Romanos 10:2 - TÄ̧DO Ä̧CUÄ̧ I̧HUȨNȨ

² Huo̧jua̧sä̧ jitö Diosrö pä̧huä̧ rö̧jö̧ ttamöcuäda'anä, Diosrö pä̧huä̧ rö̧jö̧ adiunä jö̧ jerupätö.

Nuevo Testamento Uwotjüja

² Wo̧jua̧sä̧ Dio-rü rü̧ȩnä̧ ukuo te'äwätü pä'ümä̧ ja̧'wa̧nü̧ ja̧'a̧nä̧ isopäi'ünä̧mä̧ jo̧mȩnü̧mä̧ ttu̧wo̧juo̧ka̧'a̧tä̧ wotü.

Romanos 10:2 ပူးပေါင်းရင်းမြစ်များ

San Juan 16:2

Judíos ttu̧huo̧jui̧'i̧nodettö i̧mi̧cu̧nä̧ 'quȩ'ȩpö̧ tticuäcuotö ucuturu. Koronö'inä ucuturu cuä'ö tticuomenä, Diosrö pä̧huä̧ rö̧jö̧ jȩpä̧tö̧jä̧ a̧'cua̧ra̧'a̧ pä'ö ttamöcuädäcuotö.

Hechos 21:20

Pablo jiähua'a ttä̧ju̧cuo̧mȩnä̧, Diosrö eseunu ucuocuinätödo. Ancianos huotö Pablorö pä'inätödo: —Ucu topöjä, tö̧jä̧hua̧, judíos ttöja̧ttö̧ juiyo recuätö esetinätö. Jahuätö o'ca toi'önä pä'ätö Moisés hueähuä huȩnȩ hueö ta'anö jȩtö̧'a̧nö̧ ja̧'a̧.

Hechos 21:28

Huopinätödo: —¡Israel ttö̧ja̧, ppä'ädächätucui! Pide pi̧jä̧ o'ca juiyönä ka̧cuä̧tö̧rö̧ huo̧juȩtö̧ cue'ächö Israel ttö̧ja̧rö̧'i̧nä̧, Moisés hueähuä huȩnȩ'i̧nä̧, pode Diosrö ucuocuäcuähuode'inä ttucuotö juiyönä. Jitämä judíos huocotörö i'cächäji Diosrö ucuocuäcuähuode jacuä. Ja̧'hua̧nö̧ jȩpö̧, suronä jȩpä̧ji̧ podettö.

Hechos 22:22

Ttö̧ja̧ Pablo jiähua'a ä̧ju̧cui̧nä̧tö̧do. Judíos huocotörö ji'äu i̧'chi̧na̧'a̧ ttä̧ju̧cuo̧mȩnä̧, amöcuädi'ö huopinätödo: —¡Ö̧jö̧ juiyäcua'a̧nö̧ cuä'ö icuirö!

Hechos 22:3

Pablo pä'inödo: —Ttömä judíos ttö̧ja̧ i̧sa̧sä̧. Tarso ötahuiyättö, Cilicia rȩjȩnä̧ chuhuäpächina'anä, porö Jerusalén ötahuiyättö, böo juo'inösä. Gamaliel ttörö huo̧juȩti̧nö̧ hueähuä huȩnȩ, tä̧do̧tö̧ mi̧nä̧ ttesetinö huȩnȩ, o'ca juiyönä ttu̧ȩcuä̧nä̧ jȩcha̧ pä'ö. 'Cuäopönä ji̧yȩtȩnä̧tä̧ Dios aditähuä jȩcha̧ pä'ö amöcuädinösä, ucutu jitä mo̧ro̧ cuamöcuädätucu ta'anö.

Romanos 10:1

Chö̧jä̧hua̧tö̧, ttö pä̧huä̧ rö̧jä̧cu̧sä̧ Israel ttö̧ja̧ Jesucristorö tteseta pä'ö. Ja̧'hua̧ta̧nö̧ Diosrö ucuocusä jahuätö suronä jȩttö̧ jȩpö̧ icuatö pä'ö.

Romanos 10:3

Dios jȩö̧ jerupätö ja̧u̧cu̧ ji̧nä̧ ji̧yȩtȩ huotö tta pä'ö. Ja̧'hua̧ ja̧'a̧ttö̧ jitötä jȩä̧cuä̧huä̧ usätö Dioscu ji̧nä̧ ji̧yȩtȩ huotö tta pä'ö. Ja̧'hua̧nö̧ jȩtta̧'a̧nä̧, Dios jȩö̧ ja̧u̧cu̧ ji̧nä̧ ji̧yȩtȩ huotö tta pä'ö iyähuocotö.

2 Corintios 4:4

Jahuätö ttesetoca'attö, ähuettä, pi̧jä̧nä̧ kö̧, ttä̧to̧cä̧chö̧nä̧ jȩi̧nä̧u̧do, adihuä Cristo i̧huȩnȩ tȩa̧u̧ tottö juiyönä. Ja̧u̧ Cristo, Dios ja̧'a̧nä̧ pi̧jä̧nä̧ uhuäpinödo.

2 Corintios 4:6

Iso päi'önä ja̧u̧tä̧ Dios i̧tȩa̧u̧mä̧ yo̧ö̧ kä'conä tȩa̧huä̧chi̧'ö̧nä̧ hue'inömä, ujutu tami iso'quinä'inä i̧tȩa̧u̧ iyö, Jesucristo ö'änä Dios öadihuä topö tu̧huo̧juä̧cua̧'a̧nö̧.

2 Corintios 8:3

Ttö topinösä ttiya'anä. O'ca juiyönä ttu̧ju̧nä̧rö̧ttö̧'i̧nä̧ eseunu iyinätödo. Ja̧'hua̧ta̧nö̧ koronö ttu̧ju̧nä̧rö̧ttö̧'i̧nä̧ abonänö iyinätödo.

Gálatas 1:14

Judíos ttö̧ja̧ ttesetinö esetö korotö chahuaruhuä ttö ta'anö huotöttö'inä abonänö rö̧ȩnä̧ esetinösä ttömä, chä̧do̧tö̧ mi̧nä̧ jȩtti̧nö̧ juäi rö̧ȩnä̧ jȩcha̧'a̧ttö̧.

Gálatas 4:15

¿Tta̧'a̧nö̧ päi'inätucuäcuttö ja̧u̧ cuesehuinätucumä? Ji̧ta̧'a̧nö̧ adiu pä'ösä ucuturu, ucutu cuamönä cu'äretucu baropö iyinajatöjä ttörö ja̧'hua̧nö̧ iyähuä jö̧ttö̧mä̧.

Filipenses 1:9

Diosrö ucuocusä ucuturu juhua'a yabo rö̧ȩnä̧ repecuhuätucuäcua'a̧nö̧ korotörö. Ja̧'hua̧ta̧nö̧ rö̧ȩnä̧ huo̧ju̧nä̧ cu̧huo̧juä̧tu̧cuä̧cua̧'a̧nö̧ o'ca juiyönä.

Filipenses 3:6

Ja̧'hua̧nö̧ jȩpö̧, yoröiso suronä jȩpi̧nö̧sä̧ Diosrö esetinätörö. Judíos ttö̧ja̧ hueähuä huȩnȩ adiu jȩpö̧ kä̧cuä̧huä̧nä̧ adiu chö̧ja̧'a̧ttö̧, korotömä yoröiso suronä ucuocuocotö pi̧nä̧tö̧ ttörö.

Colosenses 4:13

Iso päi'önä ttömä huo̧jua̧sä̧ ja̧u̧mä̧, Epafrasmä, rö̧ȩnä̧ a̧mö̧cuä̧rö̧ ucuturu. Ja̧'hua̧ta̧nö̧ Laodicea ötahuiyänä ka̧cuä̧tö̧rö̧'i̧nä̧, Hierápolis ötahuiyänä ka̧cuä̧tö̧rö̧'i̧nä̧ a̧mö̧cuä̧rö̧ kö̧.