Romanos 11:18 - TÄ̧DO Ä̧CUÄ̧ I̧HUȨNȨ

¹⁸ Cuamöcuädäcuähuä' “Judíos ttö̧ja̧ttö̧'i̧nä̧ abonänö adihuä i̧sa̧sä̧” pä'ömä. Ja̧'hua̧nö̧ cuamöcuädöttömä, amöcuädi ucuttu ko̧cö̧ dau ujupo'tämä. Dau ujupo'tä jähuänä kö̧jä̧ ucutä.

Nuevo Testamento Uwotjüja

¹⁸ Ja̧'wa̧nü̧ ja̧'a̧nä̧ juätü judío-ttü'i̧nä̧ abonä̧nü̧ wotüjä̧ pä'ümä̧ kuesewätukuä. Amükuädätukui ukutumä̧ jua̧u̧ kkä̧kuä̧wä̧ kuȩmi̧nä̧tu̧ku̧mä̧, juätüttütä ȩmi̧nä̧tü̧jä̧, ukututtütämä̧ kuȩmä̧tu̧kuo̧kü̧ ji̧nü̧.

Romanos 11:18 ပူးပေါင်းရင်းမြစ်များ

San Mateo 26:33

Ja̧'hua̧ ja̧'a̧ttö̧ Pedro ädätinödo: —O'ca toi'önä ucuru jarotti'öttö'inä, ttömä jaropi'ocösä.

San Juan 10:16

Ja̧'hua̧ta̧nö̧ korotö chä̧ji̧mö̧ o̧vȩja̧stö̧ i̧so̧ca̧nä̧ ka̧cuo̧co̧tö̧do. Jahuätörö ȩmö̧ chi̧'chä̧cua̧sä̧. Ttö pädömä jȩttä̧cuo̧tö̧. Ja̧'hua̧nö̧ ja̧'a̧nä̧ o'ca toi'önä o̧vȩja̧stö̧ ji̧nä̧ yo̧mȩtȩ ttö̧ja̧cuä̧cuo̧tö̧. Ja̧'hua̧ta̧nö̧ ya̧tȩtä̧ adihuä tta̧huä̧rä̧cuä̧huä̧ i̧sa̧ ö̧jä̧cua̧.

San Juan 4:22

Ucutumä, Samaria ttö̧ja̧mä̧, cua̧'cua̧ cu̧huȩnä̧rä̧tu̧cu̧mä̧ jerupätöjä. Ujutumä ta̧'cua̧ tu̧huȩnä̧rö̧mä̧ iso päi'önä huo̧juä̧tö̧jä̧. Iso päi'önä ttö̧ja̧ suronä jȩttö̧ jȩpö̧ icuähuä, judíos ttö̧ja̧ttö̧ räopa'a.

Hechos 25:7

Pablo ichi'omenä, judíos ttö̧ja̧ Jerusalén ötahuiyättö ichäjätömä Pablorö so̧bo̧cuä̧ päi'önä kä̧mä̧di̧nä̧tö̧do. Suronä jȩi̧nö̧mä̧ rö̧ȩnä̧ huȩnȩtö̧ ucuocuinätödo. Ja̧'hua̧nö̧ ja̧'a̧nä̧'i̧nä̧ suronä jȩi̧nö̧ topinätömä yoröiso toina'ado.

Romanos 11:20

Ja̧'hua̧nö̧ päcuhuomenä, adihua'a. Ja̧'hua̧nö̧ ja̧'a̧nä̧ jitötä ttesetö juiya'attö, 'quȩ'ȩpi̧nö̧ Dios. Ucu cueseta'attö, kö̧jä̧. Ja̧'hua̧ ja̧'a̧ttö̧ “Adiunä hua̧sä̧” pä'ömä, cuamöcuädäcuähuä'. Ttu̧ȩcuä̧nä̧tä̧ kä̧hui̧.

Romanos 3:27

Ja̧'hua̧ ja̧'a̧ttö̧, ¿tta̧'a̧nö̧ pä'ö tamönä huotäcuähua'ajä̧ttö̧ ujutumä? Juiya'a. ¿Dä̧bö̧ juiya'attö? Hueähuä huȩnȩ hueö ta'anö jȩta̧'a̧ttö̧ ¿juiya'a tä̧ji̧? Isocö̧. Tamönä huoäcuähuämä jui'ätöjä Jesucristorö teseta'attö.

Romanos 4:16

Dios iya pä'ö amöcuädinömä, churutä esetäcuähuänätä iyö. Ja̧u̧ mippoönä iya pä'inö o'ca toi'önä Abraham i̧tti̧mö̧ isotörö, Moisés hueähuä huȩnȩ jȩpä̧tö̧rö̧'i̧nä̧, Abraham esetinö ta'anö esetätörö'inä. Ja̧'hua̧nö̧ ja̧'a̧ttö̧ ja̧u̧ Abraham ujutu tä'o ja̧'a̧, o'ca toi'önä esetätömä.

1 Corintios 10:12

Ja̧'hua̧nö̧ ja̧'a̧ttö̧ ya̧tȩ “Ttömä adiunä 'quiyönä kä̧nö̧ esetösä” pä'ömä, ttu̧ȩcuä̧nä̧tä̧ amöcuädäcua'a̧nö̧, suronä jȩö̧ juiya pä'ö.

Gálatas 3:29

Iso päi'önä Cristorö cuesetätucuttumä, Abraham mi̧nä̧ isotö isotöjä. Ja̧'hua̧ta̧nö̧ o'ca juiyönä Dios iya päinömä cuȩmä̧cuo̧tö̧jä̧.