San Mateo 15:31 - TÄ̧DO Ä̧CUÄ̧ I̧HUȨNȨ

³¹ Ja̧'hua̧ ja̧'a̧ ttö̧ja̧ to̧pä̧rö̧ ka̧cui̧nä̧tö̧do tti̧huȩnȩ jui'ätö ttucuocua'a topö. Ttöjo jui'ätö'inä adiu päi'inä̧u̧do. Cue'ächocotö cuettächa'a'inä, ä̧to̧cä̧tö̧ totta'a'inä to̧pä̧rö̧ ka̧cui̧nä̧tö̧do. Jahuätömä Israel ttö̧jä̧ Diosrö eseunu ucuocuinätödo.

Nuevo Testamento Uwotjüja

³¹ Ttü̧ja̧mä̧ to̧o̧ to̧ttä̧rü̧nä̧tä̧ päi'ünä̧ ukuokuokotü päjätümä̧ ukuokuinä̧tü̧, ttidepättü ji̧yȩtȩ jui'ätü'i̧nä̧ adiwächinä̧tü̧, ppi̧sä̧ ppi̧sä̧ 'chä̧jä̧tü̧'i̧nä̧ adiu kue'ächinä̧tü̧ ja̧'wa̧ta̧nü̧ ä̧to̧kä̧jä̧tü̧'i̧nä̧ topinä̧tü̧. Ja̧'wa̧nü̧ ji̧yä̧u̧ Irae ttü̧ja̧ ttü̧ä̧nä̧wa̧ Dio-rütä esewinä̧tü̧.

San Mateo 15:31 ပူးပေါင်းရင်းမြစ်များ

San Mateo 15:30

Ttö̧ja̧ recuätö ö̧jo̧mȩ ichinätödo. Recuätö cue'ächocotörö'inä, ä̧to̧cä̧tö̧rö̧'i̧nä̧, tti̧huȩnȩ jui'ätörö'inä, ttöjo'inä, ttöja'inä jui'ätörö'inä, koro juäi na̧'ä̧chä̧tö̧rö̧'i̧nä̧ i'cächinätödo. Jesús ä'ca jo̧mȩ rötinätödo. Jesús jahuätörö o'ca toi'önärö aditö icuinä̧u̧do.

San Mateo 18:8

“Ja̧'hua̧nö̧ ja̧'a̧ttö̧ cu̧mö̧'i̧nä̧, cu̧jä̧pö̧'i̧nä̧ suronä jȩcu̧'a̧ pä'ö hueöttömä, 'cui'ocu icu, oto do'opö icui. Iso päi'önä, cu̧mö̧ to̧mö̧rȩ ka̧'a̧nä̧, cu̧jä̧pö̧ to̧'u̧rȩ ka̧'a̧nä̧, ocurära̧'a̧ cui̧'cha̧'a̧ttö̧'i̧nä̧ abonänö adihua'ado cu̧huä̧nä̧hua̧'a̧ doächäcuähuänä cu̧mö̧ ji̧mö̧tȩtä̧, cu̧jä̧pö̧ ji̧'u̧tȩtä̧ ka̧'a̧ 'chä̧cuä̧huä̧nä̧.

San Mateo 21:14

Ju̧huȩnȩtä̧ Diosrö ucuocuäcuähuodenä korotömä ä̧to̧cä̧tö̧rö̧'i̧nä̧, cue'ächocotörö'inä i'cächinätödo Jesúsru. Jahuätörö aditö icuinödo.

San Mateo 8:10

Jesús ja̧'hua̧nö̧ ä̧ju̧cuo̧mȩnä̧, nö̧'ä̧chö̧ to̧pä̧ri̧nö̧do ja̧u̧ru̧. O'ca'anä chutäcu cue'ächätörö pä'inödo: —Iso päi'önä pä'ösä ucuturu, judíos ttö̧ja̧ttö̧'i̧nä̧ pide esetö'a̧nö̧ esetörömä yoröiso topocö pä'ijösä.

San Mateo 9:32

Juhua'attö rä'opächö kara'a tti̧'cho̧mȩnä̧, Jesús i̧'cha̧'a̧cu̧ i'cächinätödo ya̧tȩ i̧huȩnȩ jui̧'a̧rö̧. Ja̧u̧ espíritu su̧ro̧pa̧rö̧ ku̧nä̧ri̧nö̧do.

San Mateo 9:33

Jesús ja̧u̧ espíritu su̧ro̧pa̧rö̧ rä'epö icuomenä, ja̧u̧ ubomä i̧huȩnȩ ucuocuinödo. Jahuätö ttö̧ja̧ topäjätömä to̧pä̧rö̧ ka̧cui̧nä̧tö̧do. Jahuätö pä'inätödo: —Israel tti̧rȩjä̧nä̧ ja̧'hua̧nö̧ jö̧mä̧ yoröiso toäcuähuocödo pä'äjimä.

San Mateo 9:8

Ju̧huȩnȩ ka̧cuä̧tö̧mä̧ ja̧'hua̧nö̧ jȩa̧'a̧ topö, ye'ecuinätödo. Jahuätö Diosrö eseunu ucuocuinätödo, pi̧jä̧ ttö̧ja̧rö̧ ujuru iya'attö.

San Marcos 2:12

Ja̧u̧ 'cuä̧'a̧mä̧ yotäcu ä̧rä̧mi̧'i̧nö̧do. Ö̧rä̧sa̧ ȩmi̧pö̧, juhua'attö rä'opächinödo, o'ca toi'önä to̧ttä̧ro̧mȩnä̧. Ja̧'hua̧nö̧ ja̧'a̧ttö̧ o'ca toi'önä to̧pä̧rö̧ kä̧nö̧ esehuinätödo Diosrö. Pä'inätödo: —Ja̧'hua̧nö̧ jö̧mä̧ yoröiso topocotö pä'iätöjä.

San Marcos 7:37

Ja̧'hua̧ta̧nö̧ eseunu to̧pä̧rö̧ kä̧nö̧ pä'inätödo: —O'ca juiyönä jȩö̧mä̧, adiu jȩpö̧. Ä̧ju̧cuo̧co̧tö̧'i̧nä̧, ttä̧ju̧cu̧nä̧ jȩpö̧. Ucuocuocotö'inä, ttucuocunä jȩpö̧, —pä'inätödo.

San Marcos 9:43

Ja̧'hua̧ta̧nö̧ cu̧mö̧ suronä jȩcu̧'a̧ pä'ö hueöttömä, 'cui'ocu icui. Iso päi'önä cu̧mö̧ to̧mö̧rȩ ka̧'a̧nä̧ ocurära̧'a̧, yoröiso beipocarära̧'a̧ cui̧'cha̧'a̧ttö̧'i̧nä̧ abonänö adihua'ado cu̧huä̧nä̧hua̧'a̧ doächäcuähuänä cu̧mö̧ ji̧mö̧tȩtä̧ ka̧'a̧ 'chä̧cuä̧huä̧nä̧.

San Lucas 14:13

Ja̧'hua̧nö̧ jȩttä̧'i̧nö̧ juäimä, cuäcuähuä cuaditomenä, o'ähui usurä isotörö'inä, ttö̧jä̧pi̧yä̧ jui'ätörö'inä, kosu kosunu ka̧cuä̧tö̧rö̧'i̧nä̧, ä̧to̧cä̧tö̧rö̧'i̧nä̧.

San Lucas 14:21

Täcö u̧mö̧huä̧ya̧ ppa̧'ä̧chö̧, ja̧u̧ o'ca juiyönä ji'ähuinödo u̧ru̧hua̧rö̧. Ja̧'hua̧nö̧ ja̧'a̧ u̧ru̧hua̧ ra̧huä̧ri̧pi̧nö̧do. Pä'inödo u̧mö̧huä̧ya̧rö̧: “Ötahuiyä mä̧ni̧yä̧ bäreunä'inä, ppo̧ö̧nä̧'i̧nä̧ täi. I'cächi pocu usurä isotörö'inä, ttö̧jä̧pö̧ jui'ätörö'inä, kosu kosunu ka̧cuä̧tö̧rö̧'i̧nä̧, ä̧to̧cä̧tö̧rö̧'i̧nä̧.”

San Lucas 18:43

Yotäcu ja̧u̧ ä̧to̧ca̧mä̧ adiu topinödo. Jesúscu cue'ächinödo, Diosrö adiu ucuocu kä̧nö̧. Ja̧'hua̧ta̧nö̧ o'ca toi'önä ttö̧ja̧, ja̧u̧ topäjätö'inä, Diosrö adiu ucuocuinätödo.

San Lucas 7:16

Ja̧'hua̧nö̧ tottomenä, o'ca toi'önä ye'inätödo. Ja̧'hua̧nö̧ ja̧'a̧ttö̧ Diosrö eseunu ucuocuinätödo. Pä'inätödo: —Ya̧tȩ ucuo i̧sa̧, Dios i̧huȩnȩ jiäcuähuä i̧sa̧ i̧jȩcuä̧jä̧u̧jä̧ ujutu tö̧'quȩtȩttö̧. Ja̧'hua̧ta̧nö̧ pä'inätödo: —Dios umöhuäyotörö ppä'ädö ichäji.

San Juan 9:24

Ja̧'hua̧ ja̧'a̧ttö̧ judíos ttö̧ja̧ ja̧u̧ru̧ pä'äji ä̧to̧qui̧nö̧rö̧ huopö, pä'inätödo: —Dios ä'ca jo̧mȩttö̧ iso päi'önä ji'ähuitö. Ja̧u̧ ubomä suronä jȩpö̧ huo̧juä̧tö̧jä̧.