Romanos 1:10 - TÄ̧DO Ä̧CUÄ̧ I̧HUȨNȨ

¹⁰ 'Cuäopönä jä'epösä Diosrö ucuocu, ja̧u̧ru̧ pä̧huä̧ rö̧jo̧mȩnä̧ ja̧'a̧tä̧ chicha pä'ö ucuturu do'ächö.

Nuevo Testamento Uwotjüja

¹⁰ 'Kuäopünä̧tä̧ jä'epüsä Dio-rümä̧, Churutä pä̧wä̧rü̧jo̧mȩnä̧ jü̧ttü̧mä̧, jua'a ukuturu do'ächü ichü adiunä̧tä̧ 'kuädopa pä'ü,

Romanos 1:10 ပူးပေါင်းရင်းမြစ်များ

Hechos 18:21

I̧u̧ kä̧nö̧ pä'inödo: —Jerusalén ötahuiyära̧'a̧ chi̧'cha̧ pä'ösä fiesta jȩttö̧ mo̧ro̧ juhua'attö 'cuädopa pä'ö. Pä'äji ta'anö ppa̧dä̧chä̧cua̧sä̧ ucuturu topö Diosrö pä̧huä̧ rö̧jo̧mȩnä̧. Ja̧'hua̧nö̧ ja̧'a̧ Efeso ötahuiyättö huoi'canä 'chi̧nö̧do.

Hechos 19:21

Ja̧'hua̧nö̧ 'cuäopäji o'ca'a Pablo Macedonia rȩjȩttö̧'i̧nä̧, Acaya rȩjȩttö̧'i̧nä̧ 'cuä'opö Jerusalén ötahuiyära̧'a̧ i̧'cha̧ pä'ö amöcuädinödo. Pä'inödo: —Ä'canä Jerusalén ötahuiyära̧'a̧ chi̧'chä̧cua̧sä̧. Ju̧huȩnȩ o'comenä, Roma ötahuiyära̧'a̧ chi̧'chä̧cua̧sä̧.

Hechos 21:14

Ja̧'hua̧nö̧ ja̧'a̧ ujuturu öaroda'attö, ji'äu cä'ädinätöjä. Pä'inätöjä: —Ja̧'hua̧nö̧ jö̧ttö̧mä̧, Tu̧ru̧hua̧rö̧ pä̧huä̧ rö̧jo̧mȩnä̧ 'cuä̧o̧pä̧cua̧jä̧.

Romanos 15:29

Huo̧jua̧sä̧ ucuturu chi̧rȩbȩhuo̧mȩnä̧, Cristo ucuturu rö̧ȩnä̧ ppä̧dä̧cua̧ ttö jidäunä.

1 Corintios 1:1

Ttö Pablo, Diosrö pä̧huä̧ rö̧jo̧mȩnä̧ huoinäcusä, Jesucristo huȩ'ä̧hua̧ päi'önä chö̧ja̧ pä'ö. Ji̧nä̧ yo̧mȩtȩnä̧ chö̧jä̧hua̧ Sóstenescu huȩyu̧tu̧sä̧ pojä cuyäru isojänä chö̧jä̧hua̧tö̧rö̧, Dios i̧huȩnȩ esetätörö, Cristo Jesúsru tteseta'attö Dios i̧tti̧mö̧rö̧, Corinto ötahuiyänä ka̧cuä̧tö̧rö̧. Dios huoinä̧u̧jä̧ ucutu adihuä juäitä amöcuädö cu̧ja̧cuä̧tu̧cua̧ pä'ö, o'ca toi'önä pa̧ja̧cu̧nä̧ Ttu̧ru̧hua̧ Jesucristo i̧mi̧nä̧ ucuocu esetätöcu. Ja̧u̧mä̧ jitö'inä Ttu̧ru̧hua̧, ujutu'inä Tu̧ru̧hua̧ päi'önä kö̧.

1 Corintios 4:19

Juhua'acucö̧. Tu̧ru̧hua̧rö̧ pä̧huä̧ rö̧jo̧mȩnä̧, yodojinänö ucuturu topö chi̧'chä̧cua̧sä̧. Ja̧u̧nu̧mä̧ jahuätö a'cuoyäunu amöcuädätömä, pättötä ä̧ju̧cuo̧cö̧sä̧. Jahuätö jȩttö̧'i̧nä̧ to̧chä̧cua̧sä̧.

Filipenses 4:6

Koro koronö cuamöcuädätucuä'. 'Cuäopönä Diosrö jä'epö ucuocuätucui. Ja̧'hua̧ta̧nö̧ eseunu ucuocuätucuirö.

1 Tesalonicenses 2:18

Koronö'inä chi̧'cha̧ pä'ö jȩpi̧nö̧sä̧. Ja̧'hua̧ta̧nö̧ recuo ti̧'cha̧ päta'anä, ti̧'chö̧ juiyönä jȩi̧nä̧u̧jä̧ Satanás.

Filemón 1:22

Jitämä koro'inä huȩyu̧tu̧sä̧ ucuru. Aditö ku̧ni̧ chodu. Ucutu Diosrö cucuocuätucua'attö, churutä pä̧huä̧ rö̧jo̧mȩnä̧ cu̧ja̧cuä̧tu̧cua̧'a̧ chicha pä'ö tta̧'ä̧rö̧sä̧.

Hebreos 13:19

Ttörö'inä adiunä cucuocuätucua pä'ösä, Dios ttörö huea pä'ö pä'äji ta'anö jurunänö ucutucu chö̧ja̧ pä'ö.

Santiago 4:15

Pa̧'a̧nö̧ päcuhuätucu'a̧nö̧ ja̧'a̧: “Diosrö pä̧huä̧ rö̧jö̧ttö̧mä̧ ji̧nä̧ tö̧ja̧cuä̧cuo̧tö̧jä̧. Ja̧'hua̧ ja̧'a̧ pa̧'a̧nö̧ jȩtä̧cuo̧tö̧jä̧. Koro juäi'inä jȩtä̧cuo̧tö̧jä̧.”