Romanos 1:24 - TÄ̧DO Ä̧CUÄ̧ I̧HUȨNȨ

²⁴ Ja̧'hua̧nö̧ ja̧'a̧ttö̧ Dios jaroi'inä̧u̧ jitörötä surojö pä̧huä̧ rö̧jö̧tä̧ jȩtta̧ pä'ö. Jahuätömä ucuotäcuähuä juiyönä jȩpä̧tö̧ korotö korotöcu.

Nuevo Testamento Uwotjüja

²⁴ Ja̧'wa̧nü̧ jȩtto̧mȩnä̧ Dio-mä̧ tta̧mi̧so'ki pä̧wä̧rü̧jü̧ surojünä̧ ttü̧jü̧nä̧tä̧ iyipinä̧u̧ ja̧'wa̧nü̧ jo̧mȩnä̧ dä'ärü̧jü̧nä̧ tta̧mü̧nä̧ pa̧ja̧tü̧ ttidepä ttiyäkuäunä̧tä̧.

Romanos 1:24 ပူးပေါင်းရင်းမြစ်များ

San Mateo 15:14

Huäinä 'chä̧tö̧. Jahuätömä, ttä̧to̧cä̧cha̧'a̧nä̧ korotö ä̧to̧cä̧tö̧ ttä̧'canä 'chä̧tö̧. Ja̧'hua̧ta̧nö̧ ya̧tȩ ä̧to̧ca̧mä̧ ka̧ra̧ ä̧to̧ca̧ ä'canä i̧'chö̧ttö̧mä̧, ta̧ju̧cuä̧yo̧tö̧ rȩju̧ jacuä ma̧ttä̧chö̧'a̧nö̧ ja̧'a̧.

Hechos 14:16

Pä'äjimä Dios o'ca toi'önä pa̧ja̧cu̧nä̧ ka̧cuä̧tö̧rö̧ ja̧'a̧tä̧ topinö, jitötä ttamöcuädötä jȩpö̧ ttö̧ja̧cua̧'a̧nä̧.

Hechos 7:42

Ja̧'hua̧ ja̧'a̧ Dios jahuätöttö jaroi'inä̧u̧ si̧ri̧'cö̧rö̧tä̧ tteseta pä'ö, Dios i̧huȩnȩ jiäcuähuä isotö huȩyu̧cuä̧ huȩnȩ päö'a̧nö̧: Ttö̧ja̧ ta̧ju̧ a̧'ȩ 'cuäoi'önä ttö̧ja̧ tome cuecuhuächätucuomenä ucutu, Israel ttö̧ja̧, isotörö cuäcuhuätucuomenä, ucutu ttörö esehuocotö pi̧nä̧tö̧jä̧.

Romanos 6:12

Ja̧'hua̧ ja̧'a̧ttö̧ ja̧'a̧tä̧ tocu'äcuähuätucuä', ucuturu surojö juhua'a yabocu hueö juiya pä'ö, cuamönätucu cuamöcuädätucu jȩcu̧'ä̧tu̧cu̧ juiya pä'ö.

1 Corintios 6:13

Iso päi'önä pä'ätö: “Adihua'a o'ca juiyönä cuäcuähuämä cuä̧nö̧ tö'cäbiyunä suhuädi'önä. Ja̧'hua̧ta̧nö̧ tö'cäbiyu adihua'a cuäcuähuä tucuomenä ȩca̧ pä'ö. Juhuorö'inä Diosrö pä̧huä̧ rö̧jo̧mȩnä̧, tö'cäbiyu'inä, cuäcuähuä'inä be'epö i̧cuä̧cua̧. Ja̧'hua̧ta̧nö̧ ja̧'a̧nä̧ ujutu jättäpäyotö nä̧tö̧rö̧ usu jȩtä̧'cho̧mȩnä̧mä̧ surojö. Ujutu jättäpäyotö aditinödo Tu̧ru̧hua̧, chutä öäre päi'önä. Ja̧'hua̧ta̧nö̧ Tu̧ru̧hua̧ kö̧ ujutu jättäpäyotönä suhuädi'önä.

1 Corintios 6:18

Ja̧'hua̧ ja̧'a̧ttö̧ jaropi'ätucui nä̧tö̧rö̧ usu jȩä̧cuä̧huä̧mä̧. Ya̧tȩ irecuarö u̧ju̧nä̧ro̧mȩnä̧, karajuru jȩä̧'cho̧mȩnä̧, chutä jä̧ttä̧pä̧ya̧nä̧ suronä jȩpö̧. Juhuorö'inä koro juäi suronä jȩo̧mȩnä̧, chutä jä̧ttä̧pä̧ya̧nä̧ suronämä jȩpo̧cö̧.

Efesios 2:3

Ujutu'inä o'ca toi'önä ja̧'hua̧nö̧ ka̧cui̧nä̧tö̧jä̧ pä'äjimä. Ujutu tamönä pä̧huä̧ rö̧jö̧nä̧'i̧nä̧, tamönä tamöcuädäu'inä, tamönä tu̧huo̧ju̧nä̧ jȩä̧cuä̧huä̧'i̧nä̧ ja̧'a̧tä̧ jȩpi̧nä̧tö̧jä̧. Ja̧'hua̧nö̧ ja̧'a̧ttö̧ Dios ujuturu'inä ro̧ȩpö̧ttö̧mä̧ adihua'a, korotörö ro̧ȩpö̧ ta'anö.

1 Tesalonicenses 4:4

Suronä jȩä̧cuä̧huä̧ juiyönä, ucuotönö amöcuädö, cuirecuarö ȩmä̧huä̧ huo̧jui̧pä̧tu̧cui̧.