San Mateo 2:9 - TÄ̧DO Ä̧CUÄ̧ I̧HUȨNȨ

⁹ Chutä ru̧hua̧ jiähua'a ttä̧ju̧cuo̧mȩnä̧, jahuätö mo̧ro̧jä̧ jähuä huo̧juä̧tö̧mä̧ 'chi̧nä̧tö̧do. Ja̧'hua̧nö̧ ja̧'a̧ttö̧ tti̧'cha̧'a̧nä̧, ja̧u̧ siri'co kä̧hua̧ räopa'acuttu tottinömä, ttä'canä 'chi̧nö̧do ji̧'qui̧cha̧hua̧ ö̧'o̧mȩ huäme kä̧mä̧dö̧.

Nuevo Testamento Uwotjüja

⁹ Pä̧u̧, Ru̧wa̧ Rey ukuokua'a ä̧ju̧kui̧'i̧pü̧, rä'opächü 'chi̧nä̧tü̧; tti̧'cho̧mȩnä̧, kkä̧wa̧ räopa'akuttü tottäjäku siri'ko päjimä̧ ttä'kanä̧ i̧'cha̧'a̧ topinä̧tü̧, ja̧'wa̧nü̧ jä̧ja̧'a̧ttü̧mä̧ ji̧'chi̧cha̧wa̧ ü̧jo̧mȩ wä̧mȩ jo̧mȩ wirochi'ü rä̧mä̧di̧nü̧.

San Mateo 2:9 ပူးပေါင်းရင်းမြစ်များ

San Mateo 2:10

Jahuätö mo̧ro̧jä̧ jähuä huo̧juä̧tö̧mä̧ ja̧u̧ siri'corö topö, rö̧ȩnä̧ esehuinätödo.

San Mateo 2:2

Jahuätö jä'epinätödo: —¿Tojä̧ttö̧ judíos ttö̧ja̧ ttu̧ru̧hua̧mä̧, jareönä uhuäpächinömä? Yottö kä̧hua̧ räopa'acuttu ja̧u̧ jähuä siri'corö topinätöjä. Ja̧'hua̧nö̧ ja̧'a̧ttö̧ ujutumä ichäjätöjä ä'ca jo̧mȩ tihue'quiyunä kä̧mä̧dö̧ tesehuarö pä'ö, —pä'inätödo.

San Mateo 2:8

Ja̧u̧nu̧ o'ca'a Belén ötahuiyära̧'a̧ tti̧'cha̧ pä'ö hueinä̧u̧do. Ja̧'hua̧nö̧ jȩpö̧ pä'inödo jahuätörö: —Juhua'a 'chä̧nö̧ jä'epö ä̧ju̧cuä̧tu̧cui̧ ja̧u̧ru̧ ji̧'qui̧cha̧hua̧rö̧. Cu̧'o̧cui̧'ä̧tu̧cuo̧mȩnä̧, ttörö jicuhuähuätucuaja, ttö'inä ö̧jo̧mȩ 'chä̧nö̧ ä'ca jo̧mȩ chihue'quiyunä kä̧mä̧dö̧ chesehuarö pä'ö, —pä'inödo.

2 Pedro 1:19

Ja̧'hua̧ta̧nö̧ koro adihuä juäi huȩnȩ yoröiso beipächocö juäi ku̧nä̧rä̧tö̧jä̧. Dios i̧huȩnȩ jiäcuähuä isotö tti̧huȩyu̧ti̧nö̧ huȩnȩ'i̧nä̧ ku̧nä̧rä̧tö̧jä̧. Lámpara yo̧mȩ kä̧dȩpa̧'a̧ jä̧'i̧nö̧'a̧nö̧, ka̧cuä̧tu̧cui̧ pi̧yȩ huȩnȩ esetö. Mo̧ro̧ juomenä, siri'co tȩa̧u̧nä̧ räopa'a jä̧'i̧nö̧'a̧nö̧, ka̧cuä̧tu̧cui̧ cuami iso'quitucunä tȩa̧huä̧chö̧nä̧.