San Mateo 8:16 - TÄ̧DO Ä̧CUÄ̧ I̧HUȨNȨ

¹⁶ Ja̧u̧nu̧ mo̧ro̧ ni̧pä̧ro̧mȩ päi'omenä, recuätö espíritus suropätörö ku̧nä̧rä̧tö̧rö̧ i'cächinätödo Jesús ö̧jo̧mȩcu̧. Jahuätörö ya'utenätä ucuocu rä'epö icuinödo espíritus suropätörö. Na̧'ä̧chä̧tö̧rö̧'i̧nä̧ aditö icuinödo.

Nuevo Testamento Uwotjüja

¹⁶ Ni̧pä̧cho̧mȩnä̧, Jesú ü̧jo̧mȩku̧ epíritu-tu̧tu̧ suropätü ttü̧ja̧kuä̧u̧ru̧ tti'chächa'a aditü ikuinü̧; suro i̧wȩnȩnä̧tä̧ rä'epä'chü iku, o'katoi'ünä̧rü̧ na̧nȩpä̧tü̧rü̧ aditü ikuinü̧.

San Mateo 8:16 ပူးပေါင်းရင်းမြစ်များ

San Mateo 12:22

Jesús ö̧jo̧mȩ ȩpi̧nä̧tö̧do ya̧tȩ ä̧to̧ca̧rö̧. Ja̧u̧ ä̧to̧ca̧mä̧ i̧huȩnȩ'i̧nä̧ jui'inödo. Ja̧u̧ ubo espíritu su̧ro̧pa̧rö̧ ku̧nä̧ri̧nö̧do. Jesús ja̧u̧ru̧ aditö icuäji o'ca'a adiu topö ucuocuinödo i̧huȩnȩnä̧.

San Mateo 14:14

Jesús huoi'cattö huä̧mi̧'ö̧, recuätö ttö̧ja̧rö̧ topinödo. Jahuätörö a̧'cua̧ tta̧ jö̧nä̧ topinödo. Na̧'ä̧chä̧tö̧rö̧ tti'cächäjä̧u̧ru̧ aditö icuinödo.

San Mateo 8:15

Jesús ku̧mö̧nä̧ mȩ'ö̧ märichei na̧jä̧cha̧'a̧ aditö icuinäcuado. Ja̧'hua̧nö̧ jȩä̧ji̧ o'ca'a ä̧rä̧mi̧'ö̧ ttu̧cuȩ iyinäjudo.

San Mateo 8:33

Ja̧'hua̧nö̧ päi'omenä, cu̧chi̧tö̧rö̧ tta̧'ä̧rä̧tö̧ ye'ecu jopinätödo. Ötahuiyära̧'a̧ 'chä̧hui̧'ö̧, o'ca juiyönä tottäjimä ji'ähuinätödo. U̧mä̧tö̧rö̧ espíritus suropätörö ku̧nä̧rä̧jä̧tö̧rö̧ 'cuäopäji'inä ji'ähuinätödo o'ca juiyönä.

San Mateo 9:2

Juhua'a ö̧jo̧mȩnä̧, ya̧tȩ yoröiso 'cuä̧'a̧rö̧, ö̧rä̧sa̧nä̧ ö̧ra̧'a̧ ȩpi̧nä̧tö̧do Jesús ö̧ja̧'a̧cu̧. Ja̧u̧ru̧ i'cächäjätörö rö̧ȩnä̧ tteseta'a topö, Jesús pä'inödo ja̧u̧ 'cuä̧'a̧rö̧: —Chi̧tti̧, esehui. Suronä jȩcu̧'i̧nö̧mä̧ jȩpö̧ icusä.

San Marcos 2:3

Ja̧'hua̧ ja̧'a̧ pa̧ja̧cuä̧nö̧ u̧mä̧tö̧ i'cächinätödo Jesús ö̧ja̧'a̧cu̧ ya̧tȩ 'cuä̧'a̧rö̧.

San Marcos 5:8

Chutä ubo ja̧'hua̧nö̧ pä'inödo Jesús päiyäcu. Jesús pä'inödo: —¡Espíritu su̧ro̧pa̧, ja̧u̧ ubottö rä'opächi!

San Marcos 9:25

Recuätö ttö̧ja̧ ttö̧ca̧ca̧cui̧'a̧'a̧ tomenä, Jesús ro̧'ȩpö̧ pä'inödo espíritu su̧ro̧pa̧rö̧: —Espíritu su̧ro̧pa̧ ucuocuocö'inä, ä̧ju̧cuo̧cö̧'i̧nä̧, ucuru hue'ösä ja̧u̧ mö̧ä̧ya̧ttö̧ räcuhuopa pä'ö. Pä'äji ta'anömä ja̧u̧ru̧ docuhuächä'.

San Lucas 13:12

Jesús topö, huopo'ö pä'inödo: —Isaju, täcö pi̧'ä̧ju̧jä̧ cumäricheittömä.

San Lucas 4:40

Ja̧u̧nu̧ o'ca'a kä̧hua̧ ma̧ä̧chä̧ji̧ o'ca'a, o'ca toi'önä koro na̧'ä̧chä̧tö̧rö̧'i̧nä̧, märichei na̧'ä̧chä̧tö̧rö̧'i̧nä̧ i'cächinätödo Jesús ö̧ja̧'a̧cu̧. Ja̧u̧ o'ca toi'önärö u̧mö̧nä̧ mȩ'ö̧, aditö icuinödo jahuätörö.

San Lucas 4:41

Recuätö na̧nȩpä̧tö̧ttö̧mä̧ espíritus suropätö rä'ächinätödo. Huopö pä'inätödo: —Ucumä Dios I̧tti̧jä̧. Ja̧'hua̧nö̧ ja̧'a̧nä̧ Jesús jahuätö espíritus suropätö ttucuocu juiyönä hueinä̧u̧do, chutä Cristo ja̧'a̧mä̧ ttu̧huo̧jua̧'a̧ttö̧.

Hechos 5:15

Na̧nȩpä̧tö̧rö̧ mä̧ni̧yä̧nä̧ rä'epö rötinätödo sabana'cuanä'inä, huä̧ri̧sa̧nä̧'i̧nä̧, Pedro 'cuäopomenä a̧'cua̧juä̧ yotöcunä ttuhuämenä 'cuäo'a pä'ö.