo̧juȩtö̧ huȩyu̧cua̧'a̧, ta̧'cua̧ pö̧nö̧ tö̧ja̧ pä'ö, Dios i̧huȩnȩ ppädäcuähuänä eseunu tta̧tä̧ra̧ pä'ö.

Romanos 2:7

Korotö, adihuä juäi jȩpä̧tö̧rö̧, eseäcuähuä usätörö, ucuotäcuähuä usätörö, tta̧'cua̧rö̧ yoröiso beipächocö usätörö, jahuätörö Dios i̧yä̧cua̧ kä̧cuä̧huä̧ i'co.

Romanos 8:25

Ji̧nä̧ totoca'anä tta̧tä̧rö̧mä̧ tami 'qui'ächi'ö tta̧tä̧rö̧'a̧nö̧ ja̧'a̧.

1 Corintios 13:13

Ja̧'hua̧nö̧ ja̧'a̧ttö̧ adiu esetäcuähuä'inä, Diosrö tta̧huä̧rä̧cuä̧huä̧'i̧nä̧, ttahuaruhuärö repeähuä'inä yoröiso beipocö. 'Cuäopönä kä̧cua̧'a̧. Juhuorö'inä ttahuaruhuärö repeähuämä korottö'inä abonänö adihua'a.

2 Corintios 12:8

Huäbodäcuänä päi'önä jä'epinösä Chu̧ru̧hua̧rö̧ ja̧u̧ ubara jȩpö̧ icuattö pä'ö.

Filipenses 3:1

Jitämä chö̧jä̧hua̧tö̧, esehuätucui Tu̧ru̧hua̧nä̧. Pä'äji chi̧huȩyu̧ti̧nö̧ ucuturu, jitä'inä pä'äji ta'anö chi̧huȩyu̧ta̧ pä'ö 'cuä'ächi'ocösä. Iso päi'önä adiu päa'a ucuturu.

Filipenses 4:4

Tu̧ru̧hua̧ i̧mi̧nä̧ 'cuäopönä eseäcuähuätucui. Pä'äji ta'anö ji'äusä: ¡Eseäcuähuätucui!

Colosenses 1:11

Ucutu cujuruhuätucua pä'ätöjä chutä adihuä ujurunä, o'ca juiyönä eseunu tta̧'ä̧rö̧ cuami 'qui'ächi'ö cu̧ja̧cuä̧tu̧cuä̧cua̧'a̧nö̧.

Colosenses 1:27

Dios judíos huocotörö ja̧u̧ ttieru huȩnȩ, adiu eseäcuähuä huȩnȩ, jiähua pä'inö. Pa̧'a̧nö̧ päa'a ja̧u̧ huȩnȩ: “Cristomä cuami iso'quinä kö̧. Ja̧u̧ru̧ tta̧'ä̧rö̧ ja̧u̧tä̧cu̧ cuesehuäcuähuäcuotöjä pä'ö.”

Colosenses 4:12

Epafras'inä, ucutu i̧sa̧, te'äu ucuturu. Ja̧u̧'i̧nä̧ Cristocu aditö. Ja̧u̧mä̧ 'cuäopönä ucuocu Diosrö ucuturu, cuami 'qui'ächi'ö kä̧nö̧, o'ca juiyönä Diosrö pä̧huä̧ rö̧jö̧ jȩpö̧ cu̧ja̧cuä̧tu̧cua̧ pä'ö.

Colosenses 4:2

'Cuäopönä mo̧ro̧ji̧nö̧ a̧'u̧cuä̧ ucuocuätucui Diosrö. Ja̧'hua̧ta̧nö̧ eseunu ucuocu tta̧'ä̧rä̧tu̧cui̧ ja̧u̧ru̧tä̧.

1 Tesalonicenses 1:3

Tä'o Dios ä'ca jo̧mȩttö̧ amöcuädätöjä ucutu Diosrö adiu esetö cuaditätucua'a. Ja̧'hua̧ta̧nö̧ ucutu cuahuaruhuärö adiu repe'ö cuaditätucua'a amöcuädätöjä. Ja̧'hua̧ta̧nö̧ cuami 'qui'ächi'ö kä̧nö̧, Tu̧ru̧hua̧ Jesucristorö adiu tta̧cu̧huä̧rä̧tu̧cua̧'a̧ amöcuädätöjä.

1 Tesalonicenses 5:8

Ja̧'hua̧nö̧ ja̧'a̧nä̧ ujutu, mo̧ro̧ i̧tti̧mö̧mä̧, adiu tamöcuädö'a̧nö̧ ja̧'a̧. Su̧ro̧da̧u̧ i̧sa̧ amöcanä 'quiyö juäi ö̧'ca̧tä̧hua̧'a̧ jä̧'i̧nö̧'a̧nö̧, ujutu'inä Diosrö adiu esetö, tahuaruhuärö repe'ö jȩtö̧'a̧nö̧ ja̧'a̧. Ja̧'hua̧ta̧nö̧ su̧ro̧da̧u̧ i̧sa̧ unä 'quiyö juäi u̧huä̧nä̧hua̧'a̧ jä̧'i̧nö̧'a̧nö̧, ujutu'inä suronä jȩtö̧ jȩpö̧ icuatö pä'ö, Diosrö tta̧tä̧rö̧'a̧nö̧ ja̧'a̧.

2 Tesalonicenses 1:4

Ja̧'hua̧nö̧ jȩcu̧'ä̧tu̧cua̧'a̧ totomenä, korome iglesia ruhuärö eseunu ji'ähuätöjä ucuturu. Ucuturu suronä jȩpö̧ ubara ttucuhuätucuomenä, cuami 'qui'ächi'ö cu̧ja̧cuä̧tu̧cu̧'i̧nä̧, Diosrö cuesetätucu'inä ji'ähuätöjä.

2 Tesalonicenses 3:5

Diosttö repeähuä cu̧ju̧nä̧rä̧tu̧cua̧ pä'ö ppädäcua'a̧nö̧ Tu̧ru̧hua̧. Cristottö ttami 'qui'ächi'ö kä̧cuä̧huä̧ iyäcua'a̧nö̧ ucuturu Tu̧ru̧hua̧.

1 Timoteo 6:11

Ja̧'hua̧nö̧ ja̧'a̧nä̧ ucu Dios huȩ'ä̧hua̧jä̧. Ja̧u̧ juäi surojöttö tö'ipächi. Adihuä juäitä jȩpö̧ kä̧hui̧. Diosrötä eseunu ucuocui. Adiu eseti. Cuahuaruhuärö repe'i. Cuami 'qui'ächi'ö kä̧hui̧. Korotörö adiu amöcuädö kä̧hui̧.

2 Timoteo 3:10

Ja̧'hua̧nö̧ ja̧'a̧nä̧ ucu ttö chu̧huo̧juȩtö̧ ta'anö jȩpö̧jä̧. Chö̧jö̧'i̧nä̧, jidäu'inä huo̧jua̧jä̧. Ja̧'hua̧ta̧nö̧ chesetö'inä, chami 'quidächi'ö'inä, repedö'inä huo̧jua̧jä̧. Ja̧'hua̧ta̧nö̧ ttörö suronä jȩtto̧mȩnä̧, ubara ttu'u jarochi'oca'a'inä huo̧jua̧jä̧. Antioquía ötahuiyättö'inä, Iconio ötahuiyättö'inä, Listra ötahuiyättö'inä ttörö 'cuäopinö huo̧jua̧jä̧. Juhua'attö suronä jȩtto̧mȩnä̧, ubara ttudinömä huo̧jua̧jä̧. Ja̧'hua̧nö̧ ja̧'a̧nä̧ Tu̧ru̧hua̧ ttörö ppä'ädinö, ja̧u̧ ubara ttudomenä.

Tito 2:13

Ja̧'hua̧ta̧nö̧ Dios adihuä juäi iya päinömä, chutä Dioscu, Tu̧ru̧hua̧ Jesucristocu ttujurunä ttichä̧cuȩ mo̧ro̧ tta̧tä̧ra̧ pä'ö huo̧juȩta̧'a̧.

Tito 3:7

Chutä ppäda'attö, i̧tti̧mö̧jä̧. Ja̧'hua̧nö̧ ja̧'a̧ kä̧cuä̧huä̧ i'co tta̧tä̧rö̧mä̧ i̧yä̧cua̧ ujuturu.

Hebreos 10:32

Ja̧'hua̧nö̧ ja̧'a̧nä̧ pä'äji tȩa̧u̧ jareönä cuesetätucuomenä, rö̧ȩnä̧ rohuäu kä̧nö̧, cuami 'qui'ächö ubara ttucuhuinätucumä amöcuädätucui.

Hebreos 10:36

Ucutumä Diosrö pä̧huä̧ rö̧jo̧mȩnä̧ jȩcu̧'ä̧tu̧cua̧ pä'ö, cuami 'quicuhuächi'ätucu'a̧nö̧ ja̧'a̧. Ja̧'hua̧nö̧ jȩpö̧, Dios iya päinömä cuȩmä̧cuo̧tö̧jä̧.

Hebreos 12:1

Ja̧'hua̧nö̧ ja̧'a̧ttö̧ ujutu tä̧do̧tö̧ mi̧nä̧, recuätö ja̧'hua̧nö̧ rö̧ȩnä̧ ttesetina'a amöcuädö, o'ca juiyönä ta̧mö̧cuä̧rö̧'i̧nä̧, suronä jȩtö̧ ujuturu 'chu̧huä̧rö̧'i̧nä̧, pporädö icu, tami 'qui'ächi'ö kä̧nö̧, juhua'a yabonö adiu jotätucuaja.

Hebreos 3:6

Ja̧'hua̧nö̧ ja̧'a̧nä̧ ya̧tȩ i̧tti̧ ahuaruhuärö adiu jȩö̧'a̧nö̧, adiu jȩpö̧ Cristomä Dios i̧tti̧mö̧rö̧. Adiunä röji mo̧ro̧ päi'ome jubö cä'ädö, eseunu tami 'qui'ächi'önö churutä tta̧tä̧rö̧ttö̧mä̧, Dios i̧tti̧mö̧ päti'äcuotöjä.

Hebreos 5:7

Cristo pi̧jä̧nä̧ ö̧jä̧i̧, juruhuächi'ö ajuäunu, Diosrö jä'epö ucuocuinödo. Diosrö, 'corupäi'äcuähuä jȩpö̧ icu'a̧nö̧ hua̧rö̧, ajuäunu i̧huȩnȩ pä̧i̧cu̧nä̧ ucuocu jä'epinödo. Ja̧'hua̧nö̧ ucuotönö jäepomenä, Dios ä̧ju̧cui̧nö̧do.

Hebreos 6:12

Kö'cocotöjä cutähuätucuttumä. Dios adihuä juäi iya päinö Diosrö esetö ttami 'qui'ächi'önö ȩmö̧ jȩttö̧'a̧nö̧, ucutu'inä jȩcu̧'ä̧tu̧cua̧ pä'ätöjä.

Hebreos 6:15

Abraham ami 'qui'ächi'ö tta̧'ä̧ri̧nö̧do. Ja̧'hua̧nö̧ tta̧huä̧ro̧mȩnä̧, Dios iya päinömä ȩmi̧nö̧do.

Santiago 5:7

Ja̧'hua̧nö̧ ja̧'a̧ttö̧ cuami 'qui'ächi'ö ka̧cuä̧tu̧cui̧, chö̧jä̧hua̧tö̧, Tu̧ru̧hua̧ ichome jubö päi'önä. Ku̧nä̧huä̧ ru̧hua̧mä̧, cuähuä u̧ju̧na̧ pä'ömä, ami 'qui'ächi'ö tta̧'ä̧rö̧ ajiya ichome jubö päi'önä.

1 Pedro 4:13

Pärocua'acu, Cristo ubara ttuhuinö'a̧nö̧ ubara ttu'u, cua̧'cua̧ tta̧cu̧huȩcuä̧tu̧cuo̧mȩnä̧, Cristo ichö mo̧ro̧ rö̧ȩnä̧ cuesehuätucuäcua'a amöcuädö esehuäcuähuätucui.

1 Pedro 4:7

O'ca juiyö beipächäcuome tö'cöhuächa'ado. Ja̧'hua̧nö̧ ja̧'a̧ttö̧ cua̧'cua̧ pö̧nö̧ ka̧cuä̧tu̧cui̧. Adiunä Diosrö amöcuädö ucuocu ka̧cuä̧tu̧cui̧.

2 Pedro 1:6

Ja̧'hua̧ta̧nö̧ ä̧ju̧cu̧ kä̧nö̧, cuamönätucu cuamöcuädätucutä jȩcu̧'ä̧tu̧cuo̧ca̧'a̧, cuami 'quicuhuächi'ätucuaja. Ja̧'hua̧ta̧nö̧ cuami 'qui'ächi'ö kä̧nö̧, Diosrö eseunu cucuocuätucuaja.

Apocalipsis 13:10

Korotömä korotörö cärenä ttö̧'a̧ pä'ö ȩpä̧tö̧mä̧, jitötä'inä cärenä ttö̧'ä̧cuo̧tö̧. Korotömä korotörö curodänä cuä'ö icuätömä, ja̧'hua̧ta̧nö̧ curodänä cuä'ö tticuäcuotö jahuätörö. Ja̧'hua̧nö̧ ja̧'a̧ttö̧ Dios i̧tti̧mö̧mä̧ ttami 'quittächi'ö'a̧nö̧ ja̧'a̧. Ja̧'hua̧ta̧nö̧ adiunä ttesetö'a̧nö̧ ja̧'a̧.