San Mateo 2:4 - TÄ̧DO Ä̧CUÄ̧ I̧HUȨNȨ

⁴ Ja̧'hua̧nö̧ ja̧'a̧ttö̧ ru̧hua̧ Herodes huopinödo o'ca toi'önä sacerdotes ruhuotörö'inä, hueähuä huȩnȩ ttö̧ja̧rö̧ huo̧juȩtä̧tö̧rö̧'i̧nä̧ jä'epö ä̧ju̧cua̧ pä'ö jahuätörö ja̧u̧ huȩnȩ. —Ja̧u̧ judíos ttö̧ja̧ ttu̧ru̧hua̧ Cristomä, ¿tȩnȩ uhuäpächäcua'ajä̧ttö̧? —jä'epinödo jahuätörö.

Nuevo Testamento Uwotjüja

⁴ Ja̧'wa̧nü̧ ji̧yä̧ku̧, Ru̧wa̧ Rey-mä̧, sacerdote wotü tturuwotü o'katoi'ünä̧rü̧ wopo'ü kkä̧nü̧, ttü̧ja̧rü̧ weäwä wȩnȩ wo̧juȩtä̧'i̧jä̧tü̧rü̧'i̧nä̧ wopo'ü, Crito-mä̧ torü uwäpächäkua'a jä̧'i̧ja̧'a̧ ja̧ pä'ü, jä'epü ä̧ju̧kui̧nä̧u̧.

San Mateo 2:4 ပူးပေါင်းရင်းမြစ်များ

San Mateo 13:52

Ja̧'hua̧ ja̧'a̧ jahuätörö pä'inödo: —Ya̧tȩ huo̧juȩcuä̧ i̧sa̧ Dios Ttu̧ru̧hua̧ päi'önä ö̧jä̧cuȩ huȩnȩ adiu u̧huo̧jui̧'o̧mȩnä̧, ja̧u̧ ka̧ra̧ ru̧hua̧ öärettö koro juäi jareö'inä, täbo jähuä'inä ȩmö̧ jä̧'i̧nö̧'a̧nö̧ hua̧, —pä'inödo Jesús.

San Mateo 2:3

Ru̧hua̧ Herodes ja̧'hua̧nö̧ ä̧ju̧cuo̧mȩnä̧, rö̧ȩnä̧ yecunänö a̧mö̧cuä̧ri̧nö̧do ami iso'quinä. Ja̧'hua̧ta̧nö̧ o'ca toi'önä Jerusalén ötahuiyänä ka̧cui̧nä̧tö̧ rö̧ȩnä̧ a̧mö̧cuä̧ri̧nä̧tö̧do ja̧u̧ juäi ä̧ju̧cu̧.

San Mateo 2:5

Jahuätö pättinäcudo: —Belén ötahuiyänä Judea rȩjȩttö̧ u̧huä̧pä̧chä̧cua̧, pä'ö huȩyu̧ti̧nö̧do Dios i̧huȩnȩ jiäcuähuä i̧sa̧mä̧.

San Mateo 21:15

Ja̧'hua̧nö̧ ja̧'a̧nä̧ sacerdotes ruhuotö'inä, hueähuä huȩnȩ huo̧juȩtä̧tö̧'i̧nä̧ ttö̧ja̧ ttieru juäi jȩo̧mȩnä̧, topö ra̧huä̧ri̧nä̧tö̧do. Ja̧'hua̧ta̧nö̧ ppo̧'ä̧tö̧'i̧nä̧ Diosrö ucuocuäcuähuodenä “¡Ru̧hua̧ David I̧tti̧rö̧ eseäcuähuätucui!” huotta'a ä̧ju̧cu̧ ra̧huä̧ri̧nä̧tö̧do.

San Mateo 21:23

Ja̧u̧nu̧ o'ca'a Jesús do'ächi'inödo Diosrö ucuocuäcuähuodenä. Juhuodenä u̧huo̧juȩto̧mȩnä̧, sacerdotes ruhuotö'inä, judíos ttö̧ja̧ ancianos huotö'inä ichi'ö jä'epinätödo: —¿Di ujurunä jȩcu̧'ä̧ttö̧ jȩcu̧'u̧mä̧? ¿Di hueinättö ucuru? —jä'epinätödo.

San Mateo 26:3

Ja̧'hua̧ ja̧'a̧ sacerdotes ruhuotö'inä, hueähuä huȩnȩ huo̧juȩtä̧tö̧'i̧nä̧, judíos ttö̧ja̧ ancianos huotö'inä ca̧ca̧cui̧pi̧nä̧tö̧do Caifás ojusode u̧mi̧ i̧so̧ca̧nä̧. Ja̧u̧mä̧ Caifás, sacerdotes ttu̧ru̧hua̧ pi̧nö̧do.

San Mateo 26:47

Jesús ji̧nä̧ ucuocuomenä, Judas, ttö̧jä̧pö̧ttö̧nö̧ ta̧ju̧nu̧ u̧huo̧juȩtä̧u̧ttu̧ i̧sa̧ pi̧nö̧ ichinödo. Ja̧u̧cu̧ recuätö ttö̧ja̧ curodiyä'inä, dauhuiyä'inä 'chu̧huä̧rä̧nö̧ ichinätödo. Sacerdotes ruhuotö'inä, judíos ttö̧ja̧ ancianos huotö'inä huettäjä̧u̧mä̧ ichinätödo.

San Mateo 27:1

Ja̧u̧nu̧ o'ca'a mo̧ro̧ juomenä, sacerdotes ruhuotö'inä, judíos ttö̧ja̧ ancianos huotö'inä Jesúsru cuä'ö tticua pä'ö ji̧nä̧ yo̧mȩtȩ amöcuädö ucuocuinätödo.

San Mateo 7:29

Ja̧u̧mä̧ hueähuä huȩnȩ huo̧juȩtä̧tö̧ ttu̧huo̧juȩtö̧'a̧nö̧ huo̧juȩto̧cö̧ pi̧nö̧do. Ja̧u̧mä̧ rö̧ȩnä̧ huo̧juȩcu̧nä̧ huo̧juȩti̧nö̧do.

San Marcos 8:31

Ja̧u̧nu̧ o'ca'a huo̧juȩti̧nö̧do Jesús: —Ubo I̧tti̧mä̧ rö̧ȩnä̧ ubara ttu̧huä̧cua̧. Ja̧'hua̧ta̧nö̧ judíos ttö̧ja̧ ancianos huotö'inä, sacerdotes ruhuotö'inä, hueähuä huȩnȩ huo̧juȩtä̧tö̧'i̧nä̧ ttöjö'cococu jä̧cua̧. Cuä'ö tti̧cuä̧cua̧. Ja̧'hua̧nö̧ ja̧'a̧nä̧ huäbodäcuä mo̧ro̧ päi'omenä tto̧ä̧chä̧cua̧.

San Lucas 20:19

Sacerdotes ruhuotö'inä, hueähuä huȩnȩ huo̧juȩtä̧tö̧'i̧nä̧ yotäcu 'chuttäda pä'inätödo Jesúsru. Ja̧u̧ koro juäi jä̧'i̧nö̧'a̧nö̧ jö̧ huȩnȩ ucuocuomenä, huo̧jui̧'i̧nä̧tö̧do jitörötä ucuocua'a pä'ö. Ja̧'hua̧nö̧ ja̧'a̧nä̧ ttö̧ja̧rö̧ yettecua'attö, jȩpo̧co̧tö̧ pi̧nä̧tö̧do.

San Lucas 23:10

Sacerdotes ruhuotö'inä, hueähuä huȩnȩ huo̧juȩtä̧tö̧'i̧nä̧ ju̧huȩnȩtä̧ kä̧nö̧, rö̧ȩnä̧ surojö ucuocuinätödo Jesúsru.

San Juan 18:3

Ja̧'hua̧nö̧ ja̧'a̧ttö̧ Judas recuätö su̧ro̧da̧u̧cu̧, Diosrö ucuocuäcuähuode tta̧'ä̧rä̧tö̧cu̧, sacerdotes ruhuotö'inä, fariseos huotö'inä hue'ähuotöcu ichi'inätödo. Jahuätömä dauhuiyä'inä, curodiyä'inä, lámpara'inä ȩpi̧nä̧tö̧do.

San Juan 3:10

Jesús ja̧u̧ru̧ ädätinödo: —Ucumä, Israel ttö̧ja̧rö̧ adihuä huo̧juȩcuä̧ i̧sa̧mä̧, ¿pi̧yȩmä̧ jȩru̧pa̧jä̧ tä̧ji̧?

San Juan 7:32

Fariseos huotö, korotö ttö̧ja̧ Jesúsru pätta'a ä̧ju̧cui̧nä̧tö̧do. Ja̧'hua̧nö̧ ja̧'a̧ttö̧ jahuätöcu, sacerdotes ruhuotöcu su̧ro̧da̧u̧ru̧, Diosrö ucuocuäcuähuode tta̧'ä̧rä̧tö̧rö̧, hue'inätödo Jesúsru 'chuttäda pä'ö.

San Juan 8:3

Ja̧'hua̧ ja̧'a̧ hueähuä huȩnȩ huo̧juȩtä̧tö̧'i̧nä̧, fariseos huotö'ina yajute isaju ka̧ra̧cu̧ suronä jȩpä̧jä̧ju̧ru̧ i'cächinätödo. Jesús ippeyänä pȩjä̧tö̧ ttö̧'quȩtȩnä̧ i'cächö ku̧ni̧nä̧tö̧do.

Hechos 23:9

O'ca toi'önä huopinätö. Fariseos huotöttö korotö hueähuä huȩnȩ huo̧juȩtä̧tö̧mä̧ ä̧rä̧mi̧'ö̧ pä'inätödo: —Pide suronä jȩpo̧cö̧ pi̧nö̧. Espíritu'inä, ángel'inä ja̧u̧ru̧ ucuocuttumä, huäinä ö̧jä̧cua̧, Dios aboiyotö päti'ö juiyäcua'a̧nö̧.

Hechos 4:5

Pedrorö, Juanrö ttötäji koro mo̧ro̧ päi'omenä, Jerusalén ötahuiyänä ca̧ca̧cui̧pi̧nä̧tö̧do judíos ttö̧ja̧ tturuhuotö'inä, judíos ttö̧ja̧ ancianos huotö'inä, hueähuä huȩnȩ ttö̧ja̧rö̧ huo̧juȩtä̧tö̧'i̧nä̧.

Hechos 6:12

Ja̧'hua̧nö̧ pättomenä, ttö̧ja̧'i̧nä̧, judíos ttö̧ja̧ ancianos huotö'inä, hueähuä huȩnȩ huo̧juȩtä̧tö̧'i̧nä̧ ä̧ju̧cu̧ ra̧huä̧ri̧nä̧tö̧do. Jahuätö ichi'ö 'chu'ädinätödo Estebanrö. Judíos ttö̧ja̧ ji̧nä̧ iso ruhuotö ttä'ca jo̧mȩ ttȩpi̧nä̧cu̧do.