San Mateo 6:28 - TÄ̧DO Ä̧CUÄ̧ I̧HUȨNȨ

²⁸ “¿Dä̧bö̧ cua̧mö̧cuä̧rä̧tu̧cuä̧ttö̧, cu̧'ca̧tä̧huä̧ti̧yu̧mä̧? De'a jähuä ȩ'u̧ bahua'a topö amöcuädätucui. Yoröiso aditö'inä aditocö, ö̧'ca̧tä̧huä̧ta̧'i̧nä̧ aditocö ja̧u̧ ȩ'u̧mä̧.

Nuevo Testamento Uwotjüja

²⁸ Ja̧'wa̧ta̧nü̧ ku̧'ka̧tä̧wä̧ti̧yu̧tu̧ku̧'i̧nä̧, ¿tta̧'a̧nü̧ pä'ü kua̧'kua̧ rokuekuätukua'ajä̧ttü̧? amükuädü topätukui: pättiyunä̧ kka̧ku̧ lirios pättü büó juoa'a: aditü'i̧nä̧ aditokü ja̧'a̧nä̧, pü̧jä̧ appiyä'i̧nä̧ 'kuä̧o̧kü̧ ja̧'a̧nä̧.

San Mateo 6:28 ပူးပေါင်းရင်းမြစ်များ

San Mateo 10:10

Cusacuyu'inä cuȩpä̧tu̧cuä̧'. Cua̧mö̧ca̧ i̧sä̧ta̧mä̧ ji̧ta̧cu̧nä̧tä̧ ȩpä̧tu̧cui. Cu̧jä̧pö̧ isäya'inä, cuitta'ca'inä cuȩpä̧tu̧cuä̧'. Iso päi'önä ya̧tȩ adicuä i̧sa̧rö̧ u̧cuȩ ttiyö'a̧nö̧ ja̧'a̧.

San Mateo 6:25

Juhua'a yabonö huo̧juȩti̧nö̧do Jesús: —Ja̧'hua̧ta̧nö̧ ucuturu pä'ösä, “Däje chahuäcua'ajo, däje chucuäcua'ajo” pä'ömä cua̧mö̧cuä̧rä̧tu̧cuä̧'. Ja̧'hua̧ta̧nö̧ cu̧'ca̧tä̧huä̧ti̧yu̧'i̧nä̧ cua̧mö̧cuä̧rä̧tu̧cuä̧'. Iso päi'önä, ¿cu̧ja̧cuä̧tu̧cu̧mä̧ cu̧cuȩttö̧'i̧nä̧ abonänö micuähuoca'a tä̧ji̧? ¿Cuidepämä cu̧'ca̧tä̧huä̧ti̧yu̧ttu̧'i̧nä̧ abonänö micuähuoca'a tä̧ji̧?

San Mateo 6:27

Ja̧'hua̧ta̧nö̧ ucututtu ya̧tȩ rö̧ȩnä̧ a̧mö̧cuä̧rö̧ttö̧mä̧, ¿ucututtu'inä abonänö böo pä'i'ö tä̧ji̧?

San Mateo 6:31

Ja̧'hua̧nö̧ ja̧'a̧ttö̧ ¿Däje tucuäcua'ajä̧ttö̧? ¿Däje tahuäcua'ajä̧ttö̧? ¿Däje tö̧'ca̧tä̧huä̧cua̧'a̧jä̧ttö̧? pä'ö a̧mö̧cuä̧rö̧ päcuhuätucuä'.

San Lucas 10:41

Ja̧'hua̧nö̧ ja̧'a̧nä̧ Jesús ädätinäcuado: —Iso Marta, jȩcu̧'u̧nä̧tä̧ rö̧ȩnä̧ a̧mö̧cuä̧rö̧, cua̧'cua̧ huȩnä̧rä̧ju̧jä̧ koro juäinätä.

San Lucas 12:11

“Ja̧'hua̧nö̧ ja̧'a̧ judíos ttu̧huo̧jui̧'i̧nodehuiyära̧'a̧ ucuturu ttȩpö̧ttö̧'i̧nä̧ ruhuotö ttä'ca jo̧mȩ ttȩpö̧ttö̧'i̧nä̧, cuädätätucuä̧cuȩmä̧ cuamöcuädätucuä'.

San Lucas 12:22

Ja̧u̧nu̧ o'ca'a Jesús pä'inödo u̧huo̧juȩtä̧u̧ru̧: —Ja̧'hua̧ta̧nö̧ ucuturu pä'ösä, “¿Däje chucuäcua'ajo?” pä'ömä cua̧mö̧cuä̧rä̧tu̧cuä̧'. Ja̧'hua̧ta̧nö̧ cu̧'ca̧tä̧huä̧ti̧yu̧'i̧nä̧ cua̧mö̧cuä̧rä̧tu̧cuä̧'.

San Lucas 12:27

“Ȩ'u̧ bahua'a topö amöcuädätucui. Yoröiso aditö'inä aditocö, ö̧'ca̧tä̧huä̧ta̧'i̧nä̧ aditocö ja̧u̧ ȩ'u̧mä̧. Ja̧'hua̧nö̧ ja̧'a̧nä̧'i̧nä̧ pä'ösä ucuturu, ru̧hua̧ Salomón, järe ru̧hua̧ ö̧ja̧'a̧nä̧ ö̧'ca̧tä̧huä̧ti̧yu̧ adihuä juäi 'ca̧tä̧hui̧nö̧'i̧nä̧, ȩ'u̧ttu̧'i̧nä̧ abonänö adiumä 'ca̧tä̧huo̧cö̧ pi̧nö̧do.

San Lucas 3:11

Juan jahuätörö ädätinödo: —To̧ta̧rȩ a̧mö̧ca̧ o̧ta̧ ku̧nä̧rö̧mä̧ ji̧ta̧tȩ iyö'a̧nö̧ ja̧'a̧ ya̧tȩ yoröiso jui̧'a̧rö̧. Ja̧'hua̧ta̧nö̧ u̧cuȩ ku̧nä̧rö̧mä̧ 'quȩ'ȩpö̧ iyö'a̧nö̧ ja̧'a̧ ya̧tȩ u̧cuȩ jui̧'a̧rö̧.

Filipenses 4:6

Koro koronö cuamöcuädätucuä'. 'Cuäopönä Diosrö jä'epö ucuocuätucui. Ja̧'hua̧ta̧nö̧ eseunu ucuocuätucuirö.

1 Pedro 5:7

O'ca juiyönä cuamöcuädätucumä, Diosrö ji'ähuätucui. Ja̧u̧tä̧ a̧mö̧cuä̧rö̧ ucuturu.