San Mateo 14:14 - TÄ̧DO Ä̧CUÄ̧ I̧HUȨNȨ

¹⁴ Jesús huoi'cattö huä̧mi̧'ö̧, recuätö ttö̧ja̧rö̧ topinödo. Jahuätörö a̧'cua̧ tta̧ jö̧nä̧ topinödo. Na̧'ä̧chä̧tö̧rö̧ tti'cächäjä̧u̧ru̧ aditö icuinödo.

Nuevo Testamento Uwotjüja

¹⁴ Jesú-mä̧ woi'kattü i̧mȩyȩwi̧'o̧mȩnä̧ ttü̧ja̧ rekuätü ttü̧ja̧kua̧'a̧ topinü̧; to'omȩnä̧ rȩrü̧jä̧chi̧'ä̧ku̧ na̧nȩpä̧tü̧ tti̧'chä̧chä̧jä̧u̧ru̧ aditü ikuinü̧.

San Mateo 14:14 ပူးပေါင်းရင်းမြစ်များ

San Mateo 14:15

Täcö ni̧pä̧chi̧'o̧mȩnä̧, Jesús u̧huo̧juȩtä̧u̧ Jesúsru ichi'ö pä'inätödo: —Täcö ni̧pä̧cha̧'a̧. Pȩnȩmä̧ ttö̧ja̧ toa'a. Ttö̧ja̧rö̧ ji'ähui, ötahuiyära̧'a̧ tti̧'cha̧ pä'ö ttu̧cuȩ ttȩma̧ pä'ö.

San Mateo 4:23

Jesús Galilea rȩjȩnä̧ pa̧ja̧cu̧nä̧ huo̧juȩtö̧ cue'ächinödo, o'ca juiyönä judíos ttu̧huo̧jui̧'i̧nodehuiyänä koromecu, koromecu'inä. Adihuä huȩnȩ, Dios Ru̧hua̧ päi'önä ö̧jä̧cuȩ huȩnȩ, ji'ähuinödo. Ja̧'hua̧ta̧nö̧ o'ca toi'önä na̧'ä̧chä̧tö̧rö̧mä̧ aditö icuinödo.

San Mateo 9:36

Ttö̧ja̧rö̧ tomenä, re rö̧jö̧nä̧nö̧ toinä̧u̧do. Jahuätömä o̧vȩja̧stö̧ tta̧huä̧rä̧cuä̧huä̧ i̧sa̧ to'ätö jä̧'i̧nö̧'a̧nö̧ 'cuä'ächi'ö tta̧'cua̧ tta̧'ȩcu̧nu̧ cue'ächinätödo.

San Marcos 6:34

Jesús huoi'cattö huä̧mi̧'ö̧, recuätö ttö̧ja̧rö̧ topinödo. Jahuätörö a̧'cua̧ tta̧ jö̧nä̧ topinödo, o̧vȩja̧stö̧ tta̧huä̧rä̧cuä̧huä̧ i̧sa̧ to'ätö jä̧'i̧nö̧'a̧nö̧ cuettächa'attö. Ja̧u̧mä̧ jahuätörö rö̧ȩnä̧ huo̧juȩti̧nö̧do.

San Marcos 9:22

Ja̧'hua̧ta̧nö̧ espíritu su̧ro̧pa̧ cuä'ö icuarö pä'ö ocuränä'inä, ajiyanä'inä 'cuäopönä ma̧ä̧mö̧nä̧ jȩä̧'i̧jä̧cu̧. Ja̧'hua̧nö̧ ja̧'a̧ttö̧ ucu aditö cuicu'a̧nö̧ jö̧ttö̧mä̧ ujuturu re rö̧jö̧nä̧ topö ppä'äditö.

San Lucas 19:41

Jerusalén ötahuiyä tö'cö 'chä̧hui̧'ö̧, topö ajuähuinödo ja̧u̧ ötahuiyä ttö̧ja̧rö̧ amöcuädö.

San Lucas 7:13

Ja̧'hua̧ ja̧'a̧ttö̧ jahuäjuru topö Tu̧ru̧hua̧ re rö̧jö̧nä̧ topinö jahuäjuru. Ja̧'hua̧ ja̧'a̧ttö̧ päinäcuado: —Cuajuähuä'.

Hebreos 2:17

Ja̧'hua̧nö̧ ja̧'a̧ttö̧ ö̧jä̧hua̧tö̧ ta'anö hua̧, adiunä ji'äu re rö̧jö̧nä̧ topö, Dios ä'ca jo̧mȩttö̧ adihuä sacerdote ru̧hua̧ päi'önä ö̧ja̧ pä'ö ichinödo. Ja̧'hua̧ta̧nö̧ ja̧u̧, ttö̧ja̧ suronä jȩtti̧nö̧ jȩpö̧ icua pä'ö jȩpö̧ sacrificio hui̧nö̧do.

Hebreos 4:15

Ja̧u̧ sacerdote ru̧hua̧mä̧, ujutu tijuiyuhuomenä, a̧'cua̧ tta̧nö̧ topö ujuturu. Iso päi'önä ujutu o'ca juiyönä ubara ttutu ta'anö, ja̧u̧'i̧nä̧ ubara ttu'inödo. Ja̧'hua̧nö̧ ubara ttuhuomenä, yoröiso suronämä jȩpo̧cö̧ pi̧nö̧do.

Hebreos 5:2

Chutä sacerdote ru̧hua̧rö̧'i̧nä̧ korotörö 'cuäopö ta'anö, 'cuäopäcudo. Ja̧'hua̧nö̧ ja̧'a̧ttö̧ jerupätörö'inä, re'tehuächätörö'inä ami 'qui'ächi'ö kö̧.