Romanos 11:11 - TÄ̧DO Ä̧CUÄ̧ I̧HUȨNȨ

¹¹ Jitä pä'ösä: ¿'Tö̧'ȩpö̧ ma̧tto̧mȩnä̧, Israel ttö̧ja̧ päcua'a päi'önä to'e'inätö tä̧ji̧? Tta̧'a̧huä̧jä̧. Päcua'a päi'önämäcö̧. Judíos ttö̧ja̧ ttöarodä'chomenä, judíos huocotörö Dios ȩmi̧nö̧, judíos ttö̧ja̧ topö tteseta pä'ö.

Nuevo Testamento Uwotjüja

¹¹ Ja̧'wa̧ta̧nü̧ pä'üsä: ¿Irae ttü̧ja̧ ma̧ttä̧chü̧nä̧ ttoepina̧'a̧mä̧, jo̧mȩnü̧tä̧ ma̧'ä̧chi̧nä̧tü̧? ¡Ja̧'wa̧nü̧mä̧kü̧! ja̧'wa̧nü̧ ja̧'a̧nä̧, juätü ttukuotoka'a ji̧na̧'a̧mä̧ judío pokotürü surojüttü kki̧'i̧kuä̧ rȩbȩä̧kuä̧wi̧na̧'a̧, judío ttä'kuoyäwuönä̧.

Romanos 11:11 ပူးပေါင်းရင်းမြစ်များ

San Lucas 20:16

Ichi'ö cuä'ö i̧cuä̧cua̧ jahuätö adicuä ttö̧ja̧rö̧. Pättamä korotörötä huȩä̧cua̧. Jesús ja̧'hua̧nö̧ jiähua'a ä̧ju̧cui̧nä̧tö̧mä̧ pä'inätödo: —Dios ja̧'hua̧nö̧ amöcuädö juiyöto pä'ätöjä, —pä'inätödo.

Hechos 13:42

Pablocu, ahuaruhuäcu judíos ttu̧huo̧jui̧'i̧nodettö rättopomenä, judíos huocotö jä'epinätödo ja̧u̧tä̧ huȩnȩ pä'äji ta'anö jittähuatö pä'ö koronö pä'äji ta'anö ttö̧ja̧ 'cuättächi'ö mo̧ro̧ päi'omenä.

Hechos 18:6

Ja̧'hua̧nö̧ päomenä, jahuätö judíos ttö̧ja̧ kö'cocotö pi̧nä̧tö̧do. Ja̧'hua̧nö̧ ja̧'a̧ttö̧ suronä ucuocuinätödo. Pablo ö̧'ca̧tä̧huä̧ta̧ yȩ'ȩcu̧ icu ädätinödo: —Ttömä “Jarodätucui” pä'ocösä. Ucututä cuhuarodätucua'attö tocu'e'äcuotöjä. Jitämä judíos huocotörö ji̧dä̧huä̧cua̧sä̧.

Romanos 10:19

Pä'äji ta'anö jä'epösä: ¿Israel ttö̧ja̧mä̧ jerupinätö tä̧ji̧? Äcuomenä Moisés pä'inö: Ucuturu jȩchä̧cua̧sä̧ a'cuoyäunu cuamöcuädätucua pä'ö korotö ttö̧ja̧rö̧. Ja̧'hua̧ta̧nö̧ ucuturu jȩchä̧cua̧sä̧ cu̧ra̧huä̧rä̧tu̧cua̧ pä'ö korotö jerupätörö.

Romanos 11:1

Jitä jä'epösä: ¿Dios jaropi'inö tä̧ji̧ umöhuäyotö Israel ttö̧ja̧rö̧? ¡Yoröiso ja̧'hua̧nö̧ jaropi'ocö pi̧nö̧! Ttötäsä Israel ttö̧ja̧ i̧sa̧mä̧. Abraham isotö i̧sa̧sä̧. Benjamín isotö i̧sa̧sä̧.

Romanos 11:12

Judíos ttö̧ja̧ ttöarodömä adiu ji̧na̧'a̧ korotö pi̧jä̧ ttö̧ja̧rö̧. Ja̧'hua̧ta̧nö̧ judíos ttö̧ja̧ totte'i'ömä adiu ji̧na̧'a̧ korotö judíos huocotörö. Ja̧'hua̧ ja̧'a̧ttö̧ ja̧u̧ttu̧'i̧nä̧ abonänö adihuäcua'a, o'ca toi'önä judíos ttö̧ja̧ ttesetomenä.

Romanos 11:14

Ttö chahuaruhuä judíos ttö̧ja̧ttö̧ ya̧cu̧nä̧ ji̧yȩtä̧ a̧'u̧cuä̧ jȩtta̧ pä'ösä, ucutu jȩcu̧'ä̧tu̧cu̧ ta'anö. Ja̧'hua̧nö̧ topö ttesetomenä, Dios ȩmä̧cua̧'a̧nö̧ jahuätörö.

Romanos 11:31

Jitä judíos ttö̧ja̧'i̧nä̧ jarode'ätö. Jahuätö ja̧'hua̧nö̧ jarode'ätö Dios jahuätörö re rö̧jö̧nä̧ toatö pä'ö, ucuturu toinö ta'anö.