San Mateo 24:24 - TÄ̧DO Ä̧CUÄ̧ I̧HUȨNȨ

²⁴ Recuätömä “Ttötäsä Cristo, ttö'inä Dios i̧huȩnȩ ji'äusä”, yapareu ji'äu ttichäcuotö. Jahuätömä rö̧ȩnä̧ ttö̧ja̧ ttieru juäi jȩttä̧cuo̧tö̧ ttö̧ja̧rö̧ yapareu jȩpö̧. Dios huoinä̧u̧ru̧'i̧nä̧ yapareu jȩttä̧cuo̧tö̧ ttesetatö pä'ö. Dios huoinä̧u̧mä̧ yoröiso esetocotö ttäcuotö.

Nuevo Testamento Uwotjüja

²⁴ Ja̧'wa̧ta̧nü̧ Crito i̧mi̧nä̧, profetas wotü tti̧mi̧nä̧ yaparewätü ttichäkuotü ja̧'wa̧nü̧ jȩpü̧ jȩtto̧kü̧ jä̧'i̧jü̧ jȩpä̧'chü̧, Dio ȩmi̧nä̧u̧ttü̧'i̧nä̧ ttesetünä̧ jȩttä̧kuo̧tü̧,

San Mateo 24:24 ပူးပေါင်းရင်းမြစ်များ

San Mateo 22:14

Iso päi'önä Dios recuätörö huomenä, a̧'u̧cu̧nä̧tä̧ esetätödo, —pä'inödo Jesús.

San Mateo 24:11

Recuätö yapareu ttö̧ja̧ ttichäcuotö. Jahuätömä “Dios hueä̧u̧jä̧” pä'ö kä̧nö̧, recuätö ttesetäcuotö jahuätörö, yapareu jittähuomenä.

San Mateo 24:22

Ja̧u̧nu̧ mo̧ro̧ Dios beädö juiyöttömä, o'ca toi'önä tottei'äcuotö. Ja̧'hua̧ ja̧'a̧nä̧ chutä huoinä̧u̧ru̧ repe'ö, röji mo̧ro̧ bȩä̧dä̧cua̧.

San Mateo 24:25

Pi̧yȩmä̧ täcö ä'canä ji̧'ä̧huä̧rö̧sä̧ ucuturu.

San Mateo 24:31

Umöhuäyotö ángelesrö huȩä̧cua̧, trompeta pä̧i̧cu̧nä̧ rä̧mi̧pö̧nä̧ churutä esetinätörö pa̧ja̧cu̧nä̧ ka̧cuä̧tö̧rö̧ ttö̧ca̧ca̧ta̧ pä'ö.

San Mateo 24:5

Ja̧u̧nu̧ mo̧ro̧ päi'omenä, recuätö ttö chi̧mi̧nä̧ ucuocu ttichäcuotö. Pättäcuotö: “Ttötäsä Cristo.” Jahuätö yapareu jittähuäcuotö recuätö ttö̧ja̧rö̧.

San Mateo 7:15

“Korotömä “Dios i̧huȩnȩ ji'ähuätöjä” pätta'anä, yapareu jittähuomenä cuesetätucuä'. Jahuätömä ucuturu ichö o̧vȩja̧stö̧ jȩttö̧'a̧nö̧ jȩpä̧tö̧ yapareu. Ji̧nä̧ isocu ä̧hui̧ri̧tö̧ ra̧huä̧rä̧tö̧ jä̧'i̧nö̧'a̧nö̧ huotö.

San Marcos 13:22

Recuätömä “Ttötäsä Cristo, ttö'inä Dios i̧huȩnȩ ji'äusä”, yapareu ji'äu ttichäcuotö. Jahuätömä ttö̧ja̧ ttieru juäi jȩttä̧cuo̧tö̧, ttö̧ja̧rö̧ yapareu jȩpö̧. Dios huoinä̧u̧ru̧'i̧nä̧ yapareu jȩttä̧cuo̧tö̧, ttesetatö pä'ö. Dios huoinä̧u̧mä̧ yoröiso esetocotö ttäcuotö.

San Lucas 18:7

Diosmä ȩmi̧nä̧u̧ru̧, yodo'inä, mo̧ro̧'i̧nä̧ jä'epätörö, ¿ppä'ädocö paji tä̧ji̧? ¿Ppäda pä'ömä recuo tta̧'ä̧ra̧ji̧ tä̧ji̧?

San Juan 4:48

Ja̧'hua̧ ja̧'a̧ttö̧ Jesús päinäcudo: —Ucutumä ttö̧ja̧ ttieru juäi tocu'ätucu juiyöttömä, esetocotöjä.

San Juan 6:37

O'ca toi'önä Chä'o ttörö i̧yä̧u̧mä̧, ttörötä ichätö. Ja̧'hua̧ta̧nö̧ ttörö ichätörömä, yoröiso ya'opö icuocösä.

San Juan 6:39

Chä'o, ttörö hue'inömä, pä̧huä̧ rö̧jä̧cu̧ o'ca toi'önärö, ttörö iyinä̧u̧ru̧, röji mo̧ro̧ päi'omenä ttodäda pä'ö, ya̧tȩ'i̧nä̧ ire'tehuächö juiyönä.

Hechos 20:16

Pablo Efeso ötahuiyä ttahuaränä ttö̧rä̧mä̧do̧ca̧'a̧ 'cuättopa pä'inö, Asia rȩjȩnä̧ recuo ö̧jö̧ juiya pä'ö. Jurunä i̧'cha̧ pä'inö Jerusalén ötahuiyära̧'a̧, Pentecostés mo̧ro̧ yotä ö̧ja̧ pä'ö.

Romanos 12:18

O'ca juiyönä jȩcu̧'ä̧tu̧cu̧mä̧ jȩpä̧tu̧cui̧, korotöcu eseunu cu̧ja̧cuä̧tu̧cuä̧cua̧'a̧nö̧.

Gálatas 4:15

¿Tta̧'a̧nö̧ päi'inätucuäcuttö ja̧u̧ cuesehuinätucumä? Ji̧ta̧'a̧nö̧ adiu pä'ösä ucuturu, ucutu cuamönä cu'äretucu baropö iyinajatöjä ttörö ja̧'hua̧nö̧ iyähuä jö̧ttö̧mä̧.

2 Timoteo 2:19

Ja̧'hua̧nö̧ ja̧'a̧nä̧ Diosrö teseta pä'ö äcuomenä aditinömä, 'quiyö ka̧'a̧. Dios aditinömä pa̧'a̧nö̧ päa'a: “Tu̧ru̧hua̧ chutä umöhuäyotörö huo̧jua̧.” Ja̧'hua̧ta̧nö̧ päa'a: “O'ca toi'önä Cristo i̧mi̧nä̧ ucuocuätömä, surojöttö 'quȩtti̧pä̧chö̧'a̧nö̧ ja̧'a̧.”

1 Pedro 1:5

Ucutu Diosrö cuesetätucuomenä, chutä ujurunä tta̧'ä̧rö̧ ucuturu. Cuȩmä̧tu̧cuä̧cuȩmä̧, suronä jȩcu̧'ä̧tu̧cu̧ jȩpö̧ icuähuämä, jo̧mȩ päi'önä aditö icu iya pä'ö ucuturu röji mo̧ro̧ päi'omenä.

2 Pedro 3:17

Ja̧'hua̧nö̧ ja̧'a̧ttö̧ adihuä chö̧jä̧hua̧tö̧, täcö cu̧huo̧juä̧tu̧cua̧'a̧ttö̧, ttu̧ȩcuä̧nä̧ ka̧cuä̧tu̧cui̧. Korotö suronä jȩpä̧tö̧ yapareu jittäu cuesetö juiyätucuaja jahuätörö, cuami 'qui'ächi'ö kä̧nö̧, suronä jȩpö̧ ma̧cu̧huä̧chä̧tu̧cu̧ juiya pä'ö.

1 Juan 2:18

Chi̧tti̧mö̧ huotö, mo̧ro̧ beipächäcuome tö'cöhuächa'a. Ucutu ä̧ju̧cui̧nä̧tö̧jä̧ Cristo a̧bo̧i̧ya̧ i̧chä̧cua̧ pä'ö. Jitä Cristo aboiyotö recuätö ka̧cuä̧tö̧. Jahuätö ttichina'attö, ujutu huo̧juä̧tö̧jä̧ mo̧ro̧ beipächäcuome tö'cöhuächa'a pä'ö.

1 Juan 2:22

¿Dijä̧ttö̧ yaparehua̧mä̧? Jesúsmä Cristomä̧cö̧ pä'ö yaparehua̧mä̧. Tä'o Diosrö'inä, I̧tti̧ Jesucristorö'inä ä̧ppö̧tä̧rö̧mä̧, ja̧u̧mä̧ Jesucristo a̧bo̧i̧ya̧.

1 Juan 5:18

Ujutu huo̧juä̧tö̧jä̧ Dios i̧tti̧mö̧ suronä jȩpö̧ ko̧co̧tö̧, Dios I̧tti̧ jahuätörö tta̧'ä̧rö̧. Ähuettä jahuätörö mȩ'ö̧'i̧nä̧ mȩ'o̧cö̧.

Apocalipsis 19:20

Ja̧u̧ pä̧i̧cua̧ i̧sa̧cu̧, ja̧u̧ ä'canä rö̧ȩnä̧ ttö̧ja̧ ttieru juäi yapareu jȩpi̧nö̧cu̧ cärenä rötinätö. Ja̧u̧ juäi ttö̧ja̧ ttieru juäi yapareu jȩo̧mȩnä̧, jitöja ttö̧ja̧, ja̧u̧ pä̧i̧cua̧ i̧sa̧ sello ttö'änä ta'ähuinätörö'inä, ja̧u̧ pä̧i̧cua̧ i̧sa̧ a̧'u̧cuä̧ esehuinätörö'inä yapareu jȩpö̧ ucuocuinö. Ja̧'hua̧ ja̧'a̧ttö̧ ja̧u̧ pä̧i̧cua̧ i̧sa̧rö̧'i̧nä̧, yapareu jȩpö̧ ji'ähuinörö'inä ji̧nä̧ tta̧'cua̧ra̧'a̧nä̧, do'opö tticuinä̧u̧ ocurä rö̧arära̧'a̧, azufrenä cuoarära̧'a̧.