San Mateo 25:10 - TÄ̧DO Ä̧CUÄ̧ I̧HUȨNȨ

¹⁰ U̧ni̧chä̧rö̧ ka̧cui̧nä̧tö̧mä̧ lámpara isoya ȩmö̧ tti̧'cho̧mȩnä̧, irecuarö ȩmö̧mä̧ ichinödo. A̧mö̧cuä̧rö̧nö̧ ka̧cui̧nä̧tö̧mä̧ ja̧u̧cu̧ do'ächinätö irecuarö ȩma̧ pä'ö. Dottächomenä, äpate mö̧ȩcuä̧chi̧na̧'a̧do.

Nuevo Testamento Uwotjüja

¹⁰ Ja̧'wa̧nü̧ jä̧u̧ mikuänä̧ ttiyomȩttü̧ ȩmü̧ tti̧'cha̧'a̧nä̧, Ü'käumä̧ täkü ichi'inü̧. Ichi'a'a wo̧juȩku̧nä̧ amükuädätümä̧, chutäku dodettächa'anä̧, äpatemä̧ mü̧ȩkuä̧chi̧na̧'a̧.

San Mateo 25:10 ပူးပေါင်းရင်းမြစ်များ

San Mateo 24:42

“Ucutumä to̧pä̧rö̧ ka̧cuä̧tu̧cui̧. Tu̧ru̧hua̧ ichäcuome yoröiso jerupätöjä.

San Mateo 24:43

Ja̧'hua̧ ja̧'a̧nä̧ pi̧yȩ huo̧juä̧tu̧cui̧, ya̧tȩ isode ru̧hua̧ nä̧u̧cuä̧rö̧ ichi'äcuome u̧huo̧ju̧ttu̧mä̧, topäraji, nä̧u̧cuä̧rö̧ ojusodenä doächö juiya pä'ö.

San Mateo 24:44

Ja̧'hua̧nö̧ ja̧'a̧ttö̧ ucutu'inä jo̧mȩtä̧ päi'önä tta̧'ä̧rä̧tu̧cui̧. Ubo I̧tti̧mä̧ i̧chä̧cua̧ ucutu cua̧mö̧cuä̧rä̧tu̧cuo̧cö̧ pä̧nä̧, —pä'ö huo̧juȩti̧nö̧do Jesús.

San Mateo 25:6

Ja̧u̧nu̧ o'ca'a yodo kä'co päi'omenä, huotta'a ä̧ju̧cui̧nä̧tö̧do: “¡Irecuarö ȩmö̧mä̧ täcö ichö! ¡Tocu'ätucua pä'ö rä'opätucui!”

San Mateo 7:21

Ja̧'hua̧ta̧nö̧ Jesús pä'inödo: —Yotöcunä ttörö pä'ätömä “Chu̧ru̧hua̧, Chu̧ru̧hua̧” do'ächocotö mo̧ro̧jä̧ra̧'a̧. Chä'o mo̧ro̧jä̧ra̧'a̧ kö̧rö̧ pä̧huä̧ rö̧jo̧mȩnä̧ jȩpä̧tö̧tä̧ dottächäcuotö.

San Lucas 12:35

“Jo̧mȩ päi'önä jȩpi̧'ö̧ ka̧cuä̧tu̧cui̧ cuhuäre lámpara rȩdȩti̧'ö̧.

San Lucas 13:25

Isode u̧ru̧hua̧ ä̧rä̧mi̧'ö̧ 'chä̧hui̧'ö̧, äpate ppe'tädö icu o'ca'a, ucutu u̧mi̧nä̧ ka̧cuä̧tö̧ äpatenä cuä'ö kä̧nö̧ päcuhuäcuotöjä: “Tu̧ru̧hua̧, ba'epitö.” Ja̧'hua̧nö̧ ja̧'a̧nä̧ ja̧u̧ ä̧dä̧tä̧cua̧: “Ucutu cuichätucua'a jȩru̧pa̧sä̧.”

Colosenses 1:12

Ja̧'hua̧ta̧nö̧ esehuätucui Tä'o Diosrö. Chutä ujuturu aditinö, ujutu'inä tȩa̧u̧nä̧ tȩma̧ pä'ö chutä i̧tti̧mö̧rö̧ iya päinömä.

2 Timoteo 4:8

Adiu jȩchi̧na̧'a̧ttö̧, ttö̧ja̧rö̧ pojocuä mo̧ro̧ päi'omenä, Tu̧ru̧hua̧ adihuä juäi iya päinömä i̧yä̧cua̧ ttörö. Chutä adihuä Tu̧ru̧hua̧mä̧ o'ca toi'önärö pä̧cua̧. Ttörötä ya̧tȩrö̧tä̧mä̧ iyocö. O'ca toi'önä ja̧u̧ru̧ adiu esetö ichä̧cuȩ mo̧ro̧ tta̧'ä̧rä̧tö̧rö̧ i̧yä̧cua̧.

1 Pedro 1:13

Ja̧'hua̧nö̧ ja̧'a̧ttö̧ adiu amöcuädätucui cuaditätucuä̧cuȩ. Adiu cua̧'cua̧ pö̧nö̧ ka̧cuä̧tu̧cui̧. Adiu amöcuädö tta̧'ä̧rä̧tu̧cui̧ Dios ucuturu repe'ö iyä̧cuȩmä̧, Jesucristo ichomenä.

Apocalipsis 1:7

¡Topätucui! Cristomä ajiya isoppanä i̧chä̧cua̧. O'ca toi'önä, churu suronä jȩpi̧nä̧tö̧'i̧nä̧, ja̧u̧ru̧ tottäcuotö. O'ca toi'önä pi̧jä̧ pa̧ja̧cu̧nä̧ ttö̧ja̧ ja̧u̧ru̧ topö ttajuähuäcuotö. Iso päi'önä pa̧'a̧nö̧ 'cuäopäcua'a. Amén.

Apocalipsis 19:7

Tesehuätucuaja. Eseäcuähuä suhuädi'önä tucuocuaja. Chutä Corderomä irecuarö ȩmä̧cuo̧mȩ päi'a'a. Irecuamä täcö jo̧mȩ päi'önä kä̧ju̧.

Apocalipsis 22:20

Pi̧yȩ huȩnȩ päömä, päa'a: —Iso päi'önä jurunänö ichösä. Amén. ¡Ichi, Tu̧ru̧hua̧ Jesús!