San Mateo 12:25 - TÄ̧DO Ä̧CUÄ̧ I̧HUȨNȨ

²⁵ Jesús ttamöcuädömä huo̧jui̧nö̧do. Pä'inödo: —Ya̧tȩ ru̧hua̧mä̧ chutä umöhuäyotöcu rohuäumä, o'ca päi'önä bȩi̧pä̧chä̧cua̧. Ja̧'hua̧ta̧nö̧ ya̧tȩ chutä ahuaruhuäcu rohuäumä, yoröiso recuo ko̧co̧tö.

Nuevo Testamento Uwotjüja

²⁵ Ja̧'wa̧nü̧ ttamükuäda'a wo̧juö̧, Jesú-mä̧ päinä̧u̧: Ruwo weäwä o'kajuiyünä̧tä̧ tta̧mü̧nä̧ pa̧ja̧tü̧ 'kȩttȩkuä̧cho̧mȩnä̧mä̧, jua̧u̧mä̧ rekuo kko̧kü̧. Ja̧'wa̧ta̧nü̧ ütawiyä o'kajuiyütä, i̧tti̧mü̧ku̧ 'kȩttȩkuä̧chü̧ttü̧mä̧, rekuomä̧ kka̧kuo̧ko̧tü̧.

San Mateo 12:25 ပူးပေါင်းရင်းမြစ်များ

San Mateo 9:4

Ja̧'hua̧nö̧ ttamöcuädomenä, Jesús huo̧jui̧nö̧do ttamöcuädömä. Jahuätörö pä'inödo: —¿Dä̧bö̧ suronä cuamöcuädätucuättö?

San Marcos 2:8

Ja̧'hua̧nö̧ ja̧'a̧nä̧ ja̧'hua̧nö̧ ttamöcuädomenä, Jesús huo̧jui̧nö̧do ttamöcuädömä. Jahuätörö pä'inödo: —¿Dä̧bö̧ cuamöcuädätucuättö ja̧'hua̧nö̧mä̧?

San Juan 21:17

Ja̧'hua̧ta̧nö̧ pä'äji ta'anö huäbodäcuänä päi'önä jä'epinödo: —Simón, Jonás i̧tti̧, ¿ttörö repe'öjä tä̧ji̧? Ja̧'hua̧ ja̧'a̧ttö̧ huäbodäcuänä ja̧u̧tä̧ juäi jäepäcu, Pedro a̧'cua̧ tta̧'ȩcu̧ pä'inödo Jesúsru: —Chu̧ru̧hua̧, ucu o'ca juiyönä huo̧jua̧jä̧. Ucuru repeda'a huo̧jua̧jä̧. Ja̧'hua̧ ja̧'a̧ Jesús pä'inödo ja̧u̧ru̧: —Ja̧u̧ttu̧mä̧, ya̧tȩ o̧vȩja̧stö̧ tta̧huä̧ra̧'a̧ jä̧'i̧nö̧'a̧nö̧, tta̧'ä̧ri̧ ttörö esetätörö.

1 Corintios 2:11

Ja̧'hua̧ta̧nö̧ pi̧jä̧ ttö̧ja̧ttö̧ ¿dijä̧ttö̧ ka̧ra̧ ami iso'quinä amöcuädö huo̧jua̧? Ya̧tȩä̧tä̧ chutä a̧'cua̧ru̧hua̧tä̧ ami iso'quinä huo̧jua̧. Ja̧'hua̧ta̧nö̧ ja̧'a̧nä̧ ya̧tȩtä̧ Espíritu Santotä o'ca juiyönä Dios jähuä huo̧jua̧.

Gálatas 5:15

Ja̧'hua̧nö̧ ja̧'a̧nä̧ ucutu cuamönätucunä korotörö pä̧'o̧pä̧rö̧ rohuäu jȩcu̧'ä̧tu̧cu̧ttu̧mä̧, ttu̧ȩcuä̧nä̧ ka̧cuä̧tu̧cui̧, ucututä cuamönätucu becuhui'ächätucu juiyäcua'a̧nö̧.

Hebreos 4:13

Diosmä da̧jä̧u̧mä̧ ttö̧ji̧po̧co̧cu̧do yoröisotä. Ja̧u̧ o'ca juiyönä bahuecuächönä topödo. O'ca juiyönä u̧huo̧jua̧'a̧ttö̧, o'ca toi'önä ja̧u̧ru̧ jitähuäcuotöjä o'ca juiyönä jȩtö̧mä̧.

Apocalipsis 16:19

Ötahuiyä rö̧ome, huäbodäcuä ötahuiyä jo̧mȩnä̧ päi'ina'a. Pi̧jä̧ttö̧ ötahuiyä'inä päcua'acu ma̧ä̧chi̧na̧'a̧. Ja̧'hua̧ ja̧'a̧nä̧ Dios amöcuädinö ötahuiyä rö̧ome, Babilonia ötahuiyä. Chutä ö̧ra̧huä̧ra̧'a̧ttö̧, ro̧ȩcuä̧ vino ttahua pä'ö hue'inö juhua'a ötahuiyänä ka̧cuä̧tö̧rö̧.

Apocalipsis 2:23

Ki̧tti̧mö̧rö̧'i̧nä̧ cuä'ö chi̧cuä̧cua̧sä̧. Ja̧'hua̧nö̧ jȩcho̧mȩnä̧, o'ca toi'önä iglesias ruhuämä, iso päi'önä o'ca juiyönä ttamöcuädönä'inä, ttami iso'quinä'inä topö huo̧jua̧sä̧ pä'ö ttu̧huo̧juä̧cuo̧tö̧. Ucutu'inä jȩcu̧'ä̧tu̧cu̧ topö chi̧yä̧cua̧sä̧ ka̧ra̧rö̧'i̧nä̧, ka̧ra̧rö̧'i̧nä̧.