San Mateo 19:28 - TÄ̧DO Ä̧CUÄ̧ I̧HUȨNȨ

²⁸ Jesús ädätinödo: —Iso päi'önä pä'ösä ucuturu, yodoji pä̧nä̧ o'ca juiyönä jareönä ttaditö mo̧ro̧, Ubo I̧tti̧ adihuä i̧dȩä̧cä̧nä̧ o'ca toi'önä Ttu̧ru̧hua̧ päi'önä ö̧ja̧ pä'ö ö̧'ä̧mä̧dä̧cua̧. Ja̧u̧nu̧ mo̧ro̧ ucutu ttöcu cue'ächinätömä cu̧'ä̧mä̧dä̧cuo̧tö̧jä̧ ttö̧jä̧pö̧ttö̧nö̧ tocäre adihuä cui̧dȩä̧cä̧tu̧cu̧nä̧ Israel ttö̧ja̧rö̧ huecuhuätucua pä'ö.

Nuevo Testamento Uwotjüja

²⁸ Jesú-mä̧ ädätinä̧u̧: —Isopäi'ünä̧ pädäu̧jä̧, ukutu ttü cho'ka'anä̧ ichinä̧tü̧mä̧, ji̧yȩnü̧ o'kajuiyünä̧tä̧ pärowächü mo̧ro̧ päi'omȩnä̧, ubo I̧tti̧mä̧ chutä uruwo dȩä̧kä̧nä̧ ü̧'ä̧mä̧do̧mȩnä̧ ukutu'i̧nä̧ doce-nü̧ jü̧ ruwo dȩä̧ki̧yä̧nä̧, irae ttü̧ja̧ doce-nü̧ wotürü wekuätukua pä'ü ku̧'ȩjä̧mä̧kuo̧tü̧jä̧.

San Mateo 19:28 ပူးပေါင်းရင်းမြစ်များ

San Mateo 16:27

Ubo I̧tti̧mä̧ Jä'o esehua'attö, i̧chä̧cua̧ ángelescu o'ca toi'önä jȩtti̧nö̧ ji'äu. Adiu jȩpi̧nä̧tö̧rö̧'i̧nä̧ adiu pä̧cua̧. Suronä jȩpi̧nä̧tö̧rö̧'i̧nä̧ suronä pä̧cua̧.

San Mateo 19:27

Ja̧'hua̧ ja̧'a̧ Pedro pä'inödo: —Chu̧ru̧hua̧, ujutumä o'ca juiyönä tu̧ju̧nä̧ri̧nö̧mä̧ jaropi'inätöjä ucucu cuetächa pä'ö. Ja̧u̧ttu̧mä̧, ¿däje tu̧ju̧nä̧rä̧cua̧'a̧jä̧ttö̧?

San Mateo 20:21

Chutä pä'inödo: —¿Däje jäcuhue'a päcuhuättö? Ja̧'hua̧nö̧ päcua, pä'inäjudo: —Ucu cu̧jo̧mȩttö̧ pitö chi̧tti̧mö̧mä̧, ya̧tȩ cu̧huo̧jua̧'a̧nä̧, ka̧ra̧mä̧ cuieruhua'anä ttö̧'ä̧mä̧da̧ pä'äjusä.

San Mateo 25:31

Juhua'a yabonö pä'inödo Jesús: —Ubo I̧tti̧ o'ca toi'önä umöhuäyotö ángelescu, adihuä Ru̧hua̧ päi'önä ichomenä, chutä adihuä i̧dȩä̧cä̧nä̧ ö̧'ä̧mä̧dä̧cua̧.

San Mateo 6:33

Ja̧'hua̧nö̧ ja̧'a̧ttö̧ Dios Cu̧ru̧hua̧ päi'önä ö̧jä̧cuȩtä̧ usätucui. Churutä pä̧huä̧ rö̧jo̧mȩnä̧ adiunä ka̧cuä̧tu̧cui̧. Ja̧'hua̧nö̧ jȩcu̧'ä̧tu̧cuo̧mȩnä̧, ja̧u̧ o'ca juiyönä cu̧ju̧nä̧rä̧cuo̧tö̧jä̧.

San Mateo 8:20

Jesús ädätinödo: —A̧hua̧ri̧tö̧mä̧ ttäjuhuiyä ku̧nä̧rä̧tö̧. Ja̧'hua̧ta̧nö̧ ppi̧yu̧ ttä̧'ti̧yu̧ ku̧nä̧rä̧tö̧. Ja̧'hua̧nö̧ ja̧'a̧nä̧ Ubo I̧tti̧mä̧ yoröiso huȩnȩcuo̧mȩ'i̧nä̧ jui̧'a̧.

San Marcos 10:37

Jahuätö pä'inätödo: —Ucu cu̧jo̧mȩ adihuomettö ya̧tȩ cu̧huo̧jua̧'a̧nä̧, ka̧ra̧mä̧ cuieruhua'anä tö̧'ä̧mä̧da̧ pä'ö huecuhuatö pä'ätöjä.

Hechos 3:21

Ja̧u̧ Jesucristo mo̧ro̧jä̧ra̧'a̧ ö̧jä̧cua̧, o'ca juiyönä Dios äcuomenä aditinö ta'anö aditö u̧ju̧na̧'a̧ jubö päi'önä. Ja̧'hua̧nö̧mä̧ Diostä ji'ähuinö mo täbocö i̧huȩnȩ jiäcuähuä isotörö, adihuä ttö̧ja̧rö̧.

2 Timoteo 2:12

Chutäcu ubara ttututtumä, chutäcu huetäcuotöjä. Churu tä̧ppö̧tä̧rö̧ttö̧mä̧, chutä ujuturu ä̧ppö̧tä̧rä̧cua̧.

2 Pedro 3:13

Ja̧'hua̧nö̧ ja̧'a̧nä̧ ujutumä tta̧'ä̧rä̧tö̧jä̧ mo̧ro̧jä̧ ja̧rȩä̧jä̧'i̧nä̧, pi̧jä̧ ja̧rȩä̧jä̧'i̧nä̧, Dios iya päinö. Juhua'a o'ca juiyönä yoräteunä adihuä juäinä tö̧ja̧cuä̧cuo̧tö̧jä̧.

Apocalipsis 11:16

Ja̧'hua̧ ja̧'a̧ttö̧ jahuätö veinticuatro jo̧mȩnä̧ ancianos huotö, Dios ä'ca jo̧mȩttö̧ tti̧dȩäcä̧nä̧ pȩji̧nä̧tö̧mä̧, rȩjȩcu̧ ma̧'ä̧mö̧ Diosrö esehuinätö.

Apocalipsis 12:1

Ja̧'hua̧ ja̧'a̧ mo̧ro̧jä̧nä̧ koro juäi rö̧ȩnä̧ i̧jȩcuä̧ i̧jȩcui̧na̧'a̧. Yajute isaju, kö̧'ca̧tä̧huä̧ta̧ mo̧ro̧ kä̧hua̧ttö̧ 'ca̧tä̧huä̧ju̧ru̧ topinösä. Ja̧'hua̧ta̧nö̧ yodo kä̧hua̧rö̧ kö̧jä̧pö̧ dȩa̧'a̧ ku̧nä̧ri̧nä̧ju̧. Kunä'inä ppöttähuä ttö̧jä̧pö̧ttö̧nö̧ ta̧ju̧ si̧ri̧'cö̧ttö̧ adicua'a huȩnä̧ri̧nä̧ju̧.

Apocalipsis 20:4

Ja̧u̧nu̧ o'ca'a, tti̧dȩä̧qui̧yä̧ topinösä. Ja̧u̧ juäi tti̧dȩä̧qui̧yä̧nä̧ pȩji̧nä̧tö̧, ttö̧ja̧rö̧ ro̧ttȩpa̧ pä'ö huettinä̧u̧. Ja̧'hua̧ta̧nö̧ korotö Jesús i̧huȩnȩ jittähua'attö, ttu 'cui'opö tticuinä̧u̧, Dios hueö'inä esetinätörö topinösä. Jahuätömä ja̧u̧ pä̧i̧cua̧ i̧sa̧rö̧'i̧nä̧, chutä a̧'u̧cuä̧'i̧nä̧ esehuocotö, ja̧u̧ pä̧i̧cua̧ i̧sa̧ öäre sello ttö'änä'inä, ttu̧mö̧nä̧'i̧nä̧ ta'ähuocotö tta̧'cua̧ru̧hua̧rö̧ topinösä. Jahuätö pä'äji ta'anö ttö̧ja̧cua̧'a̧. Cristocu ya'ute mil a̧'ȩ jo̧mȩnä̧ huetta'a topinösä.

Apocalipsis 21:5

Ja̧'hua̧ ja̧'a̧ttö̧ chutä i̧dȩä̧cä̧nä̧ pi̧nö̧mä̧ pä'inö: —Topi. Ttömä o'ca juiyönä jareönä jȩpö̧sä̧. Ja̧'hua̧ta̧nö̧ pä'inö: —Huȩyu̧ti̧. Pi̧yȩ huȩnȩ iso päi'önä huȩnȩ ja̧'a̧ttö̧, o'ca toi'önä ttesetäcua'a̧nö̧ pi̧yȩ huȩnȩ.

Apocalipsis 22:2

Ja̧u̧ ötahuiyä mä̧nä̧ rö̧ä̧mä̧ kä'conä rinoto. Pa̧nä̧cu̧'i̧nä̧, ya̧nä̧cu̧'i̧nä̧ dau, kä̧cuä̧huä̧ i'co dau ki̧na̧'a̧. Ja̧u̧ juäi dau ya'ute a̧'ȩcu̧, duhuocu ttö̧jä̧pö̧ttö̧nö̧ todärenä u̧huä̧ju̧ huȩji̧na̧'a̧. Ka̧ra̧ kä̧hua̧'i̧nä̧, ka̧ra̧ kä̧hua̧'i̧nä̧ u̧huä̧ju̧ huȩji̧na̧'a̧. Jahuäi dau ojiyämä, adihuina'a ttö̧ja̧rö̧ aditö icuähuänä.

Apocalipsis 22:5

Ju̧huȩnȩmä̧ yodomä juiyäcua'a. Ju̧huȩnȩ ka̧cuä̧tö̧mä̧, lámpara i̧tȩa̧u̧'i̧nä̧, mo̧ro̧ kä̧hua̧ i̧tȩa̧u̧'i̧nä̧ juiyönä adiu ttö̧ja̧cuä̧cuo̧tö̧. Tu̧ru̧hua̧ Dios i̧tȩa̧u̧ttu̧ ttö̧ja̧cuä̧cuo̧tö̧. 'Cuäopönä huettäcuotö jahuätömä.

Apocalipsis 3:21

O'ca toi'önä pi̧jä̧ttö̧'i̧nä̧ abonänö juruhuätömä, ttöcu chi̧dȩä̧cä̧nä̧ chö̧'o̧mȩnä̧, chippeyänä ttö̧'ä̧mä̧da̧ pä'ö, ttö pi̧jä̧ttö̧'i̧nä̧ abonänö chujuruhuomenä, Chä'o i̧dȩä̧cä̧nä̧ ö̧'o̧mȩnä̧ ippeyänä chö̧'ä̧mä̧da̧ pä'ö hueinö'a̧nö̧ huȩdä̧cua̧sä̧ jahuätörö.

Apocalipsis 4:4

Ja̧'hua̧ta̧nö̧ ju̧huä̧cä̧ dȩä̧cä̧ tö'cönänöttö veinticuatro jo̧mȩnä̧ dȩä̧qui̧yä̧ topinösä. Ja̧u̧ o'ca juiyönä dȩä̧qui̧yä̧nä̧, veinticuatro jo̧mȩnä̧ ancianos huotö, ttö̧'ca̧tä̧huä̧ta̧ tȩä̧ta̧ 'ca̧tä̧u̧, ttunä'inä ppöttähuä, orottö adicua'a, huȩnä̧rä̧tö̧ pȩji̧nä̧tö̧.

Apocalipsis 7:4

Ja̧u̧nu̧mä̧ Dios huoinä̧u̧ru̧ pa̧'a̧nö̧ ä̧ju̧cui̧nö̧sä̧. Israel ttö̧ja̧ttö̧ ciento cuarenta y cuatro mil jo̧mȩnä̧ Dios huoinä̧u̧ pi̧nä̧tö̧.