San Mateo 5:30 - TÄ̧DO Ä̧CUÄ̧ I̧HUȨNȨ

³⁰ Ja̧'hua̧ta̧nö̧ cu̧mö̧ ji̧mö̧tȩ suronä jȩcu̧'a̧ pä'ö hueöttömä, 'cui'ocu icu oto do'opö icui. Iso päi'önä cu̧mö̧ ji̧mö̧tȩnä̧tä̧ toei'omenä, cuidepä o'ca juiyönä ocurä beipocaränä toei'öttö'inä abonänö adihua'ado, —pä'ö huo̧juȩti̧nö̧do Jesús.

Nuevo Testamento Uwotjüja

³⁰ Ja̧'wa̧ta̧nü̧ ku̧wo̧jua̧'a̧ku̧nä̧ ku̧mü̧ surojünä̧ ma̧kuä̧chü̧nä̧ jȩü̧ttü̧mä̧, 'kui'oku iku ukuttütä otó do'opü ikui; ja̧'wa̧nü̧ jo̧ka̧'a̧ jü̧ttü̧mä̧, kuidepä o'kajuiyünä̧ okurära̧'a̧ do'opü ikuäwi'äkua̧jä̧.

San Mateo 5:30 ပူးပေါင်းရင်းမြစ်များ

San Mateo 11:6

Ja̧'hua̧ta̧nö̧ ttörö jaroi'a pä'ö amöcuädocömä eseunu ö̧ja̧cua̧, pä'ö jicuhuähuätucuaröja, —pä'inödo Jesús.

San Mateo 13:21

Jahuätö ujupo'tiyä juiya'attö, recuo 'quiyönä esetocotö. Dios i̧huȩnȩ tteseta'attö, jahuätörö suronä 'cuäopomenä, jaropi'ätö.

San Mateo 16:23

Ja̧'hua̧ ja̧'a̧ Jesús kärächi'ö pä'inödo Pedrorö: —¡Ttöttö 'quȩ'i̧pä̧chi̧, Satanás! Ttörö suronä pä'öjä. Dios amöcuädö ta'anö, yoröiso amöcuädocöjä. Pi̧jä̧ ttö̧ja̧ ttamöcuädö ta'anötä amöcuädöjä.

San Mateo 17:27

Ja̧'hua̧nö̧ ja̧'a̧nä̧, korotö suronä ttucuocu juiya pä'ö, duborara̧'a̧ po̧i̧rö̧ 'chocuhua täi. Äcuomenä 'chocuhuäcuru 'cho'ö icui. Ja̧u̧ po̧i̧ i̧sa̧ änä pärätä̧bi̧ cu̧'o̧cui̧'ä̧cua̧jä̧. Ja̧u̧ pärätä ȩmi̧pö̧, ruhuotörö cuimita täi, ttö chimippotö'inä, ucu cuimippotö'inä, —pä'inödo Jesús.

San Mateo 18:8

“Ja̧'hua̧nö̧ ja̧'a̧ttö̧ cu̧mö̧'i̧nä̧, cu̧jä̧pö̧'i̧nä̧ suronä jȩcu̧'a̧ pä'ö hueöttömä, 'cui'ocu icu, oto do'opö icui. Iso päi'önä, cu̧mö̧ to̧mö̧rȩ ka̧'a̧nä̧, cu̧jä̧pö̧ to̧'u̧rȩ ka̧'a̧nä̧, ocurära̧'a̧ cui̧'cha̧'a̧ttö̧'i̧nä̧ abonänö adihua'ado cu̧huä̧nä̧hua̧'a̧ doächäcuähuänä cu̧mö̧ ji̧mö̧tȩtä̧, cu̧jä̧pö̧ ji̧'u̧tȩtä̧ ka̧'a̧ 'chä̧cuä̧huä̧nä̧.

San Mateo 22:13

Ja̧'hua̧ ja̧'a̧ ru̧hua̧ pä'inödo öäre mesa isodänä iyätörö: “Ja̧u̧ru̧ u̧mö̧nä̧'i̧nä̧, ö̧jä̧pö̧nä̧'i̧nä̧ nö'quipö'cotö u̧mi̧cu̧ yo̧mȩcu̧ do'opö icuätucuirö. Juhua'attö rö̧ȩnä̧ ubara ttu'u ajuäunu ttacu ä̧chi̧jö̧nä̧ jȩttä̧cuo̧tö̧.”

San Mateo 25:20

Äcuomenä cinco mil bolívares jo̧mȩnä̧ ȩmi̧nö̧mä̧ ichi'ö, ru̧hua̧rö̧ cinco mil bolívares jo̧mȩnä̧ ppa̧'ä̧di̧nö̧do. Ja̧u̧ pä'inödo: “Chu̧ru̧hua̧, cinco mil bolívares jo̧mȩnä̧ cuiyinäcusä. Koro cinco mil bolívares jo̧mȩnä̧'i̧nä̧ ttö aditö chȩmi̧nö̧mä̧ ucuru iyösä.”

San Mateo 26:31

Juhua'attö Jesús pä'inödo u̧huo̧juȩtä̧u̧ru̧: —Jitä yodo ucutumä o'ca toi'önä ttörö jarocu'ipäcuotöjä. Huȩyu̧cuä̧ Huȩnȩ päa'a: “O̧vȩja̧stö̧rö̧ tta̧huä̧rä̧cuä̧huä̧ i̧sa̧rö̧ cuä'ö chi̧cuä̧cua̧. Ja̧u̧ru̧ cuä'ö chicu o'ca'a, o̧vȩja̧stö̧ töttipächäcuotö.”

San Mateo 5:22

Jitämä ttö pä'ösä ucuturu, ya̧tȩ ö̧jä̧hua̧rö̧ ö̧ra̧huä̧rö̧ttö̧mä̧, ja̧u̧ru̧'i̧nä̧ ttö̧tä̧bo̧tö̧'a̧nö̧ ja̧'a̧. Ja̧'hua̧ta̧nö̧ ya̧tȩ suronä ädätö ucuocuttumä ö̧jä̧hua̧rö̧, ruhuotö ttö̧tä̧bo̧tö̧'a̧nö̧ ja̧'a̧ ja̧u̧ru̧. Ja̧'hua̧ta̧nö̧ ya̧tȩ ö̧jä̧hua̧rö̧ “suripächöjä” päöttömä, ja̧u̧mä̧ ocurä beipocaränä cuo'ö icu'a̧nö̧ ja̧'a̧.

San Mateo 5:29

“Ja̧'hua̧ta̧nö̧ cu'äre jirete suronä jȩcu̧'a̧ pä'ö hueöttömä, baropö icu oto do'opö icui. Iso päi'önä cu'äre jiretenätä toei'omenä, o'ca juiyönä cuidepä ocurä beipocaränä toei'öttö'inä abonänö adihua'ado.

San Marcos 9:43

Ja̧'hua̧ta̧nö̧ cu̧mö̧ suronä jȩcu̧'a̧ pä'ö hueöttömä, 'cui'ocu icui. Iso päi'önä cu̧mö̧ to̧mö̧rȩ ka̧'a̧nä̧ ocurära̧'a̧, yoröiso beipocarära̧'a̧ cui̧'cha̧'a̧ttö̧'i̧nä̧ abonänö adihua'ado cu̧huä̧nä̧hua̧'a̧ doächäcuähuänä cu̧mö̧ ji̧mö̧tȩtä̧ ka̧'a̧ 'chä̧cuä̧huä̧nä̧.

San Lucas 12:5

Ja̧'hua̧nö̧ ja̧'a̧nä̧ yȩ'ȩcuä̧cuä̧hua̧rö̧ jidähuä̧u̧jä̧. Ye'ecuätucui ttö̧jö̧ to'ädö icuipö'ca̧, ocurära̧'a̧ hueähuänä ujuru ku̧nä̧rö̧rö̧. A̧, ye'ecuätucui ja̧u̧ru̧tä̧.

San Lucas 17:2

Ya̧tȩ ubo pa̧'a̧nö̧ ji̧'qui̧cha̧hua̧ ta'anö huotörö suronä jȩtta̧ pä'ö huȩ'ä̧rö̧, ja̧u̧ru̧ u̧ru̧pä̧'quȩnä̧ ido'qui ti̧'ä̧dö̧ aje täcuome päte'ö kä'ö tticu'a̧nö̧ hua̧.

Romanos 9:33

Huȩyu̧cuä̧ Huȩnȩnä̧ juhuo'quinä pä'ö huȩyu̧cua̧'a̧: Ttö rötösä Siónnä ido'qui 'tö̧'ȩpö̧ ma̧ä̧huo'qui jä̧'i̧nö̧'a̧nö̧ hua̧rö̧. Ja̧u̧ru̧ esetömä, dä'ä ttu'ocö, huȩyu̧cua̧'a̧.

1 Corintios 8:13

Ja̧'hua̧ ja̧'a̧ttö̧ ttömä koro juäi chucuomenä, ya̧tȩ chö̧jä̧hua̧mä̧ ttörö topö suronä amöcuädöttömä, ja̧u̧nu̧ o'ca'a ttömä yoröiso cuocösä idepämä, korotö ttörö topö suronä ttamöcuädö juiyäcua'a̧nö̧.

Gálatas 5:11

Juhuorö'inä chö̧jä̧hua̧tö̧, ttö ji̧nä̧ circuncisión jȩtta̧ pä'ö chu̧huo̧juȩtö̧ttö̧mä̧, judíos ttö̧ja̧ yoröiso ttö̧ra̧huä̧ro̧co̧cu̧sä̧. Ja̧'hua̧nö̧ jö̧ttö̧mä̧ Cristo dau isodänä 'corupäi'inö huȩnȩmä̧ ttä̧ju̧cuo̧mȩnä̧, ra̧huä̧ro̧co̧tö̧ pajatö a̧'cua̧ra̧'a̧.

1 Pedro 2:8

Ja̧'hua̧ta̧nö̧ pi̧yȩ päinö huȩnȩ'i̧nä̧ 'cuäopa'a. Ja̧u̧ inähuä döttäcuähuä jä̧'i̧nö̧'a̧nö̧ kö̧. Juhuähuä inähuänä dö'ö ma̧ttähuä jä̧'i̧nö̧'a̧nö̧ kö̧, päa'a Huȩyu̧cuä̧ Huȩnȩ. Jahuätö Dios i̧huȩnȩ esetocotömä, inähuä dö'ö ma̧'ä̧chä̧tö̧ jä̧'i̧nö̧'a̧nö̧ ka̧cuä̧tö̧. Jahuätö ttuhuäpächäcua'a ä'canä, jahuätörö ja̧'hua̧nö̧ 'cuäopäcua'a pä'ö amöcuädinö Dios.