San Mateo 9:27 - TÄ̧DO Ä̧CUÄ̧ I̧HUȨNȨ

²⁷ Juhua'attötä rä'opö i̧'cho̧mȩnä̧, ta̧ju̧ ä̧to̧cä̧tö̧mä̧ o'ca'anä 'chi̧nä̧tö̧do. Pä'inätödo: —¡David I̧tti̧, ujuturu re rö̧jö̧nä̧ topitö!

Nuevo Testamento Uwotjüja

²⁷ Jesú juorü räopächomȩnä̧, ä̧to̧kä̧tü̧ ta̧ju̧ o'ka'anä̧ ru'u wottinä̧ku̧: —¡Ujuturu re kkä̧wi̧, Dawi i̧tti̧!

San Mateo 9:27 ပူးပေါင်းရင်းမြစ်များ

San Mateo 1:1

Pitömä Jesucristo ahuaruhuä pi̧nä̧tö̧do. Ja̧u̧mä̧ Jesucristomä tä̧do̧tö̧ mi̧nä̧ ru̧hua̧ David'inä, Abraham'inä tta̧hua̧ru̧hua̧ pi̧nö̧do.

San Mateo 11:5

Jicuhuähuätucuaröja, ä̧to̧cä̧tö̧'i̧nä̧ topätö. 'Cuä'ätö'inä cue'ächätö. Lepra ttöttahuiyä märichei na̧'ä̧chä̧tö̧'i̧nä̧, jitämä na̧'ä̧cho̧co̧tö̧. Järiyähuätö'inä ä̧ju̧cuä̧tö̧. 'Corupä'i'ätö'inä tto'ächätö. Usurä isotö'inä adihuä juäi suronä jȩttö̧ jȩpö̧ icuähuä huȩnȩ ä̧ju̧cuä̧tö̧.

San Mateo 15:22

Yajute isaju, cananea ttö̧ja̧ isaju, juhua'a ki̧nä̧ju̧do. Jahuäju Jesúsru ichi'ö huopinäjudo: —¡Chu̧ru̧hua̧, David I̧tti̧, ttörö re rö̧jö̧nä̧ topittö! Chittijumä espíritu su̧ro̧pa̧rö̧ ku̧nä̧rä̧ju̧. Rö̧ȩnä̧ ubara ttu'äju.

San Mateo 17:15

—Chu̧ru̧hua̧, ttö chi̧tti̧rö̧ re rö̧jö̧nä̧ topiyittö. Koro juäi ttu̧huȩpä̧rö̧ juiyönä jä̧'i̧jä̧cu̧. Rö̧ȩnä̧ ubara ttu'ä'ijö. 'Cuäopönä ocuränä'inä, ajiyanä'inä ma̧'ä̧chä̧'i̧jö̧.

San Mateo 20:29

Jericó ötahuiyära̧'a̧ttö̧ rättopächomenä, ttö̧ja̧ recuätö 'chi̧nä̧tö̧do Jesús o'ca'anä.

San Mateo 21:15

Ja̧'hua̧nö̧ ja̧'a̧nä̧ sacerdotes ruhuotö'inä, hueähuä huȩnȩ huo̧juȩtä̧tö̧'i̧nä̧ ttö̧ja̧ ttieru juäi jȩo̧mȩnä̧, topö ra̧huä̧ri̧nä̧tö̧do. Ja̧'hua̧ta̧nö̧ ppo̧'ä̧tö̧'i̧nä̧ Diosrö ucuocuäcuähuodenä “¡Ru̧hua̧ David I̧tti̧rö̧ eseäcuähuätucui!” huotta'a ä̧ju̧cu̧ ra̧huä̧ri̧nä̧tö̧do.

San Mateo 21:9

Korotömä ä'canä 'chä̧tö̧'i̧nä̧, tto'ca'anä 'chä̧tö̧'i̧nä̧ huopinätödo: —¡Ru̧hua̧ David I̧tti̧rö̧ eseäcuähuätucui! Tu̧ru̧hua̧ i̧mi̧nä̧ ichömä adiunä ö̧jä̧cua̧. ¡Diosrö eseäcuähuätucui!

San Mateo 9:28

Jesús isodenä doächi'omenä, ja̧u̧ru̧ tö'cönänö ichinätödo. Ja̧u̧ jä'epinödo jahuätörö: —¿Ucuturu ppädädätucuacu esetätöjä tä̧ji̧? Jahuätö ädätinätödo: —A̧, esetätöjä, Tu̧ru̧hua̧.

San Marcos 11:10

Tä'o David ru̧hua̧ päi'önä ö̧jä̧cua̧mä̧, adiu ö̧jä̧cua̧. ¡Diosrö eseäcuähuätucui!

San Marcos 9:22

Ja̧'hua̧ta̧nö̧ espíritu su̧ro̧pa̧ cuä'ö icuarö pä'ö ocuränä'inä, ajiyanä'inä 'cuäopönä ma̧ä̧mö̧nä̧ jȩä̧'i̧jä̧cu̧. Ja̧'hua̧nö̧ ja̧'a̧ttö̧ ucu aditö cuicu'a̧nö̧ jö̧ttö̧mä̧ ujuturu re rö̧jö̧nä̧ topö ppä'äditö.

San Lucas 17:13

Huopinätödo: —¡Jesús, Huo̧juȩcuä̧ I̧sa̧! ¡Re rö̧jö̧nä̧ topi ujuturu!

San Lucas 20:41

Jesús pä'inödo jahuätörö: —Cristomä, David i̧tti̧ pä'ömä ¿dä̧bö̧ pätta'ajä̧ttö̧?

San Lucas 7:21

Jahuätö tti̧'chi̧'o̧mȩnä̧, Jesús aditö icuinödo rö̧ȩnä̧ ttö̧ja̧ ttumärichei. Korotö rö̧ȩnä̧ ubara ttu'ätörö'inä, espíritus suropätörö ku̧nä̧rä̧tö̧rö̧'i̧nä̧ aditö icuinödo. Ja̧'hua̧ta̧nö̧ ä̧to̧cä̧tö̧rö̧'i̧nä̧ tottönä jȩpi̧nö̧do.

San Juan 7:42

Huȩyu̧cuä̧ Huȩnȩ päa'a: “Cristo, ru̧hua̧ David a̧hua̧ru̧hua̧ jä̧cua̧. Ja̧'hua̧ta̧nö̧ David ö̧ji̧no̧mȩ, Belén ötahuiyänä u̧huä̧pä̧chä̧cua̧,” päa'a.

Romanos 1:3

Ja̧u̧ huȩnȩ jiähua'a Dios I̧tti̧rö̧, Tu̧ru̧hua̧ Jesucristorö. Ja̧u̧ ttö̧ja̧ i̧sa̧ uhuäpächinö ö̧tä̧mö̧ mi̧nä̧ttö̧ David isotö i̧sa̧ jö̧nä̧.

Romanos 9:5

Jahuätömä tä̧do̧tö̧ mi̧nä̧ ttahuaruhuä isotö. Cristomä pi̧jä̧nä̧ ö̧jo̧mȩnä̧, jahuätö isotö i̧sa̧ pi̧nö̧. Ja̧'hua̧ta̧nö̧ chutä Diosrö, o'ca juiyönä Ru̧hua̧rö̧, 'cuäopönä tesehuaja. Amén.