San Mateo 16:20 - TÄ̧DO Ä̧CUÄ̧ I̧HUȨNȨ

²⁰ Ja̧'hua̧ ja̧'a̧ Jesús u̧huo̧juȩtä̧u̧ru̧ pä'inödo: —Ttö Cristosä pä'ö jicuhuähuätucuä' korotörö, —pä'inödo.

Nuevo Testamento Uwotjüja

²⁰ Ja̧'wa̧nü̧ jä̧ji̧ o'ka'a Jesú-mä̧ u̧wo̧juȩtä̧u̧rümä̧ ya̧tȩrü̧'i̧nä̧ jittäu juiyünä̧tä̧ ro̧'ȩpi̧nü̧, jua̧u̧tä̧ jä̧ja̧'a̧ Crito-mä̧ pä'ümä̧.

San Mateo 16:20 ပူးပေါင်းရင်းမြစ်များ

San Mateo 1:16

Ja̧'hua̧ta̧nö̧ Jacobmä, José jä'o pi̧nö̧do. Josémä, María kirecuo pi̧nö̧do. Jahuäjumä, Maríamä, Jesús ja̧ju̧ pi̧nä̧ju̧do. Ja̧'hua̧ta̧nö̧ Jesúsmä koro i̧mi̧ Cristo mi̧cua̧do.

San Mateo 16:16

Ja̧'hua̧nö̧ päomenä, Simón Pedro pä'inödo: —Ucumä Cristojä, Dios kö̧ I̧tti̧jä̧.

San Mateo 17:9

Ja̧u̧nu̧ o'ca'a inähuättö ttimejähuomenä, Jesús jahuätörö pä'inödo: —Korotörö jicuhuähuätucuä' jitä tocu'äjätucumä Ubo I̧tti̧ 'corupä'i'ö'ca̧ ttoächome jubö päi'önä.

San Mateo 8:4

Ja̧'hua̧ ja̧'a̧ Jesús päinäcudo: —Topittö. Yoröiso jicuhuähuä' korotörö. Ya̧tȩrö̧tä̧ sacerdoterötä, i̧jȩcuä̧ji̧. Juhua'atä 'chä̧nö̧, Moisés hueinömä iyi, ttö̧ja̧ tottacu cuttahuiyä märichei juiya'a, —pä'inödo Jesús.

San Marcos 8:30

Ja̧'hua̧nö̧ ja̧'a̧nä̧ korotörö ja̧'hua̧nö̧ jittäu juiya pä'ö päinä̧u̧do.

San Marcos 9:9

Ja̧u̧nu̧ o'ca'a inähuättö tti̧mȩjä̧huo̧mȩnä̧, Jesús jahuätörö pä'inödo: —Korotörö jicuhuähuätucuä' jitä tocu'äjätucumä Ubo I̧tti̧ 'corupä'i'ö'ca̧ ttoächome jubö päi'önä.

San Lucas 2:11

Mo̧ro̧ji̧ mo̧ro̧ uhuäpächäji David idepiyuttu ya̧tȩ suronä jȩcu̧'ä̧tu̧cu̧ jȩpö̧ i̧cuä̧cua̧ ucuturu. Ja̧u̧tä̧ Tu̧ru̧hua̧ Cristomä.

San Lucas 9:21

Ja̧'hua̧nö̧ ja̧'a̧nä̧ korotörö ja̧'hua̧nö̧ jittäu juiya pä'ö päinä̧u̧do Jesús.

San Lucas 9:36

Ja̧u̧ huȩnȩ ucuocuäji o'ca'a, Jesúsru topinätödo katä ö̧ja̧'a̧tä̧. Jahuätö 'corujuäinätä ka̧cui̧nä̧tö̧do. Yoröiso ya̧tȩrö̧'i̧nä̧ ji'ähuocotö pi̧nä̧tö̧do ja̧u̧nu̧ tottäjimä.

San Juan 1:41

Yotäcu uböo Simónrö o'ipö 'chi̧nö̧do. Ja̧u̧ru̧ pä'inödo: —Ujutumä po̧cui̧pä̧jä̧tö̧jä̧ Mesíasrö. Ja̧'hua̧nö̧ päomenä, “Cristorö po̧cui̧pä̧jä̧tö̧jä̧” pä'inödo.

San Juan 1:45

Jesús Feliperö oipäji o'ca'a, Felipemä Natanaelrö o'ipö 'chi̧nö̧do. Ja̧u̧ru̧ pä'inödo: —Moisés hueähuä huȩnȩnä̧ huȩyu̧tu̧ päinäcuru topäjätöjä̧. Ja̧'hua̧ta̧nö̧ Dios i̧huȩnȩ jiäcuähuä isotö pättinäcuru topäjätöjä̧. Ja̧u̧mä̧ Jesús, José i̧tti̧do, Nazaret ötahuiyänä ki̧nö̧do.

San Juan 11:27

Jahuäju pä'inäjudo: —A̧'a̧, Chu̧ru̧hua̧. Ucumä Cristojä, Dios I̧tti̧ pi̧jä̧ra̧'a̧ i̧chä̧cua̧ pättinäcu esetäjusä.

San Juan 20:31

Pi̧yȩ huȩyu̧cuä̧ ka̧'a̧ ucutumä iso päi'önä Jesúsmä Cristo ja̧'a̧ pä'ö cuesetätucua pä'ö. Ja̧'hua̧ta̧nö̧ Jesúsmä, Dios I̧tti̧ ja̧'a̧ pä'ö cuesetätucua pä'ö. Ja̧'hua̧ta̧nö̧ ja̧u̧ru̧tä̧ cuesetätucuttumä, kä̧cuä̧huä̧ i'co cu̧ju̧nä̧rä̧tu̧cua̧ pä'ö huȩyu̧cua̧'a̧ pi̧yȩ huȩnȩ.

Hechos 2:36

“Ja̧'hua̧nö̧ ja̧'a̧ ucutu o'ca toi'önä Israel ttö̧ja̧ cu̧huo̧juä̧tu̧cu̧'a̧nö̧ ja̧'a̧ ja̧u̧tä̧ Jesús, ucutu daunä pȩ'o̧pö̧ cu̧ju̧ni̧nä̧tu̧cuä̧cu̧, Dios hueinäcu Tu̧ru̧hua̧ Cristo päi'önä, —pä'inödo Pedro.

1 Juan 2:22

¿Dijä̧ttö̧ yaparehua̧mä̧? Jesúsmä Cristomä̧cö̧ pä'ö yaparehua̧mä̧. Tä'o Diosrö'inä, I̧tti̧ Jesucristorö'inä ä̧ppö̧tä̧rö̧mä̧, ja̧u̧mä̧ Jesucristo a̧bo̧i̧ya̧.

1 Juan 5:1

O'ca toi'önä Jesúsmä Cristo ja̧'a̧ pä'ö esetätömä, Dios i̧tti̧mö̧. Ya̧tȩ ta̧hua̧ru̧hua̧ i̧tti̧mö̧ ku̧nä̧rö̧rö̧ repetöttömä, ja̧u̧tä̧ i̧tti̧mö̧rö̧'i̧nä̧ repe'ätöjä.