San Mateo 3:17 - TÄ̧DO Ä̧CUÄ̧ I̧HUȨNȨ

¹⁷ Ja̧'hua̧nö̧ ja̧'a̧ttö̧ mo̧ro̧jä̧ra̧'a̧ttö̧ ya̧tȩ i̧huȩnȩ rä̧mi̧pa̧'a̧ ä̧ju̧cui̧nä̧tö̧do. Ja̧u̧ huȩnȩ päina'ado: —Pidemä ttö Chi̧tti̧ rȩni̧'a̧. Ja̧u̧ru̧ juiyo eseusä, —päina'ado.

Nuevo Testamento Uwotjüja

¹⁷ Ja̧'wa̧nü̧ päi'omȩnä̧, mo̧ro̧jä̧ra̧'a̧ttü̧ i̧wȩnȩ ji̧yȩtȩ rä̧mi̧pi̧na̧'a̧: «Pidemä̧ chi̧tti̧ rü̧ȩnä̧ rȩni̧'a̧, jua̧u̧ru̧ juiyo eseusä.»

San Mateo 3:17 ပူးပေါင်းရင်းမြစ်များ

San Mateo 12:18

Pidemä ttö chu̧mö̧huä̧ya̧. Ttö ja̧u̧ru̧ o'ipinösä. Ja̧u̧ru̧ eseunu repe'ösä. Ttö Espírituru chi̧yä̧cua̧sä̧ ja̧u̧ru̧. Ttö huedömä o'ca toi'önärö ji̧ä̧huä̧cua̧.

San Mateo 17:5

Pedro ja̧'hua̧nö̧ ucuocuomenä, ajiya isoppa tȩa̧u̧ mȩyȩhui̧'i̧na̧'a̧do jahuätö ttö̧ja̧cuo̧mȩcu̧. Ajiya isoppattö ya̧tȩ i̧huȩnȩ ucuocua'a ä̧ju̧cui̧nä̧tö̧do: —Pidemä ttö Chi̧tti̧ rȩni̧'a̧. Ttömä juiyo eseusä ja̧u̧ru̧. Ä̧ju̧cuä̧tu̧cui̧ ja̧u̧ru̧tä̧, —ucuocua'a ä̧ju̧cui̧nä̧tö̧do.

San Marcos 1:11

Ja̧'hua̧nö̧ ja̧'a̧ttö̧ mo̧ro̧jä̧ra̧'a̧ttö̧ ya̧tȩ i̧huȩnȩ rä̧mi̧pa̧'a̧ ä̧ju̧cui̧nä̧tö̧do. Ja̧u̧ huȩnȩ päina'ado: —Ucumä ttö Chi̧tti̧ rȩni̧'a̧jä̧. Ucuru juiyo eseusä, —päina'ado.

San Marcos 9:7

Ja̧'hua̧nö̧ ja̧'a̧ ajiya isoppa mȩyȩhui̧'i̧na̧'a̧do jahuätö ttö̧ja̧cuo̧mȩcu̧. Ajiya isoppattö ya̧tȩ i̧huȩnȩ ucuocua'a ä̧ju̧cui̧nä̧tö̧do: —Pidemä ttö Chi̧tti̧ rȩni̧'a̧. Ä̧ju̧cuä̧tu̧cui̧ ja̧u̧ru̧tä̧, —ucuocua'a ä̧ju̧cui̧nä̧tö̧do.

San Lucas 3:22

Ja̧'hua̧ta̧nö̧ Espíritu Santo unucu ta'anö hua̧ mȩyȩhui̧'ö̧ kä̧mä̧di̧nö̧do Jesúsru tottönä päi'önä. Ja̧'hua̧ta̧nö̧ ttä̧ju̧cu̧nä̧ mo̧ro̧jä̧ra̧'a̧ttö̧ ya̧tȩ i̧huȩnȩ rä̧mi̧pa̧'a̧ ä̧ju̧cui̧nä̧tö̧do. Ja̧u̧ huȩnȩ päina'ado: —Ucumä ttö chi̧tti̧ rȩni̧'a̧jä̧. Ucuru juiyo eseusä, —päina'ado.

San Lucas 9:35

Ja̧'hua̧nö̧ ja̧'a̧ ajiya isoppattö ya̧tȩ i̧huȩnȩ ucuocua'a ä̧ju̧cui̧nä̧tö̧do: —Pidemä ttö Chi̧tti̧ rȩni̧'a̧. Ä̧ju̧cuä̧tu̧cui̧ ja̧u̧ru̧tä̧.

San Juan 5:20

Ja̧'hua̧nö̧ ja̧'a̧nä̧ Jä'omä I̧tti̧rö̧ repe'ö. Ja̧'hua̧ta̧nö̧ o'ca juiyönä jȩö̧mä̧, i̧jȩpö̧ I̧tti̧rö̧. Koro juäi'inä, pi̧yȩttö̧'i̧nä̧ abonänö adihuä juäi i̧jȩpä̧cua̧. Ucutu ja̧u̧ juäi tocu'ätucuomenä, nö̧'ä̧chö̧ to̧cu̧'ä̧rä̧cuo̧tö̧jä̧.

San Juan 5:37

Chä'o'inä, ttörö hue'inömä, ttörö cuesetätucua pä'ö ucuocu. Ucutu ja̧u̧ i̧huȩnȩmä̧ yoröiso ä̧ju̧cuo̧co̧tö̧jä̧. Ja̧'hua̧ta̧nö̧ ja̧u̧ru̧ yoröiso topocotöjä.

Efesios 1:6

Ja̧'hua̧nö̧ ja̧'a̧ttö̧ chutä adihuä I̧tti̧rö̧ tesetomenä, ujuturu adihuä juäi iyinömä amöcuädö, 'cuäopönä eseäcuähuätöjä Diosrö.

Colosenses 1:13

Dios ujuturu ejädö icuinö yo̧ö̧ ujuruttu. Ja̧'hua̧ta̧nö̧ chutä I̧tti̧ rȩni̧'a̧rö̧ ujutu Tu̧ru̧hua̧ päi'önä ö̧ja̧ pä'ö hue'inö.

2 Pedro 1:17

Tä'o Dios I̧tti̧ Jesucristorö esehua'a topinätöjä. Ja̧'hua̧ta̧nö̧ Dios i̧huȩnȩ eseunu ucuocua'a ä̧ju̧cui̧nä̧tö̧jä̧. Chutä Dios pä'inö: “Pidemä ttö Chi̧tti̧ rȩni̧'a̧. Ja̧u̧ru̧ juiyo eseusä.”

1 Juan 5:9

Ttö̧ja̧ jittäumä ujutu ä̧ju̧cu̧ esetätöjä. Ja̧'hua̧nö̧ ja̧'a̧ Dios jiäumä ttö̧ja̧ jittäuttu'inä abonänö micuähua'a. Pi̧yȩ jiäumä Dios ji'ähuinö I̧tti̧rö̧ tteseta pä'ö.

Apocalipsis 14:2

Ja̧u̧nu̧ pä̧nä̧ koro huȩnȩ mo̧ro̧jä̧ra̧'a̧ttö̧ ajehuiyä rö̧ȩnä̧ ucuocu'a̧nö̧ ucuocua'a ä̧ju̧cui̧nö̧sä̧. Ja̧'hua̧ta̧nö̧ ja̧u̧ huȩnȩmä̧ pä̧i̧cu̧nä̧ cu'upä cöröächa'a jä̧'i̧nö̧'a̧nö̧ ucuocuina'a. Ja̧'hua̧ta̧nö̧ recuätö ttöäre arpas ttu̧mö̧nä̧ 'porähuä ucuocu'a̧nö̧ ucuocuina'a.