San Mateo 18:28 - TÄ̧DO Ä̧CUÄ̧ I̧HUȨNȨ

²⁸ Ja̧'hua̧nö̧ ja̧'a̧nä̧ ja̧u̧ räopächomenä, ka̧ra̧rö̧ a̧hua̧ru̧hua̧rö̧, ja̧u̧ru̧tä̧ ji̧'qui̧cha̧nö̧tä̧ mippotörö po̧cui̧pi̧nö̧do. Ja̧u̧ a̧hua̧ru̧hua̧rö̧ u̧ru̧pä̧'quȩnä̧ chu'ädö pä'inödo: “Ttörö cuimippotömä mitittö.”

Nuevo Testamento Uwotjüja

²⁸ Ja̧'wa̧nü̧ jä̧ji̧ o'ka'a, jua̧u̧mä̧ juorü räopächomȩnä̧ a̧wa̧ru̧wa̧rü̧ po̧kui̧pi̧nü̧, pärätämä̧ ciȩnü̧ jo̧mȩnä̧ mi̧ppotürü; i̧mi̧ppotäku u̧ru̧pä̧'kȩnä̧ 'chu'ädi'ünü̧ pä'inü̧: ¡Kuimi̧ppotümä̧ mitäu ikuittü!, jü̧nä̧.

San Mateo 18:28 ပူးပေါင်းရင်းမြစ်များ

San Mateo 18:27

Ja̧'hua̧nö̧ päomenä, ja̧u̧ ru̧hua̧ a̧'cua̧ tta̧nö̧ toinäcudo. Ja̧u̧ru̧ yoröiso yabonä imitö juiya pä'inödo u̧mö̧huä̧ya̧rö̧. Ja̧u̧nu̧ o'ca'a räopächa pä'ö hueinäcudo adiunä ö̧ja̧ pä'ö.

San Mateo 18:29

Ja̧'hua̧nö̧ päomenä, a̧hua̧ru̧hua̧ ihue'quiyunä kä̧mä̧dö̧ pä'inödo: “Cua̧'cua̧ tta̧nö̧ topittö. Ucuru o'ca juiyönä chi̧mi̧tä̧cua̧sä̧,” pä'inödo.

San Mateo 20:2

Jahuätörö ihueye ya'ute mo̧ro̧ ttaditö micuähuome iya pä'ö ucuocuinödo. Ja̧u̧nu̧ o'ca'a ö'ättara̧'a̧ hueinä̧u̧do.

San Marcos 14:5

Juhuoya iyö icumä trescientos bolívares jo̧mȩnä̧ ȩma̧ja̧tö̧jä̧, usurä isotörö tiya pä'ö. Ja̧'hua̧ ja̧'a̧ jahuäjuru ra̧huä̧ri̧nä̧tö̧do.

San Marcos 6:37

Ja̧'hua̧nö̧ ja̧'a̧ Jesús ädätinödo: —Ucututä ttucua iyätucuitö. Jahuätö ädätinätödo: —Jahuätö ttucua pä'ö, ¿ujutumä doscientos bolívares jo̧mȩnä̧ cuäcuähuä tȩmö̧'a̧nö̧ ja̧'a̧ tä̧ji̧?

San Lucas 10:35

Koro mo̧ro̧ Samaria rȩjȩ ttö̧ja̧ i̧sa̧ i̧u̧ kä̧nö̧, pärätä to̧bi̧rȩ iyinödo 'cuäocuä ttö̧ja̧ ä'ähuode ru̧hua̧rö̧. Ja̧'hua̧ ja̧'a̧ pä'inödo ja̧u̧ru̧, isode ru̧hua̧rö̧: “Tta̧'ä̧ri̧ piderö. Chiyäji pa̧ja̧cuä̧chö̧ juiyöttömä, ucu cuhuäre pärätättö becuhuecuaja. Ppa̧dä̧cho̧mȩnä̧, ttötä chi̧mi̧tä̧cua̧jä̧.”

San Lucas 7:41

Jesús ji'ähuinödo: —U̧mä̧tö̧ ta̧ju̧ pärätä mippotinätödo ya̧tȩ päroäcuähuä i̧sa̧rö̧. Ya̧tȩ quinientos jo̧mȩnä̧ pärätä mippotinödo. Ja̧'hua̧ta̧nö̧ ka̧ra̧mä̧ cincuenta jo̧mȩnä̧ mippotinödo.

San Juan 6:7

Felipe ädätö pä'inödo: —Doscientos bolívares jo̧mȩnä̧ i̧ri̧si̧ tȩmö̧ttö̧mä̧, ppo̧ö̧cu̧nä̧ tiyä'cha'anä, yoröiso ttö̧'a̧ja̧cuä̧chö̧ juiyö'a̧nö̧ ja̧'a̧.