Romanos 1:21 - TÄ̧DO Ä̧CUÄ̧ I̧HUȨNȨ

²¹ Diosrömä ttu̧huo̧jua̧'a̧nä̧, adiunämä ucuotocotö Diosrö. Ja̧'hua̧ta̧nö̧ Dios jahuätörö ppädomenä, esehuocotö Diosrö. Ttamöcuädömä, micuähuocötä amöcuädätö. Ttamönä tta̧'cua̧rö̧ yo̧i̧pä̧chi̧nä̧u̧.

Nuevo Testamento Uwotjüja

²¹ Ja̧'wa̧nü̧ Dio-rümä̧ ttu̧wo̧jui̧na̧'a̧nä̧, Dio-rü ttü̧ä̧nä̧wa̧ jü̧nä̧ tteseäkuäwoka'a, ye adiwa'a pä'ü'i̧nä̧ pä'ü jui'ü, jitütä ttamu̧kuäda'akutä surojuottächa'attü, adiu tta̧mü̧kuädokomȩnä̧ tta̧mi̧so'ki yo̧ä̧chi̧nä̧u̧.

Romanos 1:21 ပူးပေါင်းရင်းမြစ်များ

San Juan 3:19

Pi̧jä̧ ttö̧ja̧rö̧ adihuä tȩa̧u̧ ichomenä, pi̧jä̧ttö̧ yo̧ö̧ adihuä tȩa̧u̧ttu̧'i̧nä̧ abonänö kö'quinätödo. Jahuätö suronätä jȩpö̧ kä̧nö̧ esetocotö pi̧nä̧tö̧do ja̧u̧ adihuä tȩa̧u̧. Ja̧'hua̧nö̧ ja̧'a̧ttö̧ tä̧bo̧cuä̧ 'cuäopäcua'a jahuätörö.

Hechos 26:18

Jahuätörö ttö'äre bacuhue'a pä'ö huedäcujä, yo̧ö̧cu̧ cuettächö juiya pä'ö, tȩa̧u̧cu̧ cuettächa pä'ö, ja̧'hua̧ta̧nö̧ ähuettä jahuätörö hueomenä, ja̧u̧ru̧ ttesetö juiyönä Diosrö pä̧huä̧ rö̧jö̧tä̧ jȩtta̧ pä'ö. Ja̧'hua̧ta̧nö̧ ttörö ttesetomenä, suronä jȩttö̧ jȩpö̧ icua pä'ö Dios, jahuätö'inä ttörö esetätöcu adiu ttö̧ja̧cua̧ pä'ö, jahuätörö huedäcujä”, pä'inö ttörö, ru̧hua̧ Agripa.

Romanos 1:19

Jahuätömä adiu huo̧juä̧tö̧ Dios iso päi'önä kö̧ pä'ö. Dios ja̧'hua̧nö̧ i̧jȩpö̧ ttami iso'quinä.

Romanos 1:28

Jahuätömä ttu̧huo̧jua̧ pä'ocotö Diosrö. Ja̧'hua̧nö̧ ja̧'a̧ttö̧ Dios jaroi'inä̧u̧, surojö amöcuädö jȩä̧cuä̧huä̧ jȩtta̧ pä'ö.

Romanos 11:10

Ttö'äre ttä̧to̧cä̧chö̧nä̧ jä̧cuä̧u̧ tottö juiyönä. Ttöcäcä ttu'tuhuacuächönä jä̧cuä̧u̧ 'cuäopönä.

Romanos 15:9

Ja̧'hua̧ta̧nö̧ Cristo ichinö judíos huocotö'inä Diosrö adiu ttucuocua pä'ö, Dios jahuätörö re rö̧jö̧nä̧ toina'attö Huȩyu̧cuä̧ Huȩnȩ päö'a̧nö̧: Ja̧'hua̧nö̧ ja̧'a̧ttö̧ judíos huocotö ttä'ca jo̧mȩ ucuru adiu chu̧cuo̧cuä̧cua̧sä̧. Adiu ucuotönö cui̧mi̧nä̧ ra̧dä̧cua̧sä̧.

2 Timoteo 3:2

U̧mä̧tö̧ jitöätä ttamöcuädäutä ttamöcuädäcuotö. Pärätä rö̧ȩnä̧ ttamöcuädäcuotö. Ttösä adihuä i̧sa̧ pättähuäcuotö. Diosrö suronä ttucuocuäcuotö. Ttä'o hueö jȩpo̧co̧tö̧ ttäcuotö. Ttahuaruhuärö esehuocotö ttäcuotö. Dios i̧huȩnȩ esetocotö ttäcuotö.

1 Pedro 1:18

Ucutumä cuä̧do̧tö̧ mi̧nä̧ suronä jȩpö̧ kä̧nö̧, ttö̧ja̧cui̧nö̧'a̧nö̧ cu̧ja̧cuä̧tu̧cuo̧mȩnä̧, suronä jȩcu̧'i̧nä̧tu̧cu̧ jȩpö̧ icuinä̧u̧jä̧ Dios. Ucutu huo̧juä̧tö̧jä̧, ja̧'hua̧nö̧ suronä jȩcu̧'i̧nä̧tu̧cu̧ jȩpö̧ icuomenä, pi̧jä̧ beipächö jähuättömä, oro'inä, pärätä'inä mitömä ȩmo̧co̧u̧ pi̧nä̧tö̧jä̧.

1 Pedro 2:9

Ucutu Dios ȩmi̧nä̧u̧jä̧. Tu̧ru̧hua̧ hue'ähuotöjä, churutä pä̧huä̧ rö̧jo̧mȩnä̧ jȩcu̧'ä̧tu̧cua̧ pä'ö. Ja̧'hua̧ta̧nö̧ ucutumä Dios umöhuäyotöjä, chutä ä'ca jo̧mȩttö̧ adiunätä cu̧ja̧cuä̧tu̧cua̧ pä'ö. Ucutumä ja̧'hua̧nö̧ ka̧cuä̧tö̧jä̧, Dios adihuä juäi jȩö̧ huȩnȩ jicuhuähuätucua pä'ö. Ja̧u̧ yo̧ö̧ttö̧ rä'opö, adihuä juäi tȩa̧u̧nä̧ cuecuhuächätucua pä'ö huoinä̧u̧jä̧.

Apocalipsis 14:7

Ja̧u̧ i̧huȩnȩnä̧ pä̧i̧cu̧nä̧ pä'inö: —Diosrö ye'ecuätucui. Eseunu ucuocuätucuirö. Täcö jo̧mȩ päi'a'a pi̧jä̧ ttö̧ja̧rö̧: “Ucu adiu jȩpö̧jä̧”, “Ucu suronä jȩpö̧jä̧” päa pä'ö. Mo̧ro̧jä̧'i̧nä̧, pi̧jä̧'i̧nä̧ dubora rö̧ora'inä, aje i̧sä̧rä̧'i̧nä̧ aditinörö esehuätucui.

Apocalipsis 15:4

Tu̧ru̧hua̧, ucuru ye'ecuocömä ¿dijä̧ttö̧? Ucuru esehuocömä ¿dijä̧ttö̧? Ucutä, ya̧tȩä̧tä̧, adihuä i̧sa̧jä̧. O'ca toi'önä pa̧ja̧cu̧nä̧ ttö̧ja̧, iso päi'önä o'ca juiyönä jȩcu̧'u̧mä̧ adihua'a tottomenä, ichi'ö ttesehuäcuotö ucurutä.