San Mateo 27:19 - TÄ̧DO Ä̧CUÄ̧ I̧HUȨNȨ

¹⁹ Ja̧'hua̧ta̧nö̧ ru̧hua̧ Pilato, ru̧hua̧ i̧dȩä̧cä̧nä̧ ö̧'a̧'a̧, irecua jittähuarö pä'ö hue'inäjudo. Jahuäju pä'inäjudo: “Ja̧u̧ uborö, adihuä i̧sa̧rö̧ jȩcu̧'ä̧'. Mo̧ro̧ji̧ yodo suronä 'cuo̧ti̧cuä̧jä̧ju̧sä̧, ja̧u̧ru̧ amöcuädö”, pä'inäjudo.

Nuevo Testamento Uwotjüja

¹⁹ Pilato-mä̧ ji̧nä̧ jua̧u̧ wȩnȩ ukuokua'anä̧, irekuamä̧ jittäwiyaju pä'ü we'inä̧ju̧: Mo̧ro̧ji̧ yodó suronä̧ 'kuo̧ti̧kuä̧jä̧ju̧sä̧ Jua̧u̧ suronä̧ jȩpo̧kü̧ ütü'kümä̧, Jua̧u̧ru̧mä̧ ukumä̧ jȩ'kuä̧, pä'ü.

San Mateo 27:19 ပူးပေါင်းရင်းမြစ်များ

San Mateo 1:20

Ja̧'hua̧nö̧ amöcuädomenä, ya̧tȩ ángel, Tu̧ru̧hua̧ huȩ'ä̧hua̧, 'cuo̧ti̧nä̧ i̧jȩcui̧nä̧cu̧do. Ja̧u̧ ángel pä'inödo: —José, David a̧hua̧ru̧hua̧, Maríarö cuirecua päi'önä cu̧ja̧ pä'ö yecuhuecuä'. Yajutä ki̧tti̧ u̧huä̧pä̧chä̧cua̧mä̧ Espíritu Santo jähuädo.

San Mateo 2:19

Ja̧'hua̧nö̧ ja̧'a̧ttö̧ Herodes hua'ö icuinö o'ca'a, ya̧tȩ ángel, Tu̧ru̧hua̧ huȩ'ä̧hua̧, Josérö i̧jȩcui̧nö̧do 'cuo̧ti̧nä̧ Egipto rȩjȩnä̧ ö̧ja̧'a̧. Ja̧u̧ pä'inödo:

San Mateo 2:22

Juhuorö'inä Herodes i̧tti̧ Arquelao Judea rȩjȩnä̧ ru̧hua̧ päi'önä ö̧ja̧'a̧ ä̧ju̧cu̧, José ye'ecuinödo juhua'a i̧'cha̧ pä'ö. Ja̧'hua̧nö̧ ja̧'a̧ttö̧ José u̧'cuo̧ti̧cuo̧mȩnä̧ Dios jiähuäji ta'anö, Galilea rȩjȩra̧'a̧ 'chi̧nö̧do.

San Mateo 27:18

Ja̧u̧ ru̧hua̧mä̧ huo̧jui̧nö̧do Jesúsru ra̧huä̧rö̧ ttiyina'a, chutä suronä jȩo̧ca̧'a̧nä̧.

San Mateo 27:24

Ru̧hua̧ Pilato amöcuädäji ta'anö jȩtto̧ca̧'a̧, ttö̧ja̧ ji̧nä̧ isocu huotta'a topinödo. Ajiya sä̧rä̧bä̧nä̧ tti'cächa pä'ö hue'inödo. Ttö̧ja̧ ttä'ca jo̧mȩttö̧ u̧mö̧ töcähuinödo. Ja̧'hua̧nö̧ jȩpö̧ pä'inödo: —Ttömä ja̧u̧ru̧ cuä'ö cuicuätucuamä hue'ocösä. Ucututä cuamönä cuä'ö icuätöjä.

San Mateo 27:4

Jahuätörö pä'inödo: —Ttömä suronä jȩpä̧ji̧sä̧ adihuä i̧sa̧rö̧, yoröiso suronä jȩpo̧cö̧rö̧, ucuturu chiyomenä. Ja̧'hua̧nö̧ päomenä, ädätinätödo: —Ja̧u̧mä̧ ¿tta̧'a̧nö̧ pätäcua'ajä̧ttö̧ ujutumä? Ja̧u̧mä̧ ucutä jȩpä̧ji̧jä̧.

San Lucas 23:41

Ujutumä iso päi'önä jȩti̧nö̧ micuä päi'önä ttö̧tä̧bo̧tä̧u̧jä̧. Pidemä suronä jȩpo̧cö̧ pi̧nö̧.

San Lucas 23:47

Romanos ttö̧ja̧ su̧ro̧da̧u̧ ttu̧ru̧hua̧ ja̧'hua̧nö̧ 'cuäopa'a tomenä, Diosrö eseunu ucuocuinödo. Pä'inödo: —Iso päi'önä pidemä suronämä yoröiso jȩpo̧cö̧ pi̧nö̧.

San Juan 19:13

Ja̧'hua̧ ja̧'a̧ Pilato ja̧'hua̧nö̧ pätta'a ä̧ju̧cu̧, Jesúsru u̧mi̧cu̧ ttȩpa̧ hue'inödo. Ja̧u̧nu̧ o'ca'a ru̧hua̧ i̧dȩä̧cä̧nä̧, hebreos tti̧huȩnȩ Gabata pättinäcänä pä̧mä̧di̧nö̧do. Ujutu ti̧huȩnȩnä̧ juhuäcä i̧mi̧ Inähuä Rötähuome pä'ätöjä.

Hechos 12:21

Herodes koro mo̧ro̧ huopinödo ucuocuatö pä'ö. Ja̧u̧nu̧ mo̧ro̧ päi'omenä, ru̧hua̧ Herodes ö̧'ca̧tä̧huä̧ta̧ adihuä juäi i̧sä̧ta̧ 'ca̧tä̧hui̧nö̧do. Ru̧hua̧ i̧dȩä̧cä̧ o'ca toi'önärö hue'ö pä̧mä̧dä̧cuä̧huä̧cä̧nä̧ pä̧mä̧di̧nö̧do jahuätörö ucuocua pä'ö.

Hechos 18:12

Pablo juhua'a ö̧jo̧mȩnä̧, Galiónmä Acaya rȩjȩttö̧ ru̧hua̧ ö̧jo̧mȩnä̧, judíos ttö̧ja̧ Pablorö suronä jȩtta̧ pä'ö ca̧ca̧cui̧pö̧ 'chu'ädö ttȩpi̧nä̧cu̧do ru̧hua̧ ä'ca jo̧mȩttö̧.

Hechos 18:16

Ru̧hua̧ ja̧'hua̧nö̧ hueomenä, chutä ä'ca jo̧mȩttö̧ ya'opö tticuinä̧u̧do.

Hechos 18:17

Ja̧'hua̧ ja̧'a̧ o'ca toi'önä judíos huocotömä judíos ttu̧huo̧jui̧'i̧node ru̧hua̧ Sóstenesrö 'chu'ädö cuäcuäpinätödo ru̧hua̧ ä'ca jo̧mȩttö̧. Ja̧'hua̧nö̧ jȩtto̧mȩnä̧, Galión ja̧'a̧tä̧ topinödo.

Hechos 25:10

Ja̧'hua̧nö̧ jäepomenä, Pablo ädätinödo: —Ttömä romanos ttö̧ja̧ ttu̧ru̧hua̧ huȩ'ä̧hua̧ ä'ca jo̧mȩ kö̧sä̧. Porötä'inä ttä̧ju̧cua̧ pä'ösä ttörömä. Judíos ttö̧ja̧rö̧ yoröiso suronä jȩcho̧ca̧'a̧ ji̧na̧'a̧, ucu adiu huo̧jua̧jä̧.

Hechos 25:17

Ja̧'hua̧nö̧ ja̧'a̧ttö̧ jahuätö pocu ttichomenä, recuo tta̧dä̧rö̧ juiyönä ttichäji koro mo̧ro̧ ru̧hua̧ i̧dȩä̧cä̧nä̧ pä̧mä̧dö̧, cärenä päcuähuodenä pö̧rö̧ tti'cächa pä'ö hue'inösä.

Hechos 25:6

Jerusalén ötahuiyänä Festo ko̧ro̧mö̧ttö̧nö̧ huäbodäcuä mo̧ro̧, to̧mö̧rȩ mo̧ro̧ ki̧nö̧cö̧. Ö̧jä̧ji̧ o'ca'a, Cesarea ötahuiyära̧'a̧ pä'äji ta'anö ppa̧'ä̧chi̧nö̧do. Ppa̧huä̧chä̧ji̧ koro mo̧ro̧ ru̧hua̧ i̧dȩä̧cä̧nä̧ pä̧mä̧dö̧ hue'inödo Pablorö tti'cächa pä'ö.

1 Pedro 2:22

Ja̧u̧mä̧ yoröiso suronä jȩpo̧cö̧ pi̧nö̧. Yapareu'inä ji'ähuocö pi̧nö̧ yoröiso.

1 Juan 2:1

Ucutu chi̧tti̧mö̧ huotörö, pi̧yȩ huȩnȩ huȩyu̧tu̧ hue'ösä suronä jȩcu̧'ä̧tu̧cu̧ juiya pä'ö. Ja̧'hua̧nö̧ ja̧'a̧ ya̧tȩ suronä jȩö̧ttö̧mä̧, Tä'o Dios ä'ca jo̧mȩ kä̧nö̧ ucuocu ujuturu ppädäcuähuä i̧sa̧. Ja̧u̧mä̧ Jesucristo adiu jȩpö̧mä̧.