Romanos 1:11 - TÄ̧DO Ä̧CUÄ̧ I̧HUȨNȨ

¹¹ Ttö pä̧huä̧ rö̧jä̧cu̧sä̧ tocha pä'ö ucuturu ppädäda pä'ö Espíritu Santonä, adiu cuami 'qui'ächi'ö cu̧ja̧cuä̧tu̧cua̧ pä'ö.

Nuevo Testamento Uwotjüja

¹¹ Isopäi'ünä̧ ukuturu tochächa pä'üsä, Epíritu jäwä, iyinü̧ jidäwätukuaku pä'ü, yaboku 'kiyünä̧ ku̧jä̧kuä̧tu̧kuä̧kua̧'a̧nü̧;

Romanos 1:11 ပူးပေါင်းရင်းမြစ်များ

Hechos 16:5

Ja̧'hua̧nö̧ ja̧'a̧ iglesia ruhuämä juhua'a yabonö rö̧ä̧chö̧nä̧ esetinätödo. Mo̧ro̧ji̧nö̧ a̧'u̧cuä̧ korotö'inä Tu̧ru̧hua̧rö̧ esetö recuächinätödo.

Hechos 19:21

Ja̧'hua̧nö̧ 'cuäopäji o'ca'a Pablo Macedonia rȩjȩttö̧'i̧nä̧, Acaya rȩjȩttö̧'i̧nä̧ 'cuä'opö Jerusalén ötahuiyära̧'a̧ i̧'cha̧ pä'ö amöcuädinödo. Pä'inödo: —Ä'canä Jerusalén ötahuiyära̧'a̧ chi̧'chä̧cua̧sä̧. Ju̧huȩnȩ o'comenä, Roma ötahuiyära̧'a̧ chi̧'chä̧cua̧sä̧.

Hechos 19:6

Pablo jahuätörö u̧mö̧nä̧ mȩo̧mȩnä̧, Espíritu Santo ö̧jä̧mä̧di̧nä̧u̧do. Ja̧'hua̧ta̧nö̧ korotö tti̧huȩnȩ ucuocuinätödo. Dios jahuätörö iyäjimä ji'ähuinätödo.

Romanos 1:12

Ja̧'hua̧nö̧ jidähuomenä, ka̧ra̧ ka̧ra̧'i̧nä̧ ppätäda pä'ö ji'äusä. Ucutu'inä, ttö'inä ji̧nä̧ ji̧yȩtȩ esetätöjä.

Romanos 15:23

Jitä täcö cä'ädäcuäusä chaditähuämä porömä. Recuo a̧'ȩ pä̧huä̧ rö̧jö̧nä̧ amöcuädinösä, ucutu cu̧ja̧cuä̧tu̧cua̧'a̧ chicha pä'ö.

Romanos 15:29

Huo̧jua̧sä̧ ucuturu chi̧rȩbȩhuo̧mȩnä̧, Cristo ucuturu rö̧ȩnä̧ ppä̧dä̧cua̧ ttö jidäunä.

Romanos 15:32

Ja̧'hua̧ta̧nö̧ eseunu chichäcua'a̧nö̧ ucuturu Diosrö pä̧huä̧ rö̧jo̧mȩnä̧ ucuturu chesehuäcua'a̧nö̧ ucuocuätucuittö.

Romanos 16:25

Diosrö eseunu tucuocuaja. Ja̧u̧ jȩä̧cua̧ juhua'a yabonö adiunä 'quiyönä cu̧ja̧cuä̧tu̧cua̧ pä'ö. Ja̧'hua̧nö̧ jȩä̧cua̧ ttö̧ja̧ suronä jȩttö̧ jȩpö̧ icu jidäu huȩnȩ'i̧nä̧, Jesucristorö huo̧juȩcuä̧ huȩnȩ'i̧nä̧ cuesetätucuomenä. Ja̧'hua̧ta̧nö̧ pi̧jä̧ juiyäi'inä, Dios yä̧huä̧i̧nä̧ amöcuädinö tu̧huo̧jua̧ pä'ö iyinö pi̧yȩ adihuä huȩnȩ.

2 Corintios 1:15

Ja̧'hua̧nö̧ amöcuädö, ä'canä ucuturu todärenä dodächa pä'ö amöcuädinösä cuesehuätucua pä'ö.

2 Corintios 1:21

Ja̧'hua̧ta̧nö̧ Dios ujuturu'inä, ucuturu'inä Cristorö esetö tami 'qui'ächi'ö tö̧ja̧cua̧ pä'ö ppä'ädö. Ja̧'hua̧ta̧nö̧ ja̧u̧tä̧ ujuturu aditö icuinödo.

2 Corintios 11:4

Korotö ichö Jesús i̧huȩnȩ ji'äu, ujutu jitähuinöttö'inä i̧mi̧cu̧nä̧ jittähuomenä, adiu ä̧ju̧cuä̧tö̧jä̧. Ja̧'hua̧ta̧nö̧ ka̧ra̧ espírituru'inä, Espíritu Santottö cuȩmi̧nä̧tu̧cuä̧cu̧ttu̧'i̧nä̧ i̧mi̧cu̧nä̧ hua̧rö̧ eseunu ȩmä̧tö̧jä̧. Koro huȩnȩ, ttö̧ja̧ suronä jȩttö̧ jȩpö̧ icu pättö huȩnȩ'i̧nä̧, ujututtu cuä̧ju̧cui̧nä̧tu̧cu̧ttu̧'i̧nä̧ i̧mi̧cu̧nä̧ jö̧ esetätöjä.

2 Corintios 9:14

Ja̧'hua̧ta̧nö̧ Diosrö ttucuocuäcuotö ucuturu repe'ö, Dios ucuturu rö̧ȩnä̧ adihuä juäi iyinö pä'ö amöcuädö.

Filipenses 1:8

Dios huo̧jua̧ ucuturu Jesucristo repeö'a̧nö̧, repe'ö pä̧huä̧ rö̧jä̧cu̧sä̧ ucuturu o'ca toi'önärö.

Filipenses 2:26

Ja̧u̧mä̧ iso päi'önä toa pä'ö ucuturu o'ca toi'önärö. Ucutumä ja̧u̧ na̧huä̧cha̧'a̧ cuä̧ju̧cuä̧tu̧cuo̧mȩnä̧, a̧'cua̧ tta̧'ȩcui̧nö̧. Rö̧ȩnä̧ amöcuädö ucuturu.

Filipenses 4:1

Ja̧'hua̧nö̧ ja̧'a̧ttö̧ adihuä chö̧jä̧hua̧tö̧, iso päi'önä ucuturu repe'ö tocha pä'ösä. Ucuturu topö eseusä. Ja̧'hua̧ta̧nö̧ ucutumä chaditinö micuä huotöjä. 'Cuäopönä Tu̧ru̧hua̧rö̧ esetö, cuami 'qui'ächi'ö ka̧cuä̧tu̧cui̧, chahuaruhuä chö̧jä̧hua̧tö̧.

1 Tesalonicenses 3:13

Cuami iso'quitucunä cuami 'qui'ächi'ö esetö, Tä'o Dios ä'ca jo̧mȩttö̧ Tu̧ru̧hua̧ Jesús chutä ahuaruhuäcu ichomenä, Tu̧ru̧hua̧ ppäda'attö, adiunä jȩpö̧ surojö juiyönä cu̧ja̧cuä̧tu̧cua̧ pä'ätöjä.

1 Tesalonicenses 3:2

Ujutu ju̧huȩnȩtä̧ ki̧'i̧pö̧, ucuturu toa pä'ö hue'inätöjä tö̧jä̧hua̧ Timoteorö, Dios huȩ'ä̧hua̧rö̧, ujutucu adihuä huȩnȩ, Cristo i̧huȩnȩ, ji'äu aditörö. Ja̧u̧tä̧ ucuturu ucuocu ppä̧dä̧cua̧, juhua'a yabonö Diosrö cuesetätucua pä'ö.

2 Tesalonicenses 2:17

Chutä cuami iso'quinä ppädäcua'a̧nö̧ ucuturu. Ja̧'hua̧ta̧nö̧ cuami 'qui'ächi'ö kä̧nö̧, o'ca juiyönä adihuä juäi ucuocu jȩcu̧'ä̧tu̧cua̧ pä'ö ppädäcua'a̧nö̧.

2 Tesalonicenses 3:3

Ja̧'hua̧nö̧ ja̧'a̧nä̧ Tu̧ru̧hua̧ o'ca juiyönä päömä jȩpö̧. Cuami 'qui'ächi'ö cu̧ja̧cuä̧tu̧cua̧ pä'ö ppä̧dä̧cua̧. Ja̧u̧tä̧ ucuturu tta̧huä̧rä̧cua̧ surojö rȩbȩu̧ juiyönä.

Hebreos 13:9

Koro huȩnȩ, jareö huȩnȩ, i̧mi̧cu̧nä̧ jittähuä'chomenä cuesetätucuä'. Iso päi'önä tami iso'quinä Dios ppäda'attö tujuruhuomenä, pi̧jä̧ jähuä cuäcuähuä huȩnȩttö̧'i̧nä̧ abonänö adihua'ado. Ja̧u̧ juäi pi̧jä̧ huȩnȩ esetätörö yoröiso ppädoca'a ji̧na̧'a̧do.

1 Pedro 5:10

Ucutu a̧'u̧cu̧nä̧tä̧ ubara ttucuhuätucu o'ca'a, Dios cujuru'inä iyäcuotöjä. Ja̧'hua̧ta̧nö̧ cuami 'qui'ächi'ö cu̧ja̧cuä̧tu̧cua̧ pä'ö ȩmä̧cuo̧tö̧jä̧. Ja̧u̧tä̧ Dios o'ca juiyönä ppä'ädö ujuturu. Ujuturu ȩmi̧nö̧, Jesucristocu eseunu tö̧ja̧cua̧ pä'ö 'cuäopönä.

1 Pedro 5:12

Silvano, Cristonä chö̧jä̧hua̧ ppädomenä, pi̧yȩ cuyäru ji̧'qui̧cha̧nö̧tä̧ huȩyu̧tu̧ hue'ösä ucuturu, ji'äu ppädädätucuacu pä'ö. Ja̧'hua̧ta̧nö̧ ucuturu repea'attö, o'ca juiyönä adihuä juäi iyinödo Dios ucuturu cu̧huo̧juä̧tu̧cua̧ pä'ö huȩyu̧tu̧sä̧. Pi̧yȩ esetönö ka̧cuä̧tu̧cui̧.

2 Pedro 1:12

Ja̧'hua̧ta̧nö̧ ucutu cu̧huo̧juä̧tu̧cua̧'a̧nä̧, ucuturu amöcuädö, ppa̧'ä̧dö̧ ji̧dä̧huä̧cua̧sä̧ pi̧yȩ huȩnȩ. Iso päi'önä cuesetätucuomenä, cuami 'qui'ächi'ätöjä.