Romanos 10:9 - TÄ̧DO Ä̧CUÄ̧ I̧HUȨNȨ

⁹ Ucu cuättö “Jesúsmä Chu̧ru̧hua̧” päcuttumä, Dios Jesucristorö hua'arettö tto'ädinö cuami iso'quittö cuesetöttömä, Dios ucuru ȩmä̧cua̧.

Nuevo Testamento Uwotjüja

⁹ Isopäi'ünä̧ Jesú-mä̧ Chu̧ru̧wa̧ ja̧'a̧, kuänä̧ päkuttümä̧ ja̧'wa̧ta̧nü̧ Dio-mä̧ wa'arettü'i̧nä̧ tto'ädinä̧kü̧ pä'ü kua̧mi̧'iso'kinä̧ kuesetüttümä̧, ra̧wä̧pi̧jü̧ttü̧mä̧ ku̧ji̧pä̧kua̧jä̧.

Romanos 10:9 ပူးပေါင်းရင်းမြစ်များ

San Lucas 12:8

“Ttö pä'ösä ucuturu, o'ca toi'önä korotö ttä'ca jo̧mȩttö̧ ttörö adiu ucuocuätömä, jahuätörö adiu u̧cuo̧cuä̧cua̧ Ubo I̧tti̧ Dios umöhuäyotö ángeles ttä'ca jo̧mȩttö̧.

San Juan 9:22

Jä'o'inä, ja̧ju̧'i̧nä̧ judíos ttö̧ja̧rö̧ ye'ecu, ja̧'hua̧nö̧mä̧ pä'inätödo. Jahuätö judíos ttö̧ja̧ ä'canä ji̧nä̧ yo̧mȩtȩ amöcuädö, pä'inätödo: —Ya̧tȩ Jesús iso päi'önä Cristodo pä'örömä, judíos ttu̧huo̧jui̧'i̧nodettö i̧mi̧cu̧nä̧ 'quȩ'ȩpö̧ ticuäcuotöjä.

Hechos 16:31

Ja̧'hua̧nö̧ jäepomenä, ädätinätödo: —Tu̧ru̧hua̧ Jesucristorö eseti. Ja̧u̧ru̧ cuesetomenä, suronä jȩcu̧'u̧ jȩpö̧ i̧cuä̧cua̧ Diosmä, ucuru'inä, cuahuaruhuärö'inä.

Hechos 2:24

Ja̧'hua̧nö̧ ja̧'a̧ Dios ja̧u̧ru̧ tto'ädinö. Hua'arettö rä'epö icuinö, hua'are ja̧u̧ru̧ juruhuoca'attö.

Hechos 2:32

Ja̧u̧tä̧ Jesúsru tto'ädinö Diosmä. Tto'ächinörö topinätö'cotö ji'ähuätöjä ujutu o'ca toi'önä.

Hechos 8:36

Dubora iso'u 'cuättopomenä, ruhuaju kippeyä ru̧hua̧ pä'inödo: —Pȩnȩ iso'u ra̧'a̧. Ttö bautizado pädi'a pä̧huä̧ rö̧jä̧cu̧sä̧.

Romanos 10:10

Ttami iso'quinä esetätörö, Dios jȩpö̧ chutäcu ji̧nä̧ ji̧yȩtȩ huotö tta pä'ö. Ja̧'hua̧ta̧nö̧ ttänä ji'ähuätörö, Dios ȩmö̧.

Romanos 14:11

Huȩyu̧cuä̧ Huȩnȩ päa'a: Tu̧ru̧hua̧ pä'ödo, Ttö iso päi'önä pä'ösä o'ca toi'önä chä'ca jo̧mȩ ttihue'quiyunä ttö̧jä̧mä̧dä̧cuo̧tö̧. Ja̧'hua̧ta̧nö̧ o'ca toi'önä pättäcuotö, “Ucu Diosjä.”

Romanos 14:9

Cristomä 'corupä'i'äji'ca̧ tto'ächinö, hua'ö icuinätö'inä, a̧'cua̧rä̧tö̧'i̧nä̧ Ttu̧ru̧hua̧ päi'önä ö̧ja̧ pä'ö.

Romanos 4:24

Ujuturu'inä huȩyu̧cua̧'a̧. Ujutu Diosrö tesetomenä, Dios ujuturu jȩpö̧ chutäcu ji̧nä̧ ji̧yȩtȩ huotö ta pä'ö. Dios ja̧'hua̧nö̧ jȩpö̧ ujuturu, Tu̧ru̧hua̧ Jesús ttoädinö huȩnȩ teseta'attö.

Romanos 8:34

¿Dijä̧ttö̧ jahuätörö tä̧bo̧tö̧mä̧? Cristo 'corupäi'äji o'ca'a, Dios ttoädinäcu. Ja̧'hua̧ta̧nö̧ Cristo Dios u̧huo̧jua̧'a̧nä̧ pö̧, Diosrö ucuocu ujuturu.

1 Corintios 12:3

Ja̧'hua̧ ja̧'a̧ cu̧huo̧juä̧tu̧cua̧ pä'ösä. Ya̧tȩ päöttömä: “Jesúsmä su̧ro̧pa̧”, ja̧u̧mä̧ Espíritu Santo ujurunä ucuocuocö. Ja̧'hua̧ta̧nö̧ ya̧tȩ päöttömä: “Jesúsmä ttö Chu̧ru̧hua̧”, ja̧u̧mä̧ iso päi'önä Espíritu Santo ujurunä ucuocu.

Filipenses 2:11

Ja̧'hua̧ta̧nö̧ o'ca toi'önä ttättö'inä jittähuäcuotö Jesucristomä Tu̧ru̧hua̧ ja̧'a̧ pä'ö. Iso päi'önä Tä'o Diosrö ttucuotäcua'a̧nö̧.

1 Pedro 1:21

Ucutumä Cristorö esetö kä̧nö̧, esetätöjä Diosrö. Ja̧u̧tä̧ Dios Cristorö, 'corupä'i'äjirö, tto'ädinö. Ja̧'hua̧ta̧nö̧ o'ca toi'önä ttucuotarö pä'ö hue'inö. Ja̧'hua̧nö̧ ja̧'a̧ttö̧ ucutu Diosrö amöcuädö tta̧'ä̧rä̧tö̧jä̧.

1 Juan 4:15

Jesúsmä Dios I̧tti̧ ja̧'a̧ pä'ö ji'ähuätöcu kö̧ Diosmä. Jahuätötä Dioscu ka̧cuä̧tö̧.

2 Juan 1:7

Ja̧'hua̧ ja̧'a̧ recuätö yapareu ji'ähuätö pi̧jä̧nä̧ ka̧cuä̧tö̧. Jahuätö “Jesucristo ubo jö̧nä̧ ichinö” pä'ocotö. Ja̧'hua̧nö̧ jȩpö̧mä̧ yaparehua̧. Ja̧u̧mä̧ Cristo a̧bo̧i̧ya̧.