Romanos 10:16 - TÄ̧DO Ä̧CUÄ̧ I̧HUȨNȨ

¹⁶ Ja̧'hua̧nö̧ ja̧'a̧nä̧ adihuä huȩnȩ ttä̧ju̧cua̧'a̧nä̧, o'ca toi'önämä ä̧ju̧cu̧ esetocotö. Isaías pa̧'a̧nö̧ pä'inö: “Chu̧ru̧hua̧, ujutu jitähuomenä, ¿dijä̧ttö̧ esetäjimä?”

Nuevo Testamento Uwotjüja

¹⁶ Ja̧'wa̧nü̧ ja̧'a̧nä̧, o'katoi'ünä̧mä̧ esetokotü pinä̧tü̧ jareü wȩnȩmä̧; Isaía-mä̧ pä'inü̧: Chu̧ru̧wa̧ ¿Ditäjä̧ttü̧ jitäu esetäkua̧mä̧?

Romanos 10:16 ပူးပေါင်းရင်းမြစ်များ

San Mateo 13:14

Ja̧'hua̧nö̧ jȩtto̧mȩnä̧, Dios i̧huȩnȩ jiäcuähuä i̧sa̧ Isaías päinö ta'anö 'cuäopa'a. Ja̧u̧ pä'inödo: Ucutumä cuä̧ju̧cuä̧rä̧tu̧cuo̧mȩnä̧, 'cucuächi'oca'a cuä̧ju̧cuä̧cuo̧tö̧jä̧. To̧cu̧'ä̧rä̧tu̧cuo̧mȩnä̧, topocotö cuäcuotöjä.

San Juan 10:26

Ja̧'hua̧nö̧ ja̧'a̧nä̧ ucutu esetocotöjä. Ucuturu pädäji ta'anö, ucutu chä̧ji̧mö̧ o̧vȩja̧stö̧ huocotöjä ucutumä.

Hechos 28:24

Korotö Pablo jiäumä esetinätödo. Korotö esetocotö pi̧nä̧tö̧do.

Romanos 1:5

Jesucristorö chesetomenä, Dios hueinäcusä Jesucristo i̧mi̧nä̧ i̧huȩnȩ jidähua pä'ö o'ca toi'önä ttö̧ja̧rö̧, yotöcunä i̧huȩnȩ esetö, Dios hueö jȩttä̧cua̧'a̧nö̧.

Romanos 11:17

Judíos ttö̧ja̧ adihuä juäi isei olivo dau ä̧na̧jui̧yä̧ jä̧'i̧nö̧'a̧nö̧ huotö. Jahuätöttö yotöcunä adihuä juäi dauttu 'cui'opö do'opö tticua'a jä̧'i̧nö̧'a̧nö̧ huotö. Ja̧'hua̧ta̧nö̧ de'a jähuä olivo dau jä̧'i̧nö̧'a̧nö̧ huotöjä ucutumä. Ja̧'hua̧nö̧ ja̧'a̧ttö̧ olivo de'a jähuättö ȩmö̧, adihuä ku̧nä̧huäinä be'epö ttu̧ju̧na̧'a̧ jä̧'i̧nö̧'a̧nö̧ huotöjä. Ja̧'hua̧ ja̧'a̧ttö̧ de'a jähuä olivocu, ku̧nä̧huä̧ olivocu ji̧nä̧ ji̧yȩtȩ idepä juoächa'a jä̧'i̧nö̧'a̧nö̧ huotöjä.

Romanos 16:26

Ja̧'hua̧nö̧ ja̧'a̧nä̧ jitämä Dios i̧huȩnȩ jiäcuähuä isotö tti̧huȩyu̧ti̧nö̧'i̧nä̧, Dios hueinö huȩnȩ'i̧nä̧ bahuecua'a jä̧'i̧nö̧'a̧nö̧ ja̧'a̧. Dios yä̧huä̧i̧nä̧ amöcuädinömä jitä hue'inö o'ca toi'önä ttö̧ja̧rö̧ jittähua pä'ö, Diosrö esetö i̧huȩnȩ päö ta'anö jȩtta̧ pä'ö.

Romanos 2:8

Ja̧'hua̧ta̧nö̧ korotö ttamönä jähuä amöcuädätörö, iso päi'önä huȩnȩ esetocotörö, surojö kö'cätörö, jahuätörö Dios ra̧huä̧rö̧ ro̧ȩpä̧cua̧.

Romanos 3:3

Yotöcunä eseti'ipö'cotö jarotti'öttömä, ¿Dios jaroi'ä̧cua̧ tä̧ji?

Romanos 6:17

Diosrö eseusä ucuturu amöcuädö. Ä'coji surojö hueö jȩä̧cuä̧huä̧ isotö cu'inätucua'anä, jitä eseunu jȩpä̧tö̧jä̧ cuami iso'quitucunä huo̧juȩcuä̧ huȩnȩ cuȩmi̧nä̧tu̧cu̧mä̧.

Gálatas 3:1

Juiyo di̧ji̧ huo̧juä̧chi̧'o̧co̧tö̧jä̧, Gálatas ttö̧ja̧. ¿Dihuä ja̧'hua̧nö̧ jȩi̧nä̧tu̧cuä̧cu̧ iso päi'önä suronä jȩttö̧ jȩpö̧ icu huȩnȩ cuesetätucu juiyönämä? Adihuä huȩnȩ jitäumä, ucutu'inä ja̧u̧tä̧ Jesucristo daunä 'corupä'i'inörö tocu'ätucua pä'ö ji'ähuätöjä.

Gálatas 5:7

Ucutumä adiunä jȩpö̧ ka̧cui̧nä̧tö̧jä̧. ¿Dihuä adihuä juäi jarocuhui'ätucunä jȩi̧nä̧tu̧cuä̧cu̧?

2 Tesalonicenses 1:8

Ja̧u̧mä̧ Diosrö esetocotörö'inä, Tu̧ru̧hua̧ Jesucristo i̧huȩnȩ esetocotörö'inä ö̧tä̧bo̧ta̧ pä'ö i̧chä̧cua̧.

Hebreos 11:8

Diosrö esetö, Dios huomenä, Dios päinö ta'anö jȩpi̧nö̧do Abrahammä. Korome, Dios ja̧u̧ru̧ iya päinome i̧'cha̧ pä'ö rä'opinödo. Chutä adihuä i̧rȩjä̧ttö̧ rä'opinödo i̧'chä̧cuo̧mȩ ieruhua'ara̧'a̧.

Hebreos 4:2

Jahuätö ttä̧ju̧cui̧nö̧ ta'anö, ja̧u̧tä̧ ttö̧ja̧ suronä jȩttö̧ jȩpö̧ icu huȩnȩ ä̧ju̧cui̧nä̧tö̧jä̧ ujutu'inä. Jahuätörö micuähuoca'a ji̧na̧'a̧do, ja̧u̧ huȩnȩ ä̧ju̧cu̧ ttesetoca'a ji̧na̧'a̧ttö̧.

Hebreos 5:9

Ja̧'hua̧nö̧ huo̧jui̧pö̧, yoröiso adihuä i̧sa̧ pä'i'inödo. Jitämä chutä kä̧cuä̧huä̧ i'co iyödo, o'ca toi'önä ja̧u̧ru̧ esetätörö.

1 Pedro 1:22

Jitämä, Espíritu Santo huo̧juȩcuä̧, adihuä huȩnȩ cuesetätucuomenä, cu̧jä̧hua̧tö̧rö̧ Cristonä, adiu eseunu cuamöcuädätucua pä'ö, töcö icuinä̧u̧jä̧. Ja̧'hua̧nö̧ ja̧'a̧ttö̧ o'ca juiyönä cuami iso'quitucunä'inä, cujuruhuätucunä'inä o'ca toi'önärö eseunu ka̧cuä̧tu̧cui̧.

1 Pedro 2:8

Ja̧'hua̧ta̧nö̧ pi̧yȩ päinö huȩnȩ'i̧nä̧ 'cuäopa'a. Ja̧u̧ inähuä döttäcuähuä jä̧'i̧nö̧'a̧nö̧ kö̧. Juhuähuä inähuänä dö'ö ma̧ttähuä jä̧'i̧nö̧'a̧nö̧ kö̧, päa'a Huȩyu̧cuä̧ Huȩnȩ. Jahuätö Dios i̧huȩnȩ esetocotömä, inähuä dö'ö ma̧'ä̧chä̧tö̧ jä̧'i̧nö̧'a̧nö̧ ka̧cuä̧tö̧. Jahuätö ttuhuäpächäcua'a ä'canä, jahuätörö ja̧'hua̧nö̧ 'cuäopäcua'a pä'ö amöcuädinö Dios.

1 Pedro 3:1

Ucutu'inä nä̧tö̧, cuirecuorö adiu jȩpö̧ ka̧cuä̧tu̧cui̧, ya̧tȩ Dios i̧huȩnȩ esetoca'anä, irecua adiu cuejächa'a topö, esetäcua'a̧nö̧ yajutä kucuocuoca'anä'inä. Adiu kö̧ja̧'a̧ topö, esetäcua'a̧nö̧.