San Mateo 13:47 - TÄ̧DO Ä̧CUÄ̧ I̧HUȨNȨ

⁴⁷ “Ja̧'hua̧ta̧nö̧ Dios hueömä koro juäi ma'ayä jacuotocu icu, recuätö po̧i̧ 'chuhuäda'a jä̧'i̧nö̧'a̧nö̧ ja̧'a̧.

Nuevo Testamento Uwotjüja

⁴⁷ Ja̧'wa̧ta̧nü̧ mo̧ro̧jä̧ ru̧wa̧ weümä̧ po̧i̧ wo̧ä̧wä̧sa̧ rü̧ä̧ duboranä̧ ttikuomȩnä̧ kkorojuo'otü po̧i̧'i̧nä̧ o'katoi'ünä̧ wottokuächa'a jä̧'i̧nü̧'a̧nü̧ ja̧'a̧.

San Mateo 13:47 ပူးပေါင်းရင်းမြစ်များ

San Mateo 13:44

Juhua'a yabonö huo̧juȩti̧nö̧do Jesús: —Ja̧'hua̧ta̧nö̧ Dios hueömä koro juäi rö̧ȩnä̧ micuäu juäi rȩjȩ jacuä pa̧'a̧ jä̧'i̧nö̧'a̧nö̧ ja̧'a̧. Ya̧tȩ ja̧u̧ juäi rö̧ȩnä̧ micuäu juäi po̧cui̧pö̧'ca̧, juhuorötä pä'äji ta'anö dajö icu. Ja̧'hua̧nö̧ jȩpö̧ eseunu iyö icu o'ca juiyönä u̧ju̧nä̧rö̧mä̧ ju̧huä̧jä̧, rö̧ȩnä̧ micuäu juäi pä̧jo̧mȩ, ȩma̧ pä'ö.

San Mateo 13:46

Ja̧u̧ juäi rö̧ȩnä̧ micuäu ö̧'o̧cui̧'o̧mȩnä̧, o'ca juiyönä u̧ju̧nä̧rö̧mä̧ eseunu iyö icu, ja̧u̧ juäi rö̧ȩnä̧ micuäumä ȩma̧ pä'ö.

San Mateo 13:48

Ja̧u̧ ma'ayä suhuädi'omenä, po̧i̧ 'cho'ätö rȩba̧cu̧ do'ätödo. Juhua'atä rȩba̧nä̧ pä̧nö̧, po̧i̧rö̧ ȩmä̧tö̧ ma'ayättö, adihuätörö ppappanä rötö, suropätörö do'opö icu.

San Mateo 4:19

Ja̧'hua̧nö̧ ja̧'a̧ttö̧ Jesús päinä̧u̧do: —Ttöcu ichätucui chu̧huo̧juȩtä̧tu̧cua̧cu̧ ttö̧ja̧rö̧ 'chocuhui'ätucua, —päinä̧u̧do.

San Marcos 1:17

Ja̧'hua̧nö̧ ja̧'a̧ttö̧ Jesús päinä̧u̧do: —Ttöcu ichätucui, chu̧huo̧juȩtä̧tu̧cua̧cu̧ ttö̧ja̧rö̧ 'chocuhui'ätucua, —päinä̧u̧do.

San Lucas 5:10

Ja̧'hua̧ta̧nö̧ Simón ahuaruhuä Jacobocu, Juancu Zebedeo i̧tti̧mö̧ pi̧nä̧tö̧mä̧ ye'i'inätödo. Ja̧'hua̧nö̧ ja̧'a̧nä̧ Jesús pä'inödo Simónrö: —Yecuhuecuä'. Jitämä ttö̧ja̧rö̧ 'cho̧cu̧hui̧'ä̧cua̧jä̧.

San Juan 15:2

Koro ttöttö ä̧na̧juä̧ u̧huä̧ju̧ juiyömä 'cui'opö icu. Koro u̧huä̧ju̧ ka̧cu̧mä̧ adiunätä aditö tta̧'ä̧rö̧, juhua'a yabonö rö̧ȩnä̧ u̧huä̧ju̧ huȩja̧ pä'ö.

San Juan 15:6

Koro ä̧na̧jui̧yä̧ do'opö tticu joipö o'ca'a, ca̧ca̧tö̧ ocuränä ku tticua'a jä̧'i̧nö̧'a̧nö̧, 'cuä̧o̧pä̧cua̧ ttörö todeunä ko̧cö̧mä̧.

Hechos 20:30

Ja̧'hua̧ta̧nö̧ ucututtu yotöcunä yapareu huȩnȩ ttu̧huo̧juȩtä̧cuo̧tö̧, Jesucristorö esetätömä jahuätörö tteseta pä'ö.

1 Corintios 11:19

Iso päi'önä ja̧'hua̧nö̧mä̧ i̧mi̧cu̧nä̧ cuamöcuädäcuotöjä, adiu esetätörö cu̧huo̧juä̧tu̧cuä̧cua̧'a̧nö̧.

2 Corintios 11:26

Rö̧ȩnä̧ cue'ächinösä. Ja̧'hua̧ta̧nö̧ aje ra̧huȩpi̧jotonä cue'ächinösä. Na̧u̧cuä̧rä̧tö̧ ttö̧'quȩtȩnä̧'i̧nä̧, judíos ttö̧ja̧ ttö̧'quȩtȩnä̧'i̧nä̧, korotö ttö̧ja̧ ttö̧'quȩtȩnä̧'i̧nä̧ ra̧huȩpi̧jö̧nä̧ cue'ächinösä. Ja̧'hua̧ta̧nö̧ ötahuiyänä'inä, de'anä'inä, aje rö̧otonä'inä ra̧huȩpi̧jö̧nä̧ cue'ächinösä. Korotö tö̧jä̧hua̧tö̧ pättä̧u̧, yapareu ucuocuätö ttö̧'quȩtȩnä̧'i̧nä̧ ra̧huȩpi̧jö̧nä̧ cue'ächinösä.

Gálatas 2:4

Juhua'acumä iso päi'önä korotö amönä tö̧jä̧hua̧tö̧ pä'ähuätö tö̧'quȩtȩnä̧ dajahuächö dodepäjätö pȩji̧nä̧tö̧ ujutucu. Jahuätötä circuncisión jȩta̧rö̧ pä'inätö. Jahuätö dodepinätö to̧ttä̧ra̧ pä'ötä ujuturu Cristo Jesúsru esetö adiu tö̧ja̧cua̧ja̧ pä'ö topö. Jahuätö ji̧nä̧ tö̧ji̧ya̧tö̧ pä'inätö.

Apocalipsis 3:1

“Ja̧'hua̧ta̧nö̧ Sardis ötahuiyättö iglesia ruhuärö tta̧huä̧rä̧cuä̧huä̧ i̧sa̧rö̧ huȩyu̧tu̧ hue'i: “Dios jähuä ko̧ro̧mö̧ttö̧nö̧ ta̧ju̧ru̧ espíritus'inä, ko̧ro̧mö̧ttö̧nö̧ ta̧ju̧ru̧ si̧ri̧'cö̧rö̧'i̧nä̧ ku̧nä̧rö̧mä̧ pa̧'a̧nö̧ pä'ö: O'ca juiyönä jȩcu̧'u̧mä̧ huo̧jua̧sä̧. Iso päi'önä korotömä “a̧'cua̧rö̧” pätta'anä, yoröiso 'corupä'i'ätö jä̧'i̧nö̧'a̧nö̧ hua̧jä̧.