San Mateo 23:23 - TÄ̧DO Ä̧CUÄ̧ I̧HUȨNȨ

²³ “Fariseos huotö'inä, hueähuä huȩnȩ huo̧juȩtä̧tö̧'i̧nä̧, suronä 'cuäopäcua'a ucuturu. ¡Yapareu ttö̧ja̧jä̧! Ucutumä Moisés hueinö ta'anö ye'ecunänö iyätöjä ofrenda päi'önä cuäcuähuä'inä. Ja̧'hua̧nö̧ ja̧'a̧nä̧ adihuä juäi huo̧juȩcuä̧ huȩnȩmä̧ päö ta'anö yoröiso jȩpo̧co̧tö̧jä̧. Adiunämä amöcuädocotöjä. Korotörö re rö̧jö̧nä̧ topocotöjä. Adiunämä esetocotöjä. Koro jȩcu̧'ä̧tu̧cuo̧mȩnä̧, pi̧yȩtä̧ ji̧nä̧ isocu jȩcu̧'ä̧tu̧cu̧'a̧nö̧ ja̧'a̧, Diosrö iyähuä'inä cunichi'ätucuoca'a.

Nuevo Testamento Uwotjüja

²³ ¡Isottü̧ ukutuwe, weäwä wȩnȩ wo̧juȩtä̧tü̧mä̧, fariseo wotümä̧, ä'koyättütä esetätüjä̧! mentattü'i̧nä̧, anísttü̧'i̧nä̧, comino-ttü̧'i̧nä̧ o'kajuiyünä̧tä̧ diezmo-mä̧ kuiyätukua'anä̧, ji̧nä̧so weäwä wȩnȩttü̧ ukuo jäwämä̧ jäyä kku̧ni̧pä̧tü̧jä̧: adiwomȩnä̧, rȩrü̧jü̧nü̧ topü, tta̧'kua̧ wȩnä̧rü̧ jȩä̧kuä̧wä̧mä̧. Jua̧u̧mä̧ iweye jȩtta̧ pä'ü rekuä rü̧ja̧'a̧ ja̧'wa̧nü̧ ja̧'a̧nä̧ pi̧yȩ'i̧nä̧ jȩpü̧ kkä̧nü̧.

San Mateo 23:23 ပူးပေါင်းရင်းမြစ်များ

San Mateo 12:7

Pi̧yȩ Huȩyu̧cuä̧ Huȩnȩ päö'a̧nö̧ ä̧ju̧cuo̧co̧tö̧jä̧. Ja̧u̧ huȩnȩ päa'a: “Koro juäi isotö ttucuoja sacrificios jȩcu̧'ä̧tu̧cua̧ pä'ocösä. Korotörötä re rö̧jö̧nä̧ tocu'ätucua pä'ösä.” Ja̧u̧ huȩnȩ cuä̧ju̧cuä̧tu̧cu̧ttu̧mä̧, korotörö suronä jȩpo̧co̧tö̧rö̧ pa̧ja̧cuä̧ro̧co̧tö̧ pajatöjä.

San Mateo 23:13

“Fariseos huotö'inä, hueähuä huȩnȩ huo̧juȩtä̧tö̧'i̧nä̧, suronä 'cuäopäcua'a ucuturu. ¡Yapareu ttö̧ja̧jä̧! Ucutumä korotö Dios i̧tti̧mö̧ pätti'ö juiya pä'ö jȩpä̧tö̧jä̧. Ucutu'inä Dios ö̧jo̧mȩcu̧ do'ächocotöjä. Korotö'inä Dios ö̧jo̧mȩcu̧ dottächa pä'ätörö dottächö juiya pä'ätöjä.

San Mateo 9:13

Huȩyu̧cuä̧ Huȩnȩ päö ta'anö huo̧jui̧pö̧ tätucui. Ja̧u̧ huȩnȩ päa'a: “Koro juäi isotö ttucuoja sacrificios jȩcu̧'ä̧tu̧cua̧ pä'ocösä. Korotörötä re rö̧jö̧nä̧ tocu'ätucua pä'ösä.” Ttömä adiu jȩpä̧tö̧rö̧ huopö ichocö pi̧nö̧sä̧. Suronä jȩpä̧tö̧rö̧tä̧ huopö ichinösä, pärocuäcutä ttamöcuäda pä'ö, —pä'inödo Jesús.

San Lucas 11:42

“Fariseos huotö, suronä 'cuäopäcua'a ucuturu. Ucutu Moisés hueinö ta'anö ye'ecunänö iyätöjä ofrenda päi'önä cuäcuähuä'inä. Ja̧'hua̧nö̧ ja̧'a̧nä̧ adiunämä amöcuädocotöjä. Adiunämä esehuocotöjä Diosrö. Koro jȩcu̧'ä̧tu̧cuo̧mȩnä̧, pi̧yȩtä̧ ji̧nä̧ isocu jȩcu̧'ä̧tu̧cu̧'a̧nö̧ ja̧'a̧, Diosrö iyähuä'inä cunichi'ätucuoca'a.

San Lucas 18:12

Ttömä koro semana'inä, koro semana'inä todäre mo̧ro̧ a̧do̧chö̧sä̧. To̧mö̧rȩ jähuä chȩmo̧mȩnä̧, ji̧yȩtȩ 'quȩ'ȩpö̧ iyösä ucuru o'ca juiyönä chȩmö̧ttö̧.”