San Mateo 6:12 - TÄ̧DO Ä̧CUÄ̧ I̧HUȨNȨ

¹² Ja̧'hua̧ta̧nö̧ ujutu suronä jȩtö̧mä̧ jȩpö̧ icu unichi'i, korotömä ujuturu suronä jȩpä̧tö̧rö̧ jȩttö̧ tunichi'ö'a̧nö̧.

Nuevo Testamento Uwotjüja

¹² Ujuturu suronä̧ jȩpä̧tü̧rü̧, mikuä jȩtü̧ juiyüta'anü̧, suronä̧ jȩtä̧'i̧jü̧mä̧ mikuäwächünä̧mä̧ jȩ'kuä̧tü̧.

San Mateo 6:12 ပူးပေါင်းရင်းမြစ်များ

San Mateo 26:28

Pi̧yȩmä̧ ttö chucuoja ja̧'a̧, jareö huȩnȩ chiya pä'ö ucuturu. Pi̧yȩ chucuojamä eräcua'a recuätö ttö̧jä̧ suronä jȩttö̧ jȩpö̧ icua pä'ö.

San Mateo 9:2

Juhua'a ö̧jo̧mȩnä̧, ya̧tȩ yoröiso 'cuä̧'a̧rö̧, ö̧rä̧sa̧nä̧ ö̧ra̧'a̧ ȩpi̧nä̧tö̧do Jesús ö̧ja̧'a̧cu̧. Ja̧u̧ru̧ i'cächäjätörö rö̧ȩnä̧ tteseta'a topö, Jesús pä'inödo ja̧u̧ 'cuä̧'a̧rö̧: —Chi̧tti̧, esehui. Suronä jȩcu̧'i̧nö̧mä̧ jȩpö̧ icusä.

San Marcos 11:25

Ja̧'hua̧ta̧nö̧ Diosrö cucuocuätucuomenä, cu̧jä̧hua̧rö̧ suronä cuamöcuädätucuttumä, suronä cuamöcuädätucumä unichi'ätucuirö, Cuä'otucu mo̧ro̧jä̧nä̧ kö̧'i̧nä̧ ucutu suronä jȩcu̧'ä̧tu̧cu̧ unichi'äcua'a̧nö̧.

San Lucas 11:4

Ja̧'hua̧ta̧nö̧ ujutu suronä jȩtö̧mä̧ jȩpö̧ icu unichi'i, korotömä ujuturu suronä jȩpä̧tö̧rö̧ jȩttö̧ tunichi'ö'a̧nö̧. Ja̧'a̧tä̧mä̧ tocu'ätö ähuettä suronä jȩa̧'a̧nä̧mä̧. Yabocutä surojöttö ejädö icuitö.

San Lucas 13:4

Ja̧'hua̧ta̧nö̧ ¿ucutu amöcuädätöjä tä̧ji̧ jitö dieciocho ttö̧ja̧ Siloé ötahuiyä isode ju'toju isodettö to'einätömä, korotö Jerusalén ötahuiyänä ka̧cui̧nä̧tö̧ttö̧'i̧nä̧ abonänö suronä jȩtti̧na̧'a̧ttö̧ ttuhuämettö nu'cuächi'ö ma̧i̧nä̧u̧ pä'ö?

San Lucas 6:37

Juhua'a yabonö huo̧juȩti̧nö̧do Jesús: —Korotörö suronä päcuhuätucuä', Dios ucuturu'inä suronä päö juiyäcua'a̧nö̧. Ra̧huä̧rö̧ suronä cucuocuätucuä' korotörö, Dios'inä ra̧huä̧rö̧ ucuocu juiyäcua'a̧nö̧ ucuturu. Korotö suronä jȩtto̧mȩnä̧ unichi'ätucui, Dios'inä suronä jȩcu̧'ä̧tu̧cu̧ unichi'äcua'a̧nö̧.

Hechos 13:38

O'ca toi'önä ucuturu, chahuaruhuä, Jesucristo jȩi̧nö̧mä̧ ji'äusä cu̧huo̧juä̧tu̧cua̧ pä'ö, Dios suronä jȩcu̧'ä̧tu̧cu̧ jȩpö̧ icu pä'ö.

Efesios 1:7

Dios ujuturu rö̧ȩnä̧ repea'attö, I̧tti̧ 'corupäi'omenä, ujutu suronä jȩtö̧ jȩpö̧ icuinö.

Efesios 4:32

Pärocua'acu korotörö re rö̧jö̧nä̧ topö ppä'ädätucui. Ja̧'hua̧ta̧nö̧ ucuturu suronä jȩtto̧mȩnä̧, unichi'ö ucuocuätucuitö, Dios ucutu suronä jȩcu̧'i̧nä̧tu̧cu̧ jȩpö̧ icuinö ta'anö, Cristorö cuesetätucuomenä.

Colosenses 3:13

Korotörö cuami 'qui'ächi'önö ppä'ädätucui. Korotömä suronä jȩtto̧mȩnä̧ ucuturu, unichi'ätucui cu̧ra̧huä̧rä̧tu̧cuo̧ca̧'a̧. Cristo ucuturu suronä jȩcu̧'ä̧tu̧cu̧ unichi'inö ta'anö, unichi'ätucui korotörö.