San Mateo 5:17 - TÄ̧DO Ä̧CUÄ̧ I̧HUȨNȨ

¹⁷ Juhua'a yabonö huo̧juȩti̧nö̧do Jesús: —Moisés hueähuä huȩnȩ'i̧nä̧, Dios i̧huȩnȩ jiäcuähuä isotö ttu̧huo̧juȩti̧nö̧'i̧nä̧ jȩpö̧ icu ichäjicö̧ pä'ömä cuamöcuädätucuä'. Ja̧u̧ huȩnȩ jȩpö̧ chicua pä'ö ichocö päjisä. Ji̧nä̧ isocu ja̧u̧ huȩnȩ jȩpö̧ kä̧nö̧ adiu cu̧huo̧juä̧tu̧cuä̧cua̧'a̧nö̧ huo̧juȩtö̧ ichäjisä.

Nuevo Testamento Uwotjüja

¹⁷ Weäwä wȩnȩ'i̧nä̧, profetas jittäwi̧nü̧'i̧nä̧ si'epü iku ichinü̧ pä'ümä̧ kuamükuädätukuättü̧, pärokua'aku jo̧mȩnü̧ mikuäwächünä̧tä̧ ji'äu ichinü̧sä̧.

San Mateo 5:17 ပူးပေါင်းရင်းမြစ်များ

San Mateo 3:15

Ja̧'hua̧nö̧ ja̧'a̧ttö̧ Jesús ädätinödo: —Jitämä huäinä jä̧cua̧'a̧. Pa̧'a̧nö̧ jȩta̧ja̧, o'ca juiyönä Dios päinömä 'cuäopäcua'a̧nö̧. Ja̧'hua̧nö̧ päiyäcu Juan bautizando jȩpi̧nö̧do Jesúsru.

San Mateo 7:12

“Ja̧'hua̧nö̧ ja̧'a̧ttö̧ korotö ucuturu jȩtta̧ päcuhuätucumä, jahuätörötä ä'canä adiu jȩpä̧tu̧cui̧, ucutu jȩcu̧'ä̧tu̧cu̧ ta'anö jȩtta̧ pä'ö ucuturu. Iso päi'önä Moisés hueähuä huȩnȩ'i̧nä̧, Dios i̧huȩnȩ jiäcuähuä isotö pättinö huȩnȩ'i̧nä̧ ja̧'hua̧nö̧ päa'a, —pä'ö huo̧juȩti̧nö̧do Jesús.

San Lucas 16:17

“Mo̧ro̧jä̧'i̧nä̧, pi̧jä̧'i̧nä̧ beipächa'anä, hueähuä huȩnȩ ji̧'qui̧cha̧nö̧'i̧nä̧ beipächocödo.

San Juan 8:5

Moisés hueähuä huȩnȩ ujuturu päa'a, pa̧'a̧nö̧ huotörö ido'quinä icu cuä'ö tticuatö pä'ö. Ucutä ¿tta̧'a̧nö̧ päcuhuättö?

Hechos 18:13

Ru̧hua̧rö̧ pä'inätödo: —Pidemä ttö̧ja̧rö̧ ji'äu Diosrö ttamöcuäda pä'ö hueähuä huȩnȩ hueöttö'inä i̧mi̧cu̧nä̧.

Hechos 21:28

Huopinätödo: —¡Israel ttö̧ja̧, ppä'ädächätucui! Pide pi̧jä̧ o'ca juiyönä ka̧cuä̧tö̧rö̧ huo̧juȩtö̧ cue'ächö Israel ttö̧ja̧rö̧'i̧nä̧, Moisés hueähuä huȩnȩ'i̧nä̧, pode Diosrö ucuocuäcuähuode'inä ttucuotö juiyönä. Jitämä judíos huocotörö i'cächäji Diosrö ucuocuäcuähuode jacuä. Ja̧'hua̧nö̧ jȩpö̧, suronä jȩpä̧ji̧ podettö.

Hechos 6:13

Ja̧'hua̧nö̧ ja̧'a̧ korotörö usinätödo ji̧nä̧ iso ruhuotö ttä'ca jo̧mȩttö̧ Estebanrö yapareu jittähua pä'ö. Pä'inätödo: —Pide 'cuäopönä ji'äu Diosrö ucuocuäcuähuodemä surojode pä'ö, hueähuä huȩnȩ'i̧nä̧ suroja'a pä'ö.

Romanos 10:4

Cristo be'epäjipö icuinö Moisés hueähuä huȩnȩ. O'ca toi'önä churutä esetätörömä, Dios jȩpö̧ chutäcu ji̧nä̧ ji̧yȩtȩ huotö tta pä'ö.

Romanos 3:31

Ja̧hua̧ ja̧'a̧ Dios jȩpö̧ ja̧u̧cu̧ ji̧nä̧ ji̧yȩtȩ huotö tta pä'ö tesetomenä, ¿hueähuä huȩnȩ jȩpö̧ icuätöjä tä̧ji̧? Isocö̧. Ja̧'hua̧nö̧ esetö: “Hueähuä huȩnȩ adiu jȩä̧cuä̧huä̧” pä'atöjä.

Romanos 8:4

Ja̧'hua̧nö̧ jȩpi̧nö̧ Dios, hueähuä huȩnȩ hueö jȩta̧ pä'ö. Ujutu tidepä pä̧huä̧ rö̧jö̧tä̧ ko̧co̧tö̧jä̧. Espíritu Santorö pä̧huä̧ rö̧jö̧tä̧ ka̧cuä̧tö̧jä̧.