San Mateo 12:50 - TÄ̧DO Ä̧CUÄ̧ I̧HUȨNȨ

⁵⁰ O'ca toi'önä Chä'o mo̧ro̧jä̧ra̧'a̧ kö̧rö̧ pä̧huä̧ rö̧jo̧mȩnä̧ jȩpä̧tö̧tä̧, jahuätötä ttö cha̧ju̧'i̧nä̧, chö̧jä̧hua̧tö̧'i̧nä̧ pä'i'ätö, —pä'inödo Jesús.

Nuevo Testamento Uwotjüja

⁵⁰ Isopäi'ünä̧ Chä'o mo̧ro̧jä̧nä̧ kkü̧ üjü'komȩnä̧ jȩpä̧ju̧tä̧ ja̧'a̧ cha̧ju̧ wajumä̧, chijäwaju wajumä̧ ja̧'wa̧ta̧nü̧ chi̧jä̧wa̧ wa̧mä̧.

San Mateo 12:50 ပူးပေါင်းရင်းမြစ်များ

San Mateo 12:49

Ja̧'hua̧nö̧ pä'äji'ca̧, u̧huo̧juȩtä̧u̧ru̧ te'ö pä'inödo: —Pitötä cha̧ju̧'i̧nä̧, chö̧jä̧hua̧tö̧'i̧nä̧.

San Mateo 13:1

Ja̧u̧nu̧ mo̧ro̧ Jesús isodettö rä'opächö, dubora jäyora pä̧mä̧di̧nö̧do.

San Mateo 17:5

Pedro ja̧'hua̧nö̧ ucuocuomenä, ajiya isoppa tȩa̧u̧ mȩyȩhui̧'i̧na̧'a̧do jahuätö ttö̧ja̧cuo̧mȩcu̧. Ajiya isoppattö ya̧tȩ i̧huȩnȩ ucuocua'a ä̧ju̧cui̧nä̧tö̧do: —Pidemä ttö Chi̧tti̧ rȩni̧'a̧. Ttömä juiyo eseusä ja̧u̧ru̧. Ä̧ju̧cuä̧tu̧cui̧ ja̧u̧ru̧tä̧, —ucuocua'a ä̧ju̧cui̧nä̧tö̧do.

San Mateo 25:40

Ja̧'hua̧nö̧ pättomenä, Ru̧hua̧mä̧ ä̧dä̧tä̧cua̧: “Iso päi'önä pä'ösä ucuturu, ya̧tȩ ttörö esetörö, usurä i̧sa̧rö̧'i̧nä̧, ttörö esetörö ppäcuhuädätucuomenä, ttörötä ppä'ädö jȩpi̧nä̧tö̧jä̧.”

San Mateo 25:45

Ja̧'hua̧nö̧ pättomenä, Ru̧hua̧mä̧ ä̧dä̧tä̧cua̧: “Iso päi'önä pä'ösä ucuturu, ttörö esetörö, usurä i̧sa̧rö̧'i̧nä̧ ttörö esetörö, ppäcuhuädätucuoca'anä, ttörötä ppä'ädocotö pi̧nä̧tö̧jä̧”, pä̧cua̧ Ru̧hua̧mä̧.

San Mateo 28:10

Ja̧u̧ pä'inödo jahuätörö: —Yecuhuecuätucuä'. Chö̧jä̧hua̧tö̧rö̧ ji'ähuäjätucui Galilea rȩjȩra̧'a̧ tti̧'cha̧ pä'ö. Juhua'atä ttörö tottäcuotö.

San Marcos 3:35

O'ca toi'önä Diosrö pä̧huä̧ rö̧jo̧mȩnä̧ jȩpä̧tö̧tä̧, jahuätötä ttö cha̧ju̧'i̧nä̧, chö̧jä̧hua̧tö̧'i̧nä̧ pä'i'ätö, —pä'inödo Jesús.

San Lucas 8:21

Ja̧'hua̧nö̧ ja̧'a̧nä̧ ja̧u̧ päinä̧u̧do: —Dios i̧huȩnȩ ä̧ju̧cuä̧tö̧'i̧nä̧, hueö ta'anö jȩpä̧tö̧'i̧nä̧, jahuätötä cha̧ju̧mä̧, chö̧jä̧hua̧tö̧mä̧.

San Juan 15:14

Ucuturu o'ca juiyönä huedömä jȩcu̧'ä̧tu̧cu̧ttu̧mä̧, ttö chahuaruhuäjä.

San Juan 20:17

Jesús pä'inödo jahuäjuru: —Cä'ädö icuittö. Chä'o ö̧ja̧'a̧ ji̧nä̧ cä'ecuächocösä. Ja̧'hua̧nö̧ ja̧'a̧nä̧ chö̧jä̧hua̧tö̧rö̧ ji'ähuäji ttö Chä'o'inä, ucutu Cuä'otucu'inä ö̧ja̧'a̧ cä̧dȩcuä̧chä̧cua̧sä̧. Ja̧'hua̧ta̧nö̧ ttö Chä̧do̧ ä̧cua̧ Dios'inä, ucutu Cuä̧do̧ ä̧cua̧ Dios'inä ö̧ja̧'a̧ cä̧dȩcuä̧chä̧cua̧sä̧.

San Juan 6:29

Jesús jahuätörö ädätinödo: —Dios pä̧huä̧ rö̧jä̧cu̧ chutä hueinäcuru cuesetätucua pä'ö.

San Juan 6:40

Ja̧'hua̧ta̧nö̧ ttörö hue'inömä pä̧huä̧ rö̧jä̧cu̧ o'ca toi'önä Dios I̧tti̧rö̧ topö esetätömä kä̧cuä̧huä̧ i'co ttu̧ju̧nä̧ra̧ pä'ö. Röji mo̧ro̧ päi'omenä, jahuätörö tto̧dä̧dä̧cuä̧u̧, —pä'inödo Jesús.

Hechos 17:30

Pä'äjimä ttö̧ja̧ jerupö jȩtti̧nö̧mä̧, Dios ja̧'a̧tä̧ ami 'qui'ächi'ö topinö. Jitämä o'ca toi'önärö pi̧jä̧ o'ca juiyönä ka̧cuä̧tö̧rö̧ Dios hue'ö suronä jȩttö̧mä̧ jaropi'ö pärocuäcutä ttamöcuäda pä'ö.

Hechos 26:20

Äcuomenä Damasco ötahuiyänä ka̧cuä̧tö̧rö̧ ji'ähuinösä. Ja̧u̧nu̧ o'ca'a Jerusalén ötahuiyänä o'ca juiyönä Judea rȩjȩnä̧'i̧nä̧ ka̧cuä̧tö̧rö̧, judíos huocotörö'inä ji'ähuinösä: “Pärocuäcutä amöcuädö, Diosrö cuesetätucu'a̧nö̧ ja̧'a̧. Cuesetätucua'attö, adiu jȩcu̧'ä̧tu̧cu̧'a̧nö̧ ja̧'a̧, korotö cu'ärohuächätucua'a tottäcua'a̧nö̧”, pä'inösä.

Romanos 8:29

Dios u̧huo̧jui̧nä̧u̧ru̧ äcuomenä päi'önä ȩmi̧nö̧, Itti̧ jö̧'a̧nö̧ juottächa pä'ö, recuätö ä'canä ttuböo ja̧ pä'ö ja̧u̧ru̧.

1 Corintios 9:5

Ja̧'hua̧ta̧nö̧ korotö Jesús hue'ähuotö'inä, Tu̧ru̧hua̧ ö̧jä̧hua̧tö̧'i̧nä̧, Pedro'inä kara'a 'chä̧nö̧ ttirecuarö ttȩpö̧'a̧nö̧, ttö'inä ttörö pä̧huä̧ rö̧jö̧ttö̧mä̧ chirecuarö, Diosrö esetäjuru chȩpö̧'a̧nö̧ ja̧'a̧.

2 Corintios 11:2

Iso päi'önä Dios ucuturu a'cuoyäunu to̧ä̧ra̧'a̧ttö̧, ttö'inä a'cuoyäunu to̧pä̧rö̧sä̧ ucuturu. Ja̧'hua̧ta̧nö̧ yajute isaju, uborö yoröiso jerupaju, kirecuo ya̧tȩrö̧tä̧ ȩmä̧ju̧ jä̧'i̧nö̧'a̧nö̧ huotörö, hueda pä'ösä ucuturu Cristocu cu̧ja̧cuä̧tu̧cua̧ pä'ö.

Gálatas 5:6

Ujutu Cristo Jesúsru tesetomenä, circuncisión jȩä̧cuä̧huä̧'i̧nä̧, circuncisión jȩä̧cuä̧huo̧cö̧'i̧nä̧ yoröiso micuähuocö ujuturu. Ujutumä Cristorö tesetötä adiu micuähua'a. Ja̧'hua̧ta̧nö̧ ja̧u̧ru̧ tesetomenä, tahuaruhuärö repetäu'a̧nö̧ ja̧'a̧.

Gálatas 6:15

Ja̧'hua̧ta̧nö̧ Cristo Jesúsru tesetomenä, circuncisión jȩä̧cuä̧huä̧'i̧nä̧, circuncisión jȩä̧cuä̧huo̧cö̧'i̧nä̧, yoröiso micuähuocö. Cristorö esetö jareönä ttö̧ja̧ päti'omenätä micuähua'a.

Colosenses 3:11

Jitämä o'ca toi'önä yorätehuätöjä Dios ä'ca jo̧mȩttö̧. Yoröiso toa'a judíos ttö̧ja̧ i̧sa̧'i̧nä̧, judíos huocö'inä, circuncidado hua̧'i̧nä̧, circuncidado huocö'inä. Ja̧'hua̧ta̧nö̧ ru̧hua̧cu̧ aditö'inä, aditocö'inä, kara'a ka̧cuä̧tö̧'i̧nä̧, o'ca toi'önä yorätehuätöjä. Iso päi'önä o'ca juiyönä ka̧'a̧ Cristonä. Ja̧'hua̧ta̧nö̧ Cristo o'ca toi'önärö kö̧.

1 Timoteo 5:2

Nä̧tö̧ böäcuächätörö'inä ucuocu ji'ähui, ucuhuätä cuamönä cua̧ju̧ a̧'cua̧rö̧nä̧. Ja̧'hua̧ta̧nö̧ nä̧tö̧ möäyotörö ucuocu ji'ähui, ucuhuätä cuamönä cu̧jä̧hua̧tö̧ a̧'cua̧rö̧nä̧ suronä amöcuädäcuähuä juiyönä.

Hebreos 5:9

Ja̧'hua̧nö̧ huo̧jui̧pö̧, yoröiso adihuä i̧sa̧ pä'i'inödo. Jitämä chutä kä̧cuä̧huä̧ i'co iyödo, o'ca toi'önä ja̧u̧ru̧ esetätörö.

1 Juan 2:17

Pi̧jä̧ beipächa'a. Pi̧jä̧ jähuä pä̧huä̧ rö̧jö̧ toäcuähuä'inä beipächa'a. Ja̧'hua̧nö̧ ja̧'a̧nä̧ Diosrö pä̧huä̧ rö̧jö̧ jȩpä̧tö̧mä̧ 'cuäopönä ttö̧ja̧cuä̧cuo̧tö̧.

Apocalipsis 22:14

Ttö̧'ca̧tä̧huä̧ta̧ töcätömä, dau kä̧cuä̧huä̧ i'co dauttu ttȩma̧ pä'ö, eseunu ttö̧ja̧cuä̧cuo̧tö̧. Ja̧'hua̧nö̧ jȩpö̧ ötahuiyä äpatiyänä dottächäcuotö.