San Mateo 18:19 - TÄ̧DO Ä̧CUÄ̧ I̧HUȨNȨ

¹⁹ “Ja̧'hua̧ta̧nö̧ pä'ösä ucuturu, ucututtu pi̧jä̧nä̧ ka̧cuä̧tö̧mä̧ ta̧ju̧ ji̧nä̧ yo̧mȩtȩ eseunu Diosrö jäcuhue'ätucuttumä, jäcuhue'ätucumä o'ca juiyönä i̧yä̧cua̧ Chä'o mo̧ro̧jä̧nä̧ kö̧mä̧.

Nuevo Testamento Uwotjüja

¹⁹ Pä'äjita'anü̧ pädäu̧jä̧, pi̧jä̧nä̧ttü̧ ukututtü ta̧ju̧ kkorojuei Dio-rü jäkuepätukua pä'ü kuamükuädätukuttümä̧, Chä'o mo̧ro̧jä̧ ru̧wa̧mä̧ i̧yä̧kua̧.

San Mateo 18:19 ပူးပေါင်းရင်းမြစ်များ

San Mateo 21:22

Ja̧'hua̧ta̧nö̧ o'ca juiyönä Diosrö jäcuhue'ätucumä, adiunä cuesetätucuttumä, cuȩmä̧cuo̧tö̧jä̧, —pä'inödo Jesús.

San Mateo 7:7

“Jä'epätucui. Jacuhue'ätucumä, cuȩmä̧cuo̧tö̧jä̧. Usätucui. Cusätucumä, cu̧'o̧cui̧'ä̧cuo̧tö̧jä̧. Äpate ä'ca 'ta'tapätucui. 'Ta'tacuätucuttumä, bahuecuächäcua'a.

San Marcos 11:24

Ja̧'hua̧nö̧ ja̧'a̧ttö̧ pä'ösä ucuturu, o'ca juiyönä Diosrö jäcuhue'ätucumä, täcö ȩmä̧jä̧tö̧jä̧ pä'ö adiunä cuesetätucuttumä, cuȩmä̧cuo̧tö̧jä̧.

San Juan 15:16

Ucutumä ttörö o'ipocotö pi̧nä̧tö̧jä̧. Ttömä ucuturutä o'ipinösä. Ja̧'hua̧ta̧nö̧ ucuturu hue'inösä rö̧ȩnä̧ u̧huä̧ju̧, beipächocö juäittö cu̧ju̧nä̧rä̧tu̧cua̧ pä'ö. Ja̧'hua̧nö̧ cu̧ju̧nä̧rä̧tu̧cu̧ttu̧mä̧, o'ca juiyönä chi̧mi̧nä̧ jäcuhue'ätucumä, Chä'o i̧yä̧cua̧ ucuturu.

San Juan 15:7

“Ttörö todeunä cu̧ja̧cuä̧tu̧cuo̧mȩnä̧, chu̧huo̧juȩti̧nö̧ cunichi'ätucu juiyöttömä, ucuturu pä̧huä̧ rö̧jö̧ jäcuhue'ätucuomenä, Chä'o i̧yä̧cua̧ ucuturu.

San Juan 16:23

“Ja̧u̧nu̧ mo̧ro̧ päi'omenä, yoröiso jä'epocotö cuäcuotöjä ttörö. Iso päi'önä pä'ösä ucuturu, o'ca juiyönä chi̧mi̧nä̧ jäcuhue'ätucumä, Chä'o i̧yä̧cua̧ ucuturu.

Hechos 1:14

Jahuätö Jesús hue'ähuotö o'ca toi'önä ca̧ca̧cuä̧rö̧ Diosrö ucuocuinätödo nä̧tö̧cu̧, Jesús ja̧ju̧ Maríacu, Jesús ö̧jä̧hua̧tö̧cu̧.

Hechos 12:5

Ja̧'hua̧ ja̧'a̧ Pedrorö cärenä päcuähuodenä tta̧ttä̧ra̧'a̧nä̧, iglesia ruhuämä Diosrö 'cuäopönä juruhuächi'ö ucuocuinätödo.

Hechos 16:10

Ttu̧'cuo̧ti̧cua̧'a̧ jä̧'i̧nö̧'a̧nö̧ päi'omenä, Pablo toäji o'ca'a, ujutu jo̧mȩ päi'önä aditinätöjä Macedonia rȩjȩra̧'a̧ ti̧'cha̧ pä'ö. Ujutu amöcuädinätöjä: “Dios ujuturu i̧jȩpä̧ji̧ ja̧huä̧jä̧ ttö̧ja̧rö̧ adihuä huȩnȩ jitähua pä'ö.”

Hechos 6:4

Ujutu 'cuäopönä Diosrö tucuocuäcuotöjä. I̧huȩnȩ'i̧nä̧ huo̧juȩtö̧ jitähuäcuotöjä, —pä'inätödo Jesús hue'ähuotö.

Filipenses 1:19

Ucutu ttörö Diosrö jä'epö cucuocuätucuomenä, Espíritu Santo'inä ppädomenä, adiu rä̧do̧pä̧cua̧sä̧ pä'ö, huo̧jua̧sä̧.

1 Juan 3:22

Diosrö pä̧huä̧ rö̧jö̧ jȩto̧mȩnä̧, hueinö ta'anö jȩta̧'a̧ttö̧ ja̧u̧ ujuturu iyö o'ca juiyönä jätepömä.