Romanos 10:6 - TÄ̧DO Ä̧CUÄ̧ I̧HUȨNȨ

⁶ Ja̧'hua̧ta̧nö̧ Huȩyu̧cuä̧ Huȩnȩ päa'a korotörö, Diosrö esetö chutäcu ji̧nä̧ ji̧yȩtȩ huotö tta pä'ö jȩpä̧tö̧rö̧: “Cuami iso'quinä päcuhuä': ¿Dijä̧ttö̧ 'cha̧huä̧chä̧cua̧mä̧ mo̧ro̧jä̧ra̧'a̧?” Ja̧'hua̧nö̧ pädomenä, Cristorö i'cächa pä'örö pä'ösä.

Nuevo Testamento Uwotjüja

⁶ Ja̧'wa̧nü̧ ja̧'a̧nä̧ Dio-rü tta̧'kua̧ wȩnä̧rü̧ adiwä jueiku pärowächäkuäwämä̧, pa̧'a̧nü̧ pä'a: «Kua̧mi̧'iso'kinä̧mä̧, kuamükuädä ¿dí jä̧kua̧'a̧jä̧ttü̧ mo̧ro̧jä̧ra̧'a̧ 'cha̧wä̧chä̧kua̧mä̧, pä'ümä̧?» —Jua̧u̧ pä'ümä̧, Crito-rü mȩyȩdü̧ iku päwä ja̧'a̧—;

Romanos 10:6 ပူးပေါင်းရင်းမြစ်များ

San Juan 6:33

I̧ri̧si̧mä̧, Dios iyömä, mo̧ro̧jä̧ra̧'a̧ttö̧ mȩyȩhui̧nö̧do. Ja̧u̧mä̧ pi̧jä̧ ttö̧ja̧rö̧ kä̧cuä̧huä̧ iyö.

San Juan 6:38

Ttötä chamönä pä̧huä̧ rö̧jö̧tä̧ jȩcha̧ pä'ö ichocö pi̧nö̧sä̧ mo̧ro̧jä̧ra̧'a̧ttö̧. Ttörö hue'inörö pä̧huä̧ rö̧jö̧tä̧ jȩcha̧ pä'ö ichinösä.

San Juan 6:58

Ttö i̧ri̧si̧ mo̧ro̧jä̧ra̧'a̧ttö̧ mȩyȩhui̧nö̧mä̧ pä'ösä. Ucutu cuä̧do̧tö̧ mi̧nä̧ de'anä kä̧nö̧, i̧ri̧si̧ ttucuinä̧si̧'a̧nö̧mä̧ pä'ocösä. Ja̧u̧ i̧ri̧si̧ttö̧ ttucuomenä, o'ca toi'önä hua'ö icuinätödo. Ttö pädäjittö cumä, 'cuäopönä ö̧jä̧cua̧, —pä'inödo Jesús.

Romanos 3:22

Dios ttö̧ja̧rö̧ jȩpö̧ ja̧u̧cu̧ ji̧nä̧ ji̧yȩtȩ huotö tta pä'ö Jesucristorö esetäcuähuänä. Ja̧'hua̧nö̧ yoräteunä jȩpö̧ o'ca toi'önärö Jesucristorö esetätörö.

Romanos 3:25

Dios hue'inö I̧tti̧ Jesucristorö sacrificio päi'önä 'corupäi'a pä'ö, ttö̧ja̧ suronä jȩttö̧ jȩpö̧ icua pä'ö. Ja̧'hua̧nö̧ Dios ȩmö̧ Jesucristorö esetätörö. Pä'äji ka̧cui̧nä̧tö̧ suronä jȩtta̧'a̧nä̧, Dios ami 'qui'ächi'inö. Ja̧'hua̧nö̧ ja̧'a̧ttö̧ ttö̧ja̧ ttu̧huo̧jua̧ pä'ö Dios jȩpö̧ ja̧u̧cu̧ ji̧nä̧ ji̧yȩtȩ huotö tta pä'ö, hue'inö Jesucristorö.

Romanos 4:13

Pi̧jä̧ o'ca juiyönä Dios iya pä'inö Abrahamrö, i̧tti̧mö̧rö̧'i̧nä̧, chutä isotörö. Ja̧'hua̧nö̧ ja̧'a̧nä̧ Abrahammä Moisés hueähuä huȩnȩ hueö ta'anö jȩa̧'a̧ttö̧, iya pä'ocö pi̧nö̧ Dios. Abraham churutä Diosrötä eseta'attö, Dios jȩi̧nä̧cu̧ chutäcu ji̧nä̧ ji̧yȩtȩ ja̧ pä'ö.

Filipenses 3:9

Ja̧u̧cu̧tä̧ chö̧ja̧ pä'ösä. Jitämä hueähuä huȩnȩ jȩpö̧, chamönä cha̧'cua̧ adiu jȩchö̧mä̧ jui̧'a̧sä̧. Cristorö esetätörö Dios iyähuä cha̧'cua̧ adiu jȩchö̧mä̧ ku̧nä̧rö̧sä̧, Cristorö cheseta'attö.

Hebreos 1:3

Chutä, Dios I̧tti̧mä̧, Dios i̧tȩa̧u̧. Ja̧u̧mä̧ yoröiso Dios ta'anö hua̧do. Ja̧'hua̧ta̧nö̧ ja̧u̧tä̧ i̧huȩnȩ, adiu juruhua'attö, o'ca juiyönä huȩ'ä̧rö̧do. Ujutu suronä jȩti̧nö̧ jȩpö̧ icuinö o'ca'a, mo̧ro̧jä̧ra̧'a̧ttö̧ Dios ö̧'o̧mȩ u̧huo̧jua̧'a̧nä̧ pä̧mä̧di̧nö̧do.

Hebreos 11:7

Diosrö esetö, Dios, koro juäi ji̧nä̧ tottocö 'cuäopäcua'a jiähuomenä, Dios päinö ta'anö jȩpi̧nö̧do Noémä. Huoi'ca rö̧ä'ca aditinödo ahuaruhuäcu ö̧ji̧pa̧ pä'ö. Noé Diosrö eseta'attö, pi̧jä̧ ttö̧ja̧rö̧ ro̧ȩcuä̧ 'cuäopina'ado. Ja̧'hua̧ta̧nö̧ Diosrö esetomenä, Dios esehuinäcudo o'ca toi'önä Diosrö esetätörö eseu'a̧nö̧.